കുറഞ്ഞ ചിലവിൽ കായലോരത്ത് വീക്കെൻഡ് ആസ്വദിക്കാം, എഴുപുന്നയിലേയ്ക്ക് പോന്നോളൂ

കായലുകളും വിശാലമായ ചെമ്മീൻ കെട്ടുകളും കൊണ്ട് സമൃദ്ധമാണ് എഴുപുന്ന. പരമ്പരാഗതമായ മത്സ്യബന്ധന രീതികൾ നേരിട്ട് കാണാൻ കഴിയുന്ന ഇവിടം പക്ഷിനിരീക്ഷകർക്കും ഫോട്ടോഗ്രഫി ഇഷ്ടപ്പെടുന്നവർക്കും സ്വർഗ്ഗമാണ്.

കൊച്ചിയിൽ നിന്ന് ഏകദേശം 45 മിനിറ്റ് ഡ്രൈവ് ചെയ്താൽ ഈ സുന്ദരമായ ഗ്രാമത്തിൽ എത്തിച്ചേരാം. വലിയ തിരക്കുകളില്ലാതെ പ്രകൃതി ആസ്വദിക്കാൻ ആഗ്രഹിക്കുന്നവർക്കായി ഒരുപാട് കാഴ്ചകൾ ഇവിടെ ഒളിഞ്ഞിരിക്കുന്നു.

എഴുപുന്നയിലെ ശാന്തസുന്ദരമായ അന്തരീക്ഷവും പ്രകൃതിയുടെ സംഗീതവും ആസ്വദിക്കാൻ കഴിയുന്ന ഒരു മികച്ച സ്പോട്ടാണ് കൊണ്ടായ് ലിപ് ബാക്ക്വാട്ടർ ഹെറിറ്റേജ് റിസോർട്ട്. പത്ത് ഏക്കറിലധികം വിസ്തൃതിയുള്ള ഈ റിസോർട്ട് കുടുംബങ്ങൾക്കൊപ്പമോ തനിച്ചോ സുഹൃത്തുകൾക്കൊപ്പമോ സ്റ്റേക്കേഷൻ ആഘോഷിക്കാൻ അനുയോജ്യമാണ്.

മീൻപിടുത്തം, പാഡിൽ ബോട്ടിംഗ് എന്നീ കായൽ വിനോദങ്ങളോടൊപ്പം, റിസോർട്ടിനുള്ളിൽ സൈക്ലിംഗിനുള്ള സൗകര്യമുണ്ട്.

അതിമനോഹരമായ ലൊക്കേഷനും ശാന്തമായ അന്തരീക്ഷവും പോലെ തന്നെ എടുത്തു പറയേണ്ട ഒന്നാണ് രുചികരമായ ഭക്ഷണവും. പ്രത്യേകിച്ചും വൈവിധ്യമാർന്ന മത്സ്യവിഭവങ്ങൾ സന്ദർശകർക്ക് ഒരു പുത്തൻ അനുഭവം നൽകുന്നു.

കായൽ പശ്ചാത്തലമായതിനാൽ ഒരുപാട് പക്ഷികളെയും​ ഇവിടെ കാണാൻ സാധിക്കും.