മെഗാഹിറ്റ് ചിത്രം ബാഹുബലി ഇറങ്ങിയതിനു ശേഷം ആ പേരില്‍ പലതും ഹിറ്റായി. ബാഹുബലി ചിത്രങ്ങള്‍ പതിപ്പിച്ച വസ്ത്രങ്ങള്‍ വരെ ഇറങ്ങി. ബാഹുബലി എന്നു കേട്ടാല്‍ ആരാധകര്‍ മൂക്കും കുത്തി വീഴുന്ന അവസ്ഥ. ഇവിടെ ഇതാ ഒരു ബാഹുബലി ഥാലി. പുണെയിലെ പ്രശസ്ത ഭക്ഷണശാലയായ ആവോജി ഖാവോജിയിലാണ് ഭക്ഷണപ്രിയര്‍ക്കായി ഈ ഭീമന്‍ ഥാലി കാത്തിരിക്കുന്നത്.
വിവിധ തരം പറാട്ടകൾ, കറികൾ മധുരങ്ങൾ, വെണ്ണ, നെയ്യ്, ദാല്‍, റൈസ് തുടങ്ങി ഈ ഭീമന്‍ ഥാലിയില്‍ ഇല്ലാത്തതൊന്നും ഇല്ല. ഒരു കുടുംബത്തിന് ഒരു നേരം കഴിക്കാനുള്ള ഭക്ഷണമുണ്ടാകും ഈ ബാഹുബലി ഥാലിയില്‍. ഇനി ഒറ്റയ്ക്കാണ് ശ്രമിക്കുന്നതെങ്കില്‍ കുറച്ച് വിയര്‍ക്കും.
ബാഹുബലി കൂടാതെ ദീപികാ പദുക്കോണ്‍ ഥാലി, സണ്ണി ഡിയോള്‍ ഥാലി, ദുല്‍ഖര്‍ പറാട്ടാ ഥാലി, യുവരാജ് സിങ് ഥാലി എന്നു തുടങ്ങി അവസാനിക്കാത്ത തരു ലിസ്റ്റ് തന്നെയുണ്ടിവിടെ.
