സ്ലീവ്‌ലെസ് ഷോർട്ട് ടോപ്പും ഫുൾ സ്കർട്ടും, ഗ്ലാമർ ലുക്കിൽ എസ്തർ അനിൽ

ബാലതാരമായി മലയാള സിനിമയിലേക്ക് എത്തിയ നടിയാണ് എസ്തർ അനിൽ. നല്ലവന്‍, ഒരു യാത്രയില്‍, കുഞ്ഞനന്തന്റെ കട, മല്ലൂസിങ്, ഡോക്ടര്‍ ലൗ, വയലിന്‍, ഞാനും എന്റെ ഫാമിലിയും തുടങ്ങി നിരവധി ചിത്രങ്ങളില്‍ അഭിനയിച്ചുവെങ്കിലും ജീത്തു ജോസഫിന്റെ 'ദൃശ്യം' ആണ് എസ്തറിന്റെ കരിയറില്‍ വഴിത്തിരിവായത്. മോഹന്‍ലാലിന്റെയും മീനയുടേയും മകളായിട്ടാണ് ചിത്രത്തിൽ എസ്തർ അഭിനയിച്ചത്.

എസ്തറിന്റെ പുതിയ ഫൊട്ടോഷൂട്ട് ചിത്രങ്ങളാണ് സോഷ്യൽ മീഡിയ ഏറ്റെടുത്തിരിക്കുന്നത്. അതീവ ഗ്ലാറസായാണ് ചിത്രങ്ങളിൽ എസ്തറുള്ളത്. സ്ലീവ്‌ലെസ് ഷോർട്ട് ടോപ്പും ഫുൾ സ്കർട്ടും ധരിച്ച് കിടിലൻ ലുക്കിലുള്ള താരത്തിന്റെ ചിത്രങ്ങൾ ആരാധകരുടെ മനം കവർന്നിട്ടുണ്ട്. മെറിൻ ജോർജ് ആണ് ചിത്രങ്ങൾ പകർത്തിയത്. സ്റ്റൈലിങ് അമൃത ലക്ഷ്മി. ശ്രീകേഷ്വാസന്‍ ആണ് മേക്കപ്പ്.

വളരെ ചുരുങ്ങിയകാലം കൊണ്ടുതന്നെ പ്രേക്ഷകമനസ്സില്‍ ഇടംനേടാൻ എസ്തറിന് കഴിഞ്ഞിട്ടുണ്ട്. ഓള് എന്ന സിനിമയില്‍ എസ്തർ നായികയായി അഭിനയിച്ചു. തമിഴ്, തെലുങ്ക് എന്നീ ഭാഷകളിലും അഭിനയിച്ചു. ദൃശ്യത്തിന്റെ തമിഴ് റീമേക്കിലും അഭിനയിച്ചു. മലയാളത്തില്‍ ദൃശ്യം 2വിലായിരുന്നു എസ്തര്‍ അവസാനമായെത്തിയത്.