സ്റ്റൈലിഷ് മേക്കോവറിൽ ഭൂമി പട്നേക്കർ

ജനപ്രിയമായ നിരവധി കഥാപാത്രങ്ങളെ പ്രേക്ഷകർക്കു സമ്മാനിച്ച ബോളിവുഡ് നടിയാണ് ഭൂമി പട്നേക്കർ. വ്യത്യസ്തമായ ഫാഷൻ പരീക്ഷണങ്ങളിലും ഒട്ടു പിന്നിലല്ല ഭൂമി.

എന്നാൽ ചില ഗ്ലാമറസ് ചിത്രങ്ങൾക്ക് വിമർശനങ്ങൾ നേരിടേണ്ടി വന്നിട്ടുമുണ്ട് താരത്തിന്. ഇപ്പോഴിതാ എലിസബത്തിയൻ​ കാലഘട്ടത്തെ അനുസ്മരിപ്പിക്കുന്ന ഫോട്ടോഷൂട്ടുമായാണ് ഭൂമി എത്തിയിരിക്കുന്നത്.

തോരണിയുടെ ലെഹങ്ക സെറ്റിൻ്റെ കസ്റ്റമൈസ്ട് വേർഷനാണിത്.

നീലി ഗൗരിയയുടെ ആരോഹി ലെഹങ്ക സെറ്റും നീലി ബൂട്ടി രെഹ്ന ജാക്കറ്റ് ഡിസൈനും ചേരുന്നതാണ് ഭൂമിയുടെ ഔട്ട്ഫിറ്റ്.

വെള്ള നിറത്തിലുള്ള ഔട്ട്ഫിറ്റിൽ നീല നിറത്തിലുള്ള ഫ്ലോറൽ വർക്കുകളാണ് കൊടുത്തിരിക്കുന്നത്.

കാർട്ടിയറിൻ്റെ വാച്ചും, കല്ലുകൾ പതിപ്പിച്ച നെക്ലസും, ഒപ്പം ഇനാമൽ വളകളും കമ്മലുമാണ് താരം അണിഞ്ഞിരിക്കുന്നത്. റിയാ കപൂറാണ് ഭൂമിയുടെ ഈ ലുക്ക് സ്റ്റൈൽ ചെയ്തിരിക്കുന്നത്.