സ്വിറ്റ്‌സർലാൻഡ് വരെ പോകേണ്ട, പ്രകൃതി ഒരുക്കുന്ന മനോഹരമായ ക്യാൻവാസ് കാണാം കേരളത്തിലെ ഈ 5 ഇടങ്ങളിൽ

പ്രകൃതി അതിന്റെ പൂർണ്ണതയിൽ വെളിപ്പെടുന്ന ആ നിമിഷം സൂര്യോദയമാണ്. പുലർച്ചെ മഞ്ഞണിഞ്ഞ മലനിരകളെ ചുംബിച്ചുകൊണ്ട് സ്വർണ്ണവർണ്ണത്തിൽ സൂര്യൻ ഉദിച്ചുയരുന്നത് കാണുന്നത് ഏതൊരു സഞ്ചാരിക്കും ഒരു സ്വപ്നതുല്യമായ അനുഭവമാണ്. സാധാരണയായി നമ്മൾ പോകാറുള്ള വിനോദസഞ്ചാര കേന്ദ്രങ്ങൾക്ക് അപ്പുറം, കേരളത്തിന്റെ ഹൃദയഭാഗങ്ങളിൽ ഒളിഞ്ഞിരിക്കുന്ന ചില ഇടങ്ങളുണ്ട്. 

ശാന്തമായ അന്തരീക്ഷത്തിൽ, പ്രകൃതിയുടെ നിശബ്ദതയിൽ ആ ചുവന്ന ഗോളത്തിന്റെ വരവ് ആസ്വദിക്കാൻ കഴിയുന്ന ഇടങ്ങളാണിവ. വിദേശ രാജ്യങ്ങളിലെ ഹിൽ സ്റ്റേഷനുകളെയോ ഹിമാലയൻ മലനിരകളെയോ ഓർമ്മിപ്പിക്കുന്ന അത്രയും മനോഹരമായ ദൃശ്യങ്ങളാണ് ഈ സ്ഥലങ്ങൾ നമുക്ക് സമ്മാനിക്കുന്നത്. കോടമഞ്ഞും തണുത്ത കാറ്റും ഒത്തുചേരുന്ന ഈ പുലർകാല കാഴ്ചകൾ കാണാൻ ഭാഗ്യം ലഭിച്ചവർ ചുരുക്കമായിരിക്കും.

Also Read: മഞ്ഞു മൂടിയ മലനിരകളും വെള്ളച്ചാട്ടങ്ങളും, തേക്കടിയിലെ ഈ ഹിൽസ്റ്റേഷൻ കാണാതെ പോകരുത് 

കാഴ്ചയുടെ പുതിയൊരു ലോകം തുറക്കുന്ന ഈ സ്ഥലങ്ങൾ നിങ്ങളുടെ യാത്രാപ്പട്ടികയിൽ തീർച്ചയായും ഇടംപിടിക്കേണ്ടവയാണ്.

ഇലവീഴാപ്പൂഞ്ചിറ, കോട്ടയം

കോട്ടയം ജില്ലയിലെ പാലായ്ക്ക് സമീപം സ്ഥിതി ചെയ്യുന്ന ഇളവീഴാപ്പൂഞ്ചിറ സൂര്യോദയം കാണാൻ പറ്റിയ ഏറ്റവും മികച്ച ഇടമാണ്. മൂന്ന് വശവും മലനിരകളാൽ ചുറ്റപ്പെട്ട ഇവിടെ മരങ്ങൾ കുറവായതിനാൽ സൂര്യൻ ഉദിച്ചുയരുന്നത് തടസ്സമില്ലാതെ കാണാം. സമുദ്രനിരപ്പിൽ നിന്ന് 3200 അടി ഉയരത്തിലുള്ള ഇവിടെ പുലർച്ചെ എത്തുമ്പോൾ മേഘക്കൂട്ടങ്ങൾക്ക് മുകളിലൂടെ സൂര്യൻ വരുന്നത് ഒരു മാന്ത്രിക കാഴ്ചയാണ്.

View this post on Instagram

A post shared by Kolukkumalai camp & Trek ™ (@kolukkumalai_camptrek)

Also Read: കാടും മലയും താണ്ടി ഒരു യാത്രയ്ക്കായി കാത്തിരിക്കുകയാണോ? എങ്കിൽ ഇതിലൊരിടം തിരഞ്ഞെടുക്കൂ

പാണ്ടിപ്പത്ത്, തിരുവനന്തപുരം

തിരുവനന്തപുരം ജില്ലയിലെ പേപ്പാറ ഡാമിന് സമീപമുള്ള പാണ്ടിപ്പത്ത് വനമേഖല ട്രെക്കിംഗ് ഇഷ്ടപ്പെടുന്നവർക്ക് പ്രിയപ്പെട്ടതാണ്. പശ്ചിമഘട്ടത്തിന്റെ മുകളിലൂടെ സൂര്യകിരണങ്ങൾ ആദ്യമായി പതിക്കുന്ന കാഴ്ച ഇവിടെ അതിമനോഹരമാണ്. വന്യതയും നിശബ്ദതയും നിറഞ്ഞ ഈ പ്രദേശം മനസ്സിന് വലിയ സമാധാനം നൽകുന്നു.

കൊളുക്കുമലൈ, ഇടുക്കി

ലോകത്തിലെ ഏറ്റവും ഉയരത്തിലുള്ള തേയിലത്തോട്ടമായ കൊളുക്കുമലൈ ഇടുക്കിയിലാണ്. സൂര്യനെല്ലിയിൽ നിന്ന് ജീപ്പ് മാർഗ്ഗം അതിരാവിലെ മലമുകളിലേക്ക് യാത്ര ചെയ്യണം. മേഘങ്ങൾക്കിടയിൽ നിന്ന് സൂര്യൻ ഉദിക്കുമ്പോൾ താഴെ തേയിലത്തോട്ടങ്ങൾ സ്വർണ്ണനിറത്തിൽ തിളങ്ങുന്നത് കാണാൻ ആയിരക്കണക്കിന് ആളുകൾ എത്താറുണ്ട്.

Also Read: സോളോ ട്രിപ്പ് അടിപൊളിയാക്കാം, ഇവിടേയ്ക്ക് പോന്നോളൂ

View this post on Instagram

A post shared by Yathramallu | Kerala (@yathramallu)

പൈതൽമല, കണ്ണൂർ

മലബാറിലെ ഊട്ടി എന്ന് വിളിക്കപ്പെടുന്ന പൈതൽമല കണ്ണൂരിലെ ഒരു പ്രധാന ഹിൽ സ്റ്റേഷനാണ്. പുലർച്ചെ കുന്നിൻ മുകളിലെത്തുമ്പോൾ മഞ്ഞുമൂടിയ താഴ്വരകൾക്ക് മുകളിലൂടെ സൂര്യൻ ഉദിക്കുന്നത് നയനാന്ദകരമായ കാഴ്ചയാണ്. വടക്കൻ കേരളത്തിലെ ഏറ്റവും ഉയരമുള്ള കൊടുമുടികളിൽ ഒന്നാണിത്.

ചെമ്പ്ര കൊടുമുടി, വയനാട്

വയനാട്ടിലെ ഏറ്റവും ഉയർന്ന കൊടുമുടിയാണ് ചെമ്പ്ര. ഇവിടുത്തെ ഹൃദയസരസ്സിന് സമീപം നിന്ന് സൂര്യോദയം കാണുന്നത് ഒരു പ്രത്യേക അനുഭവമാണ്. വയനാടൻ മലനിരകളുടെ സൗന്ദര്യം മുഴുവൻ സൂര്യപ്രകാശത്തിൽ തെളിഞ്ഞു വരുന്നത് ഇവിടെ കാണാം.

Read More: അതിരപ്പള്ളി മാത്രമല്ല, കേരളത്തിൽ ഒളിഞ്ഞുകിടക്കുന്ന ഈ 5 വെള്ളച്ചാട്ടങ്ങളും സഞ്ചാരികളുടെ മനം മയക്കും