മുഖക്കുരുവോ പാടുകളോ ഇല്ല, 30കളിലും കൃതിയുടെ തിളക്കമുള്ള ചർമ്മത്തിൻ്റെ രഹസ്യം ഇതാണ്

കൃതി സനോൺ തൻ്റെ പ്രിയപ്പെട്ട ചർമ്മ സംരക്ഷണ ഉത്പന്നത്തെക്കുറിച്ച് ഒരു അഭിമുഖത്തിലാണ് തുറന്നു പറഞ്ഞത്. സിനിമകളിലും മറ്റും അഭിനയ രംഗത്ത് കരയുന്ന സീനുകളിൽ ഉപയോഗിക്കുന്ന ഗ്ലിസറിൻ ചർമ്മ പരിചരണത്തിനും ഉപയോഗിക്കാം എന്ന് നടി പറയുന്നു.

ചർമ്മം വരണ്ടു പോകുന്ന അവസ്ഥ തടഞ്ഞ് ഈർപ്പം നിലനിർത്താൻ ഇത് സഹായിക്കുന്നു. മിക്കവാറും എല്ലാ ചർമ്മ സംരക്ഷണ ഉത്പന്നങ്ങളിലും ഇതിൻ്റെ സാന്നിധ്യമുണ്ട്. പെപ്റ്റൈഡുകളും ചർമ്മത്തിൻ്റെ ഇലാസ്തികത നിലനിർത്താൻ സഹായിക്കുമെന്ന് കൃതി പറയുന്നു.

രണ്ടോ മൂന്നോ തുള്ളി ഗ്ലിസറിൻ സ്ഥിരമായി ഉപയോഗിക്കുന്ന മോയ്സ്ചറൈസറിൽ ചേർത്ത് പുരട്ടാവുന്നതാണ്. അല്ലെങ്കിൽ പാലിൽ ഒരു സ്പൂൺ ഗ്ലിസറിൻ ചേർത്ത് ഉപയോഗിക്കാം.

ചർമ്മത്തിലെ ചെറിയ സുഷിരങ്ങൾ കുറയ്ക്കുവാൻ വെള്ളത്തിൽ ഗ്ലിസറിൻ ലയിപ്പിച്ച് ഉപയോഗിച്ചാലും മതിയാകും. സ്ഥിരമായി ഉപയോഗിക്കുന്നതിനു മുമ്പ് പാച്ച് ടെസ്റ്റ് ചെയ്തു നോക്കാൻ മറക്കരുത്.

മറ്റേതെങ്കിലും ചേരുവകൾക്കൊപ്പം ചേർത്ത് നേർപ്പിക്കാതെ ഇത് നേരിട്ട് മുഖത്ത് ഉപയോഗിക്കരുത്. അങ്ങനെ ചെയ്യുന്നത് ചർമ്മത്തിൽ നിർജ്ജലീകരണം, അസ്വസ്ഥത എന്നിവ ഉണ്ടാകുന്നതിന് കാരണമാകും. ചർമ്മത്തിൻ്റെ സ്വഭാവം ഓരോരുത്തർക്കും വ്യത്യസ്തമായിരിക്കും. അതു മനസ്സിലാക്കി ഇത്തരം ഉത്പന്നങ്ങൾ ഉപയോഗിക്കാവൂ.