ദിവസവും ഇതൊരു സ്പൂൺ മുഖത്തും മുടിയിലും പുരട്ടൂ, ഒറ്റ ഉപയോഗത്തിൽ മാറ്റം അറിയാം

നമ്മുടെ ആരോഗ്യത്തിന് തൈര് എത്രത്തോളം മികച്ചതാണെന്ന് നമുക്കെല്ലാവർക്കും അറിയാം. ഇത് ദഹനത്തിന് എളുപ്പമാണെന്ന് മാത്രമല്ല, വയറിന്റെ ആരോഗ്യത്തിനും അത്യന്താപേക്ഷിതവുമാണ്. അതിനാൽ തന്നെ ഭാരതീയ വിഭവങ്ങളിൽ തൈരിന് പ്രധാന സ്ഥാനമുണ്ട്. എന്നാൽ തൈരിന് സൗന്ദര്യപരമായ നിരവധി ഗുണങ്ങളുണ്ടെന്നും വിവിധ ചർമ്മ-മുടി സംരക്ഷണ വിദ്യകളിൽ ഇത് ഉപയോഗിക്കുന്നുണ്ടെന്നും നിങ്ങൾക്കറിയാമോ?

പാടുകൾ കുറയ്ക്കുന്നു

തൈരിൽ അടങ്ങിയിരിക്കുന്ന ലാക്റ്റിക് ആസിഡും ആൽഫ-ഹൈഡ്രോക്സി ആസിഡും ചർമ്മത്തെ മൃദുവാക്കാനും നിറം വർദ്ധിപ്പിക്കാനും സഹായിക്കുന്നു. പല സൗന്ദര്യവർദ്ധക ഉൽപ്പന്നങ്ങളിലും ഇവ ഉപയോഗിക്കാറുണ്ട്. ഫ്രഷ് ആയ തൈരിലേക്ക് അല്പം കടലമാവ് ചേർത്ത് പേസ്റ്റ് രൂപത്തിലാക്കുക. ഇത് മുഖത്ത് പുരട്ടി 30 മിനിറ്റ് മസാജ് ചെയ്ത ശേഷം തണുത്ത വെള്ളത്തിൽ കഴുകിക്കളയാം. ഒരു മാസത്തിനുള്ളിൽ തന്നെ നിങ്ങൾക്ക് പ്രകടമായ മാറ്റം കാണാൻ സാധിക്കും.

മുടിയുടെ ആരോഗ്യം നിലനിർത്തുന്നു

വരണ്ടതും പാറിപ്പറക്കുന്നതുമായ മുടി പരിഹരിക്കാൻ തൈര് മികച്ചൊരു ഔഷധമാണ്. ഇത് മുടി കെട്ടുപിണയുന്നത് ഒഴിവാക്കാനും മൃദുവാക്കാനും സഹായിക്കുന്നു. ഒരു കപ്പ് തൈരും ഒരു പഴവും ചേർത്ത് നന്നായി അടിച്ചെടുക്കുക. ഈ മിശ്രിതം മുടിയിലും തലയോട്ടിയിലും തേച്ചുപിടിപ്പിക്കുക. ഒരു മണിക്കൂറിനുശേഷം തണുത്ത വെള്ളത്തിൽ കഴുകിക്കളയാം. മികച്ച ഫലത്തിനായി ഇളം ചൂടുവെള്ളം ഉപയോഗിച്ച് കഴുകുക.

വെയിലേറ്റ് ചർമ്മം കരിയുന്നത് തടയാൻ

സൂര്യപ്രകാശമേറ്റ് ചർമ്മം കരിയുന്നത് വേദനയ്ക്കും ചർമ്മം അടർന്നുപോകുന്നതിനും കാരണമാകും. തൈരിന്റെ തണുപ്പിക്കാനുള്ള കഴിവ് സൂര്യതാപത്തെ പ്രതിരോധിക്കാൻ സഹായിക്കും. കടലമാവും തൈരും ചേർത്ത മിശ്രിതം വെയിലേറ്റ ഭാഗങ്ങളിൽ പുരട്ടുക. ഒരു മണിക്കൂറിനുശേഷം കഴുകിക്കളയാം. ഇത് ചർമ്മത്തിലെ വീക്കം കുറയ്ക്കാൻ സഹായിക്കുന്നു.

ചർമ്മത്തിന്റെ ഘടന മെച്ചപ്പെടുത്തുന്നു

മുഖത്തെ കറുത്ത പാടുകളും കുത്തുകളും കുറയ്ക്കാനും ചർമ്മത്തിന് ഒരേപോലെ നിറം നൽകാനും തൈര് സഹായിക്കുന്നു.തൈരിൽ അല്പം മഞ്ഞൾപ്പൊടി ചേർത്ത് മുഖത്ത് പുരട്ടി 15 മിനിറ്റിനുശേഷം കഴുകിക്കളയാം. ഇത് ചർമ്മത്തെ കൂടുതൽ വ്യക്തവും മിനുസമുള്ളതുമാക്കും.