ആൻമരിയയിലെ ആ കൊച്ചു സുന്ദരിയിൽ നിന്ന് രൺവീർ സിങ്ങിൻ്റെ ഗ്ലാമറസ് നായികയിലേയ്ക്ക്; ശ്രദ്ധേയമായി സാറയുടെ ചിത്രങ്ങൾ

നടൻ രാജ് അർജുന്റെ മകളായി 2005-ൽ ജനിച്ച സാറ, ഒരു വയസ്സുള്ളപ്പോൾ തന്നെ പരസ്യചിത്രങ്ങളിൽ അഭിനയിച്ചു തുടങ്ങി.

2011-ൽ പുറത്തിറങ്ങിയ തമിഴ് ചിത്രം 'ദൈവ തിരുമകൾ' ആണ് സാറയുടെ കരിയറിലെ വഴിത്തിരിവായത്. നടൻ വിക്രമിന്റെ മകളായി ഈ സിനിമയിൽ മികച്ച പ്രകടനം കാഴ്ചവെച്ചതിലൂടെ സാറ പ്രേക്ഷകശ്രദ്ധ പിടിച്ചുപറ്റി.

'ആൻമരിയ കലിപ്പിലാണ്' എന്ന ഒറ്റ സിനിമ മതി മലയാളികൾക്ക് സാറയെ ഓർത്തിരിക്കാൻ.

കഴിഞ്ഞ വർഷങ്ങളിൽ സാറയുടെ കരിയറിലെ ഏറ്റവും വലിയ നാഴികക്കല്ലായത് മണിരത്നം ഒരുക്കിയ ബ്രഹ്മാണ്ഡ ചിത്രം 'പൊന്നിയിൻ സെൽവൻ' ആയിരുന്നു.

പുതിയ ചിത്രം 'ധുരന്ധറി'ലൂടെ സാറ നായിക എന്ന നിലയിലേക്ക് മാറിയിരിക്കുകയാണ്. ചിത്രത്തിൻ്റെ ടീസർ ലോഞ്ചിനെത്തിയ സാറയുടെ വീഡിയോയും ചിത്രങ്ങളും ആരാധകരെ ഏറെ അത്ഭുതപ്പെടുത്തി.

വെള്ള നിറത്തിലുള്ള സൽവാറിൽ അതീവ സുന്ദരിയായാണ് സാറ വേദിയിലെത്തിയത്.