കാപ്പിപ്പൊടിയിൽ വെളിച്ചെണ്ണ ചേർത്ത് ഉപയോഗിക്കുന്നതിൻ്റെ ഗുണങ്ങൾ അറിയാമോ?

ധാരാളം ആൻ്റി ഓക്സിഡൻ്റുകൾ അടങ്ങിയിരിക്കുന്ന കാപ്പിപ്പൊടി പ്രകൃതിദത്തമായ എക്സ്ഫോളിയൻ്റു കൂടിയാണ്.​ ഇത് മൃതകോശങ്ങളെ ഇല്ലാതാക്കാനും ചർമ്മത്തെ കൂടുതൽ തിളക്കവും മൃദുത്വവുമുള്ളതാക്കി തീർക്കാനും സഹായിക്കും.

ചർമ്മത്തിലെ കരുവാളിപ്പ്, കറുത്തപാടുകൾ, ചുളിവുകൾ എന്നിവ തടുക്കാൻ കാപ്പിപ്പൊടി ഉപയോഗിച്ചുള്ള ബോഡി സ്ക്രബ് ശീലമാക്കാം.

ബോഡി സ്ക്രബ്

ചേരുവകൾ കാപ്പിപ്പൊടി- 1/2 കപ്പ്, വെളിച്ചെണ്ണ- 1/4 കപ്പ്, വെള്ളം- 2 ടേബിൾസ്പൂൺ

ഒരു ബൗളിലേയ്ക്ക് അര കപ്പ് കാപ്പിപ്പൊടിയെടുക്കാം. അതിലേയ്ക്ക് കാൽ കപ്പ് വെളിച്ചെണ്ണയും, രണ്ട് ടേബിൾസ്പൂൺ വെള്ളവും ചേർത്തിളക്കി യോജിപ്പിക്കാം.

കുളിക്കുന്നതിനു മുമ്പായി ഈ മിശ്രിതം ശരീരത്തിൽ പുരട്ടി മൃദുവായി സ്ക്രബ് ചെയ്യാം. ഉപയോഗിക്കുന്നതിനു മുമ്പായി പാച്ച് ടെസ്റ്റ് ചെയ്തു നോക്കണം.

15 മിനിറ്റിനു ശേഷം ഇത് തണുത്ത വെള്ളത്തിൽ കഴുകി കളയാം. ശേഷം നന്നായി തുടയ്ക്കാം. സ്ഥിരമായി ഉപയോഗിക്കുന്ന മോയ്സ്ച്യുറൈസർ പുരട്ടാം.