ഷർട്ട് കൊള്ളാം, വിലയോ?; അറിയാം ദുൽഖർ ധരിച്ച റെട്രോ ടൈൽ ഷർട്ടിന്റെ സവിശേഷതകൾ

സിനിമാ താരങ്ങളുടെ വാർഡ്രോബ് വിശേഷങ്ങൾ അറിയാനും പുത്തൻ ട്രെൻഡിങ്ങ് ഫാഷനുകൾ പിന്തുടരുവാനും ഫാഷൻ പ്രേമികൾക്ക് എന്നും താൽപ്പര്യമാണ്. അതുകൊണ്ട് തന്നെ താരങ്ങൾ ധരിക്കുന്ന ബ്രാൻഡഡ് വസ്ത്രങ്ങളുടെയും ആക്സസറീസിൻ്റേയുമെല്ലാം വിലവിവരങ്ങൾ ഇൻ്റർനെറ്റിൽ പരതിനടക്കുന്നവരും ഏറെയാണ്.

യുവതാരങ്ങളിലെ പ്രമുഖ ഫാഷൻ ഐക്കണായ ദുൽഖർ സൽമാൻ്റെ ഫാഷൻ സെൻസും ഏറെ പ്രശംസ പിടിച്ചുപറ്റാറുണ്ട്. ബ്രാൻഡഡ് വാച്ചുകൾ, ഡ്രസ്സുകൾ, കാറുകൾ എന്നിവയിലെല്ലാം കുഞ്ഞിക്കയ്ക്ക് പ്രത്യേക താൽപ്പര്യവുമുണ്ട്. ദുൽഖർ സൽമാന്റെ ഓവർ സൈസ്ഡ് ഷർട്ടുകളിലാണ് ഇപ്പോൾ യൂത്തിന്റെ കണ്ണുടക്കിയിരിക്കുന്നത്.

ഫിലിംഫെയർ മാഗസിന്റെ കവർ ഷൂട്ടിനായി ദുൽഖർ ധരിച്ച റെട്രോ ടൈൽ ഡിസൈനിലുള്ള ഷർട്ടാണ് ഇപ്പോൾ ശ്രദ്ധ നേടുന്നത്.

കനിക ഗോയൽ ലേബൽ (കെജിഎൽ) എന്ന ബ്രാൻഡിന്റെ വില കൂടിയ ഷർട്ടാണ് ദുൽഖർ ധരിച്ചിരിക്കുന്നത്. ബ്രോക്കൺ കോളം റെട്രോ ടൈൽ ഷർട്ടാണിത്.

ഈ റെഡിമെയ്ഡ് ഷർട്ടിന് 18,000 രൂപയാണ് വില. ഈ മൾട്ടി കളേർഡ് പ്രിന്റഡ് ഷർട്ടുകൾ വിവിധ സൈസുകളിൽ വാങ്ങാനാകും. മടക്കിവെക്കാത്ത റൂച്ച്ഡ് സ്ലീവുകളാണ് ഈ ഷർട്ടിന്റെ പ്രധാന ആകർഷണീയത.