തിളക്കമുള്ള യുവത്വം തുളുമ്പുന്ന ചർമ്മം നേടാം, ബീറ്റ്റൂട്ട് ഇങ്ങനെ ഉപയോഗിക്കൂ

ആന്റിഓക്‌സിഡന്റുകൾ, വിറ്റാമിൻ സി, ഇരുമ്പ്, ബീറ്റാലൈനുകൾ എന്നിവയാൽ സമ്പന്നമാണ് ബീറ്റ്റൂട്ട്. ഇത് രക്തയോട്ടം വർധിപ്പിക്കാനും ശരീരത്തിലെ വിഷാംശങ്ങൾ നീക്കം ചെയ്യാനും സഹായിക്കുന്നു

Written byLifestyle Desk

ആന്റിഓക്‌സിഡന്റുകൾ, വിറ്റാമിൻ സി, ഇരുമ്പ്, ബീറ്റാലൈനുകൾ എന്നിവയാൽ സമ്പന്നമാണ് ബീറ്റ്റൂട്ട്. ഇത് രക്തയോട്ടം വർധിപ്പിക്കാനും ശരീരത്തിലെ വിഷാംശങ്ങൾ നീക്കം ചെയ്യാനും സഹായിക്കുന്നു

Lifestyle Desk

22 Dec 2025 17:13 IST

New Update

Beetroot Recipe FI — ചർമ്മാരോഗ്യത്തിന് ബീറ്റ്റൂട്ട് | ചിത്രം: ഫ്രീപിക്

1/6

ബീറ്റ്റൂട്ട് ആന്റ് ബെറി സ്മൂത്തി ബൗൾ

ബീറ്റ്റൂട്ട്, ബെറികൾ, ചിയ വിത്തുകൾ, അല്പം തേൻ എന്നിവ ചേർത്ത് തയ്യാറാക്കുന്ന ഈ വിഭവം ചർമ്മത്തിലെ മങ്ങൽ മാറ്റി കൂടുതൽ തിളക്കം നൽകാൻ സഹായിക്കുന്നു. ബെറികളിലെ ആന്റിഓക്‌സിഡന്റുകൾ ബീറ്റ്റൂട്ടിലെ പോഷകങ്ങളുമായി ചേർന്ന് മികച്ച ഫലം നൽകുന്നു.

2/6

ബീറ്റ്റൂട്ട് ആന്റ് ആപ്പിൾ സാലഡ്

അരിഞ്ഞ ബീറ്റ്റൂട്ട്, ആപ്പിൾ, ചീര, വാൾനട്ട് എന്നിവ ചേർത്ത് നാരങ്ങാനീരും തേനും ഒഴിച്ച് ഈ സാലഡ് തയ്യാറാക്കാം. ഇത് കരളിന്റെ പ്രവർത്തനം മെച്ചപ്പെടുത്താനും ദഹനം സുഗമമാക്കാനും ചർമ്മത്തിന് കൂടുതൽ വ്യക്തത നൽകാനും സഹായിക്കുന്നു.

3/6

ബീറ്റ്റൂട്ട് റൈത്ത

തൈരിൽ ചിരകിയ ബീറ്റ്റൂട്ട്, ജീരകം, പുതിന എന്നിവ ചേർത്തുണ്ടാക്കുന്ന റൈത്ത ശരീരത്തെ തണുപ്പിക്കുന്നു. ഇതിലടങ്ങിയിരിക്കുന്ന പ്രോബയോട്ടിക്സ് ചർമ്മത്തെ കൂടുതൽ ആരോഗ്യകരമാക്കുന്നു.

Advertisment

4/6

ബീറ്റ്റൂട്ട് സ്മൂത്തി

ബീറ്റ്റൂട്ട്, പഴം, ഗ്രീക്ക് തൈര്, ഫ്ളാക്സ് സീഡുകൾ, തേങ്ങാവെള്ളം എന്നിവ ചേർത്ത് ഇത് തയ്യാറാക്കാം. ഇത് ശരീരത്തിലെ വിഷാംശങ്ങളെ പുറന്തള്ളാനും കുടലിന്റെ ആരോഗ്യം സംരക്ഷിക്കാനും ചർമ്മത്തിന് തിളക്കം നൽകാനും സഹായിക്കുന്നു.

5/6

രക്തം ശുദ്ധീകരിക്കാൻ ബീറ്റ്റൂട്ട് സൂപ്പ്

ബീറ്റ്റൂട്ട്, വെളുത്തുള്ളി, സവാള, കുരുമുളക് എന്നിവ ചേർത്ത് തയ്യാറാക്കുന്ന ഈ സൂപ്പ് രക്തചംക്രമണം വർധിപ്പിക്കുന്നു. ശരീരത്തിലെ നീർവീക്കം കുറയ്ക്കാനും ഇത് സഹായിക്കും.

6/6

ബീറ്റ്റൂട്ട് കാരറ്റ് ജ്യൂസ്

ബീറ്റ്റൂട്ട്, ക്യാരറ്റ്, ഇഞ്ചി, നാരങ്ങ എന്നിവ ചേർത്തുള്ള ഈ ജ്യൂസ് രക്തയോട്ടം വർധിപ്പിക്കുകയും കരളിനെ ശുദ്ധീകരിക്കുകയും ചെയ്യുന്നു. ആന്റിഓക്‌സിഡന്റുകളുടെ കലവറയായ ഈ പാനീയം ചർമ്മത്തിന് ആരോഗ്യകരമായ തിളക്കം നൽകുന്നു.

Skin Care Beauty Tips

Stay updated with the latest news headlines and all the latest Lifestyle news. Download Indian Express Malayalam App - Android or iOS.