Latest News

സ്വന്തം കുഞ്ഞിനെ പ്ലാസ്റ്റിക് കവറിലാക്കി അനാഥാലയത്തിലേക്ക് കൊറിയർ അയച്ച അമ്മ അറസ്റ്റിൽ

കവറുമായി പോകുമ്പോള്‍ ഉള്ളില്‍ നിന്ന് ഇളക്കവും ഞെരക്കവും കേട്ടതിനെ തുടര്‍ന്ന് പൊതിയഴിച്ചപ്പോഴാണ് ഉള്ളില്‍ ജീവനുള്ള കുട്ടിയെ കാണുന്നത്

BaBy, Mother

ബെയ്ജിങ്ങ്: സ്വന്തം കുഞ്ഞിനെ പാക്ക് ചെയ്ത് അനാഥാലയത്തിലേക്ക് കൊറിയര്‍ ചെയ്ത അമ്മ അറസ്റ്റിൽ. ചൈനയിൽ ഫൂച്ചൗവിലാണ് സംഭവം.

ഒന്നിലധികം പ്ലാസ്റ്റിക് കവറുകളിലാക്കി കുട്ടിയെ പൊതിഞ്ഞ ശേഷം കൊറിയറുകാരനെ ഏല്‍പിക്കുകയായിരുന്നു ലൂ. കവറിലെന്താണെന്ന് പല തവണ ആരാഞ്ഞെങ്കിലും എന്താണെന്ന് വ്യക്തമാക്കാന്‍ ലൂ തയ്യാറായിരുന്നില്ല. അനാഥാലയത്തിന്റെ വിലാസമായിരുന്നു പൊതിയില്‍ രേഖപ്പെടുത്തിയിരുന്നകത്. എന്നാല്‍ കവറുമായി പോകുമ്പോള്‍ ഉള്ളില്‍ നിന്ന് ഇളക്കവും ഞെരക്കവും കേട്ടതിനെ തുടര്‍ന്ന് പൊതിയഴിച്ചപ്പോഴാണ് ഉള്ളില്‍ ജീവനുള്ള കുട്ടിയെ കാണുന്നത്.

അമ്മയായ 24കാരിയായ ലൂവിനെ പൊലീസ് കസ്റ്റഡിയിലെടുത്തു. ഇവരെ ചോദ്യം ചെയ്തു വരികയാണെന്നും പൊലീസ് അറിയിച്ചു. കുട്ടി സുരക്ഷിതയാണെന്നും ആരോഗ്യം വീണ്ടെടുത്തുകൊണ്ടിരിക്കുകയാണെന്നും പൊലീസ് വിശദീകരിച്ചു.

Get the latest Malayalam news and Lifestyle news here. You can also read all the Lifestyle news by following us on Twitter, Facebook and Telegram.

Web Title: Chinese mother tries to mail her baby to an orphanage

Next Story
‘ഷാബാസിനും കേരളത്തിനും നന്ദി’ മകളുടെ ജീവൻ തിരിച്ചുതന്ന രക്ഷകനെ തേടി അച്‍ഛന്‍ കേരളത്തില്‍; വീഡിയോFather
The moderation of comments is automated and not cleared manually by malayalam.indianexpress.com