ഇനി ഫേഷ്യൽ ചെയ്യാൻ ഐസ് ക്യൂബുകളും, ഇവ ട്രൈ ചെയ്യൂ

കണ്ണിനടിയിലെ കറുപ്പ് നിറം മുതൽ പാടുകളും മുഖക്കുരുവും ഞൊടിയിടയിൽ ഇല്ലാതാക്കാൻ ഇതിലും നല്ലൊരു മാർഗമില്ല.

കറ്റാർവാഴ

കറ്റാവാഴയുടെ ജെൽ പ്രത്യേകം എടുക്കാം. അതിലേയ്ക്ക് വിറ്റാമിൻ ഇ ക്യാപ്സൂൾ പൊട്ടിച്ചൊഴിക്കാം. അത് നന്നായി അരച്ചെടുക്കാം. ഇത് ഒരു ഐസ് ട്രേയിലേയ്ക്കു മാറ്റി ഫ്രീസറിൽ സൂക്ഷിക്കാം. ആവശ്യാനുസരണം ഉപയോഗിക്കാം.

ഗ്രീൻ ടീ

ഗ്രീൻ ടീ തിളപ്പിച്ച് ചൂടാറാൻ മാറ്റി വയ്ക്കാം. തണുത്തതിനു ശേഷം അരിച്ച് ഐസ് ട്രേയിലേയ്ക്കു മാറ്റാം. കട്ടിയായതിനു ശേഷം ആവശ്യാനുസരണം ഉപയോഗിക്കാം.

ഓറഞ്ച്

ഓറഞ്ച് തൊലി ഉണക്കിപൊടിച്ചെടുക്കാം. അതിലേയ്ക്ക് റോസ് വാട്ടർ ചേർത്തിളക്കി യോജിപ്പിക്കാം. ഇത് ഒരു ഐസ് ട്രേയിലേയ്ക്കു മാറ്റി കട്ടിയാകാൻ വയ്ക്കാം. ശേഷം ആവശ്യാനുസരണം ഉപയോഗിക്കാം.

വെള്ളരി

ഒരു സാലഡ് വെള്ളരി തൊലി കളഞ്ഞ് ചെറിയ കഷ്ണങ്ങളായി അരിയാം. അതിലേയ്ക്ക് ഒരു സ്പൂൺ നാരങ്ങ,​ഒരു സ്പൂൺ തേൻ എന്നി ചേർത്ത് അരച്ചെടുക്കാം. ഇത് ഐസ് ട്രേയിലേയ്ക്ക് മാറ്റി ഫ്രീസറിൽ സൂക്ഷിക്കാം. കട്ടയായി കഴിയുമ്പോൾ ആവശ്യാനുസരണം മുഖം മസാജ് ചെയ്യാൻ ഉപയോഗിക്കാം. സ്ഥിരമായി ഇങ്ങനെ ചെയ്യുന്നത് ചർമ്മെ മോയ്സ്ച്യുറൈസ് ആകാൻ നല്ലതാണ്.

ഇക്കാര്യം ശ്രദ്ധിക്കാം

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.