ദിവസം മുഴുവൻ ശരീരത്തിൽ സുഗന്ധം നിലനിർത്താൻ റോസ് പെർഫ്യൂം, വീട്ടിൽ തയ്യാറാക്കാം

മനുഷ്യ സഹജമായ ഒന്നാണ് ശരീര ദുർഗന്ധം. ശരീരത്തിൻ്റെ താപനില നിയന്ത്രിക്കാനും വിഷവസ്തുക്കളെ പുറന്തള്ളാനും സഹായിക്കുന്ന സ്വഭാവിക പ്രക്രിയയാണ് വിയർക്കൽ

വിയർക്കുന്നത് ഒഴിവാക്കാനാകില്ലെങ്കിലും ശരീര ദുർഗന്ധം അകറ്റാന്‍ പല വഴികളുണ്ട്. അതിലൊന്നാണ് പെർഫ്യൂം.

ചേരുവകൾ

റോസ് ഇതളുകൾ- 1 കപ്പ്, പെർഫ്യൂമ്ഡ്, ആൽക്കഹോൾ- ആവശ്യത്തിന്, വെള്ളം (ഡിസ്റ്റിൽഡ് വാട്ടർ)- 1/4 കപ്പ്, വാനില എസെൻഷ്യൽ ഓയിൽ- ആവശ്യത്തിന്

തയ്യാറാക്കുന്ന വിധം

നന്നായി കഴുകി വൃത്തിയാക്കിയ റോസാപ്പൂവിൻ്റെ ഇതളുകൾ ആൽക്കഹോളിൽ കുതിർക്കാൻ വയ്ക്കാം. 24 മണിക്കൂർ അത് മാറ്റി വയ്ക്കാം. ശേഷം വെള്ളം ചേർത്ത് നന്നായി ഇളക്കാം. ഈ മിശ്രിതം വൃത്തിയുള്ള തുണിയോ അരിപ്പയോ ഉപയോഗിച്ച് അരിച്ചെടുക്കാം. അത് വൃത്തിയുള്ള ഒരു ഗ്ലാസ് ബോട്ടിലിലേയ്ക്കു മാറ്റാം. ഏതാനും തുള്ളി വാനില ഓയിൽ കൂടി ചേർക്കാം.

റോസ്‌വാട്ടർ

കുളിക്കാൻ ഉപയോഗിക്കുന്ന വെള്ളത്തിൽ അൽപ്പം റോസ് വാട്ടർ ചേർത്തിളക്കി യോജിപ്പിക്കാം. അമിതമായി വിയർപ്പുണ്ടാകുന്ന ഭാഗങ്ങളിൽ റോസ് വാട്ടർ പഞ്ഞിഉപയോഗിച്ച് പുരട്ടാം. 20 മിനിറ്റിനു ശേഷം കഴുകി കളയാം.

നാരങ്ങാനീര്

കുളിക്കുന്ന വെള്ളത്തിൽ നാരങ്ങാ നീരും റോസ് വാട്ടറും ചേർത്ത് ഉപയോഗിക്കുന്നത് ശരീരത്തിലെയും തലമുടിയിലെയും ദുർഗന്ധം അകറ്റുന്നതിന് സഹായിച്ചേക്കും.