വെളിച്ചെണ്ണയോ ബദാം ഓയിലോ, വരണ്ട തലമുടിക്ക് ഇതിൽ ഏതാണ് ഉത്തമം?

തണുത്ത കാറ്റ്, കുറഞ്ഞ ഈർപ്പം, ചൂടുവെള്ളത്തിലെ കുളി, കൂടാതെ അമിതമായ കെമിക്കൽ അടങ്ങിയ ഉത്പന്നങ്ങളുടെ ഉപയോഗം എന്നിവ തലയോട്ടി ഉണങ്ങാനും ചൊറിച്ചിലിനും താരൻ വരാനും കാരണമാകുന്നു. ഈ സമയത്ത് മുടി പരുക്കനാകാനും പൊട്ടിപ്പോകാനുമുള്ള സാധ്യത കൂടുതലാണ്. ഈ സാഹചര്യത്തിൽ തലയോട്ടിയെ സംരക്ഷിക്കാനുള്ള ഏറ്റവും എളുപ്പവഴികളിലൊന്ന് എണ്ണ തേയ്ക്കുക എന്നതാണ്. ഇന്ത്യൻ വീടുകളിൽ ഏറ്റവും പ്രചാരമുള്ള രണ്ട് എണ്ണകളാണ് വെളിച്ചെണ്ണയും ബദാം ഓയിലും. ഇവയിൽ ഏതാണ് കൂടുതൽ അനുയോജ്യം? 

വെളിച്ചെണ്ണ

പുരാതന കാലം മുതൽ മുടി സംരക്ഷണത്തിന് വെളിച്ചെണ്ണ ഉപയോഗിച്ചു വരുന്നു. ഇത് അധികം കട്ടിയില്ലാത്തതും എളുപ്പത്തിൽ ലഭ്യമാകുന്നതും മിക്കവാറും എല്ലാ മുടി തരങ്ങൾക്കും അനുയോജ്യവുമാണ്.

Also Read: പത്തു മിനിറ്റിൽ പാർട്ടി ഗ്ലോ നേടാം, ഈ 3 ചേരുവ മതി

ആഴത്തിലുള്ള ഈർപ്പം: വെളിച്ചെണ്ണ തലയോട്ടിയിലേക്കും മുടിയിലേക്കും ആഴ്ന്നിറങ്ങുകയും വരൾച്ച കുറയ്ക്കുകയും ചെയ്യുന്നു.

മുടികൊഴിച്ചിൽ തടയുന്നു: ഇത് മുടിയെ ശക്തിപ്പെടുത്തുകയും പൊട്ടിപ്പോകുന്നത് ഒഴിവാക്കുകയും ചെയ്യുന്നു.

ചൊറിച്ചിൽ ശമിപ്പിക്കുന്നു: ഇതിലെ സ്വാഭാവിക തണുപ്പും ആന്റി-ഇൻഫ്ലമേറ്ററി ഗുണങ്ങളും തലയോട്ടിയിലെ ചൊറിച്ചിൽ കുറയ്ക്കുന്നു.

താരൻ നിയന്ത്രിക്കുന്നു: വെളിച്ചെണ്ണയിലെ ആന്റിഫംഗൽ ഗുണങ്ങൾ വരൾച്ച മൂലമുണ്ടാകുന്ന താരനെ പ്രതിരോധിക്കുന്നു.

Also Read: അടുക്കളയിൽ ഇത് മാറ്റി വച്ചോളൂ, ഇനി നരച്ച മുടിയോട് വിട പറയാം

ദോഷവശങ്ങൾ

തണുപ്പുകാലത്ത് വെളിച്ചെണ്ണ കട്ടപിടിക്കാൻ സാധ്യതയുള്ളതിനാൽ വളരെ വരണ്ട തലയോട്ടിയിൽ ഇത് ഉപയോഗിക്കുമ്പോൾ കട്ടി കൂടുതലായി തോന്നാം. ശരിയായി കഴുകി കളഞ്ഞില്ലെങ്കിൽ ചിലരിൽ ചർമ്മ സുഷിരങ്ങൾ അടയാനും കാരണമായേക്കാം.

Also Read: മുടികൊഴിച്ചിലും മുഖക്കുരുവും പമ്പകടക്കും, ഈ രഹസ്യക്കൂട്ട് പരീക്ഷിക്കൂ

ബദാം ഓയിൽ

വിറ്റാമിനുകളുടെ കലവറയായ ബദാം ഓയിൽ വരണ്ടതും തണുപ്പുള്ളതുമായ മാസങ്ങളിൽ പ്രത്യേകിച്ചും ഉപയോഗപ്രദമാണ്.

വിറ്റാമിൻ ഇ സമൃദ്ധം: തലയോട്ടിക്ക് ആവശ്യമായ ഈർപ്പം നൽകുകയും മുടിക്ക് കേടുപാടുകൾ സംഭവിക്കുന്നത് തടയുകയും ചെയ്യുന്നു.

ഡീപ്പ് കണ്ടീഷനിംഗ്: ബദാം ഓയിലിന് കട്ടി കൂടുതലായതിനാൽ ഇത് ദീർഘനേരം ഈർപ്പം നിലനിർത്തുന്നു, ഇത് ശൈത്യകാലത്ത് മികച്ചതാണ്.

മുടിയുടെ കട്ടി വർദ്ധിപ്പിക്കുന്നു: പരുക്കൻ മുടിയെ മൃദുവാക്കാനും മുടിയുടെ ആരോഗ്യം മെച്ചപ്പെടുത്താനും സഹായിക്കുന്നു.

തലയോട്ടിയുടെ ആരോഗ്യം: ഇതിലെ മഗ്നീഷ്യവും ഫാറ്റി ആസിഡുകളും മുടിയുടെ വേരുകളെ ബലപ്പെടുത്തുകയും മുടികൊഴിച്ചിൽ കുറയ്ക്കുകയും ചെയ്യുന്നു.

ദോഷവശങ്ങൾ

വെളിച്ചെണ്ണയെ അപേക്ഷിച്ച് ബദാം ഓയിലിന് ഭാരം കൂടുതലായതിനാൽ അമിതമായി ഉപയോഗിച്ചാൽ മുടി ഒട്ടിപ്പിടിക്കാൻ സാധ്യതയുണ്ട്. അണ്ടിപ്പരിപ്പുകളോട് അലർജിയുള്ളവർ ഇത് ഒഴിവാക്കണം.

ഏത് എണ്ണയാണ് നല്ലത്?

തലയോട്ടിയിൽ നേരിയ വരൾച്ച മാത്രമാണെങ്കിൽ വെളിച്ചെണ്ണ തിരഞ്ഞെടുക്കാം. ഇത് മുടി അധികം ഒട്ടിപ്പിടിക്കാതെ സംരക്ഷണം നൽകും. അമിതമായ ചൊറിച്ചിലോ താരനോ ഉണ്ടെങ്കിൽ ബദാം ഓയിൽ മികച്ച ഓപ്ഷനാണ്. ഇത് ആഴത്തിലുള്ള പോഷണം നൽകുന്നു. കൂടുതൽ വരണ്ട കാലാവസ്ഥയാണെങ്കിൽ രണ്ട് എണ്ണകളും ചേർത്ത് ഉപയോഗിക്കാം. വെളിച്ചെണ്ണയുടെ ആഴ്ന്നിറങ്ങാനുള്ള കഴിവും ബദാം ഓയിലിന്റെ തീവ്രമായ ഈർപ്പവും ഒരേപോലെ ലഭിക്കും.

എണ്ണ എങ്ങനെ ഉപയോഗിക്കണം?

• എണ്ണ ചെറുതായി ചൂടാക്കിയ ശേഷം തലയോട്ടിയിൽ തേയ്ക്കുന്നത് ഗുണങ്ങൾ വേഗത്തിൽ ലഭിക്കാൻ സഹായിക്കും.
• രക്തചംക്രമണം വർദ്ധിപ്പിക്കാൻ 5-10 മിനിറ്റ് മൃദുവായി മസാജ് ചെയ്യാം.
• കുറഞ്ഞത് 30-60 മിനിറ്റ് അല്ലെങ്കിൽ രാത്രി മുഴുവൻ എണ്ണ തലയിൽ വയ്ക്കാം.
• മൃദുവായ ഷാംപൂ ഉപയോഗിച്ച് കഴുകി കളയാം.
• മികച്ച ഫലത്തിനായി ആഴ്ചയിൽ രണ്ടോ മൂന്നോ തവണ എണ്ണ തേയ്ക്കാം.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക

Read More: ഈ രണ്ട് വിത്തുകൾ മതി; താരനും മുടി കൊഴിച്ചിലിനും ഇനി വിട പറയാം