ആഘോഷവേളകളിൽ തിളങ്ങാം, ഈ ഫെയ്സ് സ്ക്രബുകൾ ഉപയോഗിക്കൂ

പഞ്ചസാര ഒരു നാച്വറൽ എക്സ്ഫോളിയേറ്ററാണ്. അതിന് ധാരാളം മോയിസ്ച്യുറൈസിങ് ഗുണങ്ങളുണ്ട്. മൃത കോശങ്ങളെ അകറ്റി തിളക്കമുള്ള ചർമ്മം നേടാൻ സഹായിക്കുന്ന ആൽഫ ഹൈഡ്രോക്സ് ആസിഡുകൾ ഇതിൽ ഉൾക്കൊള്ളുന്നു. എക്സ്ഫോളിയേറ്റ് ചെയ്യുന്നതിനൊപ്പം ഈർപ്പം നിലനിർത്താനും സഹായിക്കും. 

പ്രധാനമായും രണ്ട് തരം പഞ്ചസാരയാണ് ചർമ്മ പരിചരണത്തിനായി ഉപയോഗിക്കുന്നത്; വെള്ള പഞ്ചസാരയും, ബ്രൗൺ പഞ്ചസാരയും. വെള്ള പഞ്ചസാര വളരെ ചെറുതാണ്. ഇത് സെൻസിറ്റീവ് ചർമ്മത്തിന് അനുയോജ്യമാണ്. വളരെ മൃദുവായ ചർമ്മ ഭാഗങ്ങളിൽ ഇത് ഉപയോഗിക്കാം. എന്നാൽ ബ്രൗൺ ഷുഗറിന് അൽപം വലിപ്പമുണ്ട്. ഇത് ശരീരത്തിലെ മറ്റ് ഭാഗങ്ങൾ എക്സ്ഫോളിയേറ്റ് ചെയ്യാൻ അനുയോജ്യമാണ്. 

ആരോഗ്യകരമായ ചർമ്മം നേടുന്നതിന് ഇത്തരത്തിൽ സ്വയം തയ്യാറാക്കുന്ന സ്ക്രബുകൾ സഹായിക്കും. ഇത് പാടുകളും ചർമ്മത്തിൻ്റെ പ്രകൃതവും മെച്ചപ്പെടുത്തും. വളരെ സിംപിളായിട്ടുള്ള ഒരു സ്ക്രബ് ആണെങ്കിലും തേൻ, ഒലിവ് എണ്ണ, നാരങ്ങ എന്നിവ ചേർത്തു തയ്യാറാക്കുന്നതാണെങ്കിലും അവ ചർമ്മം തിളക്കമുള്ളതാക്കാൻ സഹായിക്കും. 

പഞ്ചസാര വെളിച്ചെണ്ണ

ഒരു ടേബിൾസ്പൂൺ പഞ്ചസാരയിലേയ്ക്ക് ഒരു ടേബിൾസ്പൂൺ​ വെളിച്ചെണ്ണ ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി മൃദുവായി മസാജ് ചെയ്യാം. 10 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

നാരങ്ങ പഞ്ചസാര

ഒരു ടേബിൾസ്പൂൺ​ പഞ്ചസാരയിലേയ്ക്ക് ഒരു ടീസ്പൂൺ നാരങ്ങാ നീര് ചേർത്തിളക്കി യോജിപ്പിക്കാം. ഇത് മുഖത്തും ശരീരത്തിൻ്റെ മറ്റ് ഭാഗങ്ങളിലും പുരട്ടി മസാജ് ചെയ്യാം. തണുത്ത വെള്ളം ഉപോഗിച്ച് കഴുകി കളയാം. 

പഞ്ചസാര ഒലിവ് എണ്ണ

ഒരു ടേബിൾസ്പൂൺ പഞ്ചസാരയിലേയ്ക്ക് ഒരു ടേബിൾസ്പൂൺ ഒലിവ് എണ്ണ ചേർത്തിളക്കി യോജിപ്പിക്കാം. ഈ മിശ്രിതം ശരീരത്ത് പുരട്ടി മൃദുവായി മസാജ് ചെയ്യാം. ഒലിവ് എണ്ണ മോയിസ്ച്യുറൈസ് ചെയ്ത് ചർമ്മം വരണ്ടു പോകുന്നതു തടയും. 

പഞ്ചസാര കറ്റാർവാഴ

ഒരു ടേബിൾസ്പൂൺ കറ്റാർവാഴ ജെല്ലിലേയ്ക്ക് ഒരു ടേബിൾസ്പൂൺ പഞ്ചസാര ചേർത്തിളക്കി യോജിപ്പിക്കാം. സെൻസിറ്റീവ് ചർമ്മത്തിന് യോജിച്ച് എക്സ്ഫോളിയേറ്ററാണിത്. 

പഞ്ചസാര സ്ക്രബ്

ഒരു ടേബിൾസ്പൂൺ​ പഞ്ചസാരിയിലേയ്ക്ക് ഒരു ടീസ്പൂൺ തേനും, ഒരു ടീസ്പൂൺ​ ഒലിവ് എണ്ണയും ചേർത്തിളക്കി യോജിപ്പിക്കാം. ഇത് ചുണ്ടിൽ പുരട്ടി 5 മിനിറ്റ് മസാജ് ചെയ്യാം. ശേഷം തണുത്ത വെള്ളത്തിൽ കഴുകി കളയാം. സ്ഥിരമായി ഉപയോഗിക്കുന്ന ലിപ് ബാം പുരട്ടാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• പഴുത്ത വാഴപ്പഴം ഒരെണ്ണം മതി, പട്ടുപോലുള്ള ചർമ്മം നേടാൻ 6 വഴികളുണ്ട്.
• കൊഴിച്ചിൽ തടയുക മാത്രമല്ല മുടി വളർച്ച വേഗത്തിലാക്കാം, ഈ 3 എണ്ണകൾ നിങ്ങളെ സഹായിക്കും
• ഫെയ്സ് വാഷ് ഇനി കടയിൽ നിന്നും വാങ്ങേണ്ട, ഇവ വീട്ടിലുണ്ടെങ്കിൽ ആരോഗ്യവും തിളക്കവുമുള്ള ചർമ്മം നേടണമെങ്കി
• തിളക്കവും കരുത്തുമുള്ള തലമുടി നേടാൻ തക്കാളി കൊണ്ട് 4 വിദ്യകൾ