തേൻ ഇങ്ങനെ ഉപയോഗിക്കൂ ചർമ്മത്തിലെ കറുത്ത പാടുകൾ അകറ്റാം

കാലാവസ്ഥയ്ക്കനുസരിച്ച് ആരോഗ്യത്തിലും ചർമ്മ കാര്യത്തിലും ശ്രദ്ധ ഉണ്ടാകണം. വേനൽക്കാലത്തെ ശീലങ്ങൾ ആയിരിക്കില്ല മഴക്കാലത്ത് പിന്തുടരേണ്ടത്. ചർമ്മത്തിൻ്റെ ആവശ്യങ്ങൾക്ക് അന്തരീക്ഷ താപനില അനുസരിച്ച് വ്യത്യാസം ഉണ്ടാകാൻ സാധ്യതയുണ്ട്. പ്രത്യേകിച്ച് മഴക്കാലത്ത് അന്തരീക്ഷത്തിലെ ഈർപ്പം ചർമ്മാരോഗ്യത്തെ ബാധിച്ചേക്കാം. ഇത് ചർമ്മം വരണ്ടു പോകുന്നതിനും, വിണ്ടു കീറുന്നതിനും, മങ്ങലുണ്ടാക്കുന്നതിനും കാരണമായേക്കും. അമിതമായി സെബം ഉത്പാദനം ഈ സാഹചര്യത്തിൽ ഉണ്ടാകുന്നതിനാൽ മുഖക്കുരുവിനുള്ള സാധ്യതയും കാണാം.

ഇതിനു പുറമേയാണ് ടാൻ, കറുത്തപാടുകൾ എന്നിവ നിങ്ങളെ അലട്ടുന്നത്. ഗുണപ്രദവും പാർശ്വഫലങ്ങൾ ഇല്ലാത്തതുമായ ചില പ്രതിവിധികൾ ഇവയ്ക്ക് പരിഹാരമായി സ്വയം ചെയ്യാവുന്നതേയുള്ളൂ. അതിലൊരു പ്രധാന ഘടകമാണ് തേൻ.

തേനിന് ആൻ്റി ബാക്ടീരിയൽ, ആൻ്റി ഇൻഫ്ലമേറ്ററി സവിശേഷതകളുണ്ട്. അതിനാൽ മുഖക്കുരു ഇല്ലാതാക്കുന്നതിനൊപ്പം അതിൻ്റെ പാടുകൾ കുറയ്ക്കുന്നതിനും ഉപകരിക്കും. മികച്ച മോയ്സ്ചറൈസർ കൂടിയാണിത്. തേൻ ചർമ്മത്തിൽ സ്ഥിരമായി ഉപയോഗിക്കുന്നത് ഏറെ ഗുണങ്ങൾ നൽകും

കടലമാവ് തേന്‍ 

രണ്ട് ടീസ്പൂണ്‍ തൈരും ഒരു ടീസ്പൂണ്‍ കടലമാവും ഒരു സ്പൂണ്‍ തേനും ചേര്‍ത്തിളക്കി യോജിപ്പിക്കാം. ശേഷം ഈ മിശ്രിതം മുഖത്ത് പുരട്ടാം. 20 മിനിറ്റിനു ശേഷം കഴുകി കളയാം. മുഖത്തെ കറുത്ത പാടുകളെ അകറ്റാന്‍ ഈ പാക്ക് സഹായിക്കും.

അരിപ്പൊടി തേന്‍ 

രണ്ട് ടീസ്പൂണ്‍ തൈരും ഒരു ടീസ്പൂണ്‍ അരിപ്പൊടിയും മിശ്രിതമാക്കാം. ശേഷം ഇതിലേയ്ക്ക് ഒരു നുള്ള് മഞ്ഞള്‍പ്പൊടിയും കുറച്ച് തേനും ചേര്‍ക്കുക. ഇനി ഈ മിശ്രിതം മുഖത്തും കഴുത്തിലും പുരട്ടുക. 20 മിനിറ്റിനു ശേഷം കഴുകി കളയാം. 

കാപ്പിപ്പൊടി തേൻ

ഒരു ടീസ്പൂണ്‍ കോഫിയും അര ടീസ്പൂണ്‍ മഞ്ഞളും രണ്ട് ടീസ്പൂണ്‍ തേനും ചേര്‍ത്ത് മിശ്രിതമാക്കാം. ശേഷം ഈ മിശ്രിതം മുഖത്ത് പുരട്ടി അഞ്ച് മിനിറ്റ് നന്നായി മസാജ് ചെയ്യാം. 15 മിനിറ്റിനു കഴുകി കളയാം. കറുത്ത പാടുകള്‍, ചുളിവുകള്‍ എന്നിവയെ തടയാന്‍ ഈ പാക്ക്  സഹായിക്കും. 

പഴം തേന്‍ 

രണ്ട് ടേബിൾസ്പൂൺ തേനും ഒരു പഴവും ഒരുമിച്ചു ചേർത്ത് ഉടയ്ക്കാം. ശേഷം ഈ മിശ്രിതം മുഖത്ത് പുരട്ടാം. 20 മിനിറ്റിന് ശേഷം മുഖം കഴുകാം. 

തേനും കറുവാപ്പട്ടയും

രണ്ട് ടേബിൾസ്പൂൺ തേനിലേക്ക് ഒരു ടീസ്പൂൺ കറുവാപ്പട്ട പൊടിച്ചത് ചേർത്തിളക്കൂ. ഈ മിശ്രിതം മുഖത്ത് പുരട്ടാം. കണ്ണിനു ചുറ്റുമുള്ള ഭാഗം ഒഴിവാക്കുക. പത്ത് മിനിറ്റിനു ശേഷം കഴുകി കളയൂ. 

പപ്പായക്കൊപ്പം തേനും

ചെറിയ കഷ്ണം പപ്പായ തൊലി കളഞ്ഞ് ഉടച്ചെടുക്കാം. അതിലേക്ക് ആവശ്യത്തിന് തേൻ ചേർത്തിളക്കി യോജിപ്പിക്കൂ. ഈ മിശ്രിതം കഴുകി വൃത്തിയാക്കിയ മുഖത്ത് പുരട്ടാം. പത്ത് മിനിറ്റിനു ശേഷം കഴുകി കളഞ്ഞോളൂ. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• മുടിക്ക് തിളക്കം മാത്രമല്ല കരുത്തും ലഭിക്കും ഈ ഗ്രാമ്പൂ ഹെയർ സ്പ്രേ ട്രൈ ചെയ്യൂ
• മത്തൻ വിത്തിനൊപ്പം തേനും തൈരും, ഈ കൊളാജൻ ഫെയ്സ് പാക്കുകൾ ഉപയോഗിക്കൂ: Pumpkin Seed Face Pack
• അകാലനര അകറ്റാം, ഈ 7 ചേരുവകൾ ഉപയോഗിക്കൂ
• ഈ ഫെയ്സ്പാക്കുകൾ പാൽ ഉപയോഗിച്ച് തയ്യാറാക്കൂ, കറുത്ത പാടുകൾ പമ്പ കടക്കും