മുടി പരിചരണത്തിന് കരിക്കിൻ വെള്ളം ഉപയോഗിക്കുന്നതിൻ്റെ ഗുണങ്ങൾ അറിയാമോ?

തേങ്ങാ വെള്ളത്തിൽ അടങ്ങിയിരിക്കുന്ന ലോറിക് ആസിഡ് ആൻ്റി ബാക്ടീരിയൽ ഫാറ്റി ആസിഡാണ്. ഇത് തലയോട്ടി വരണ്ടു പോകുന്നതു തടയുന്നു. മുടിയുടെ കരുത്ത് വർധിപ്പിക്കുന്ന പൊട്ടാസ്യം, സോഡിയം, മഗ്നീഷ്യം എന്നിവയുടെ സമ്പന്നമായ ഉറവിടമാണ് തേങ്ങാവെള്ളം. ഇത് മുടികൊഴിച്ചിൽ, താരൻ, മറ്റ് അസ്വസ്ഥതകൾ പരിഹരിക്കുന്നു.

ഹെയർപാക്ക്

നന്നായി പഴുത്ത ഒരു പഴം ഉടച്ചെടുക്കാം. അതിലേയ്ക്ക് ഒരു ടീസ്പൂൺ തൈര് , കുറച്ച് തേങ്ങാവെള്ളം എന്നിവ ചേർത്തിളക്കി യോജിപ്പിക്കാം. ഈ മിശ്രിതം തലയോട്ടിയിലും മുടിയിലും പുരട്ടാം. 20 മിനിറ്റിനു ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം.

ഷാമ്പൂവിനൊപ്പം

നിങ്ങൾ സ്ഥിരമായി ഉപയോഗിക്കുന്ന പ്രിയപ്പെട്ട ഷാമ്പൂവിലോ കണ്ടീഷ്ണറിലോ തേങ്ങാവെള്ളം കലർത്തി ഉപയോഗിക്കാവുന്നതാണ്. കാൽ കപ്പ് തേങ്ങാ വെള്ളം ഇങ്ങനെ ചേർത്തു നോക്കൂ.

മുടി കഴുകാൻ

തേങ്ങാവെള്ളം ഡയല്യൂട്ട് ചെയ്യാതെ തന്നെ ഉപയോഗിക്കാം. ഷാമ്പൂ ഉപയോഗിച്ചതിനു ശേഷം തേങ്ങാവെള്ളം കൊണ്ട് മുടി കഴുകാം.