വേനൽച്ചൂട് നമ്മുടെ ചർമ്മത്തെ വ്യത്യസ്തമാക്കും. അമിതമായ വിയർപ്പ്, നിർജ്ജലീകരണം, ചൂട് എന്നിവ കാരണം സൂര്യാഘാതം, മുഖക്കുരു, മെലാസ്മ, ടാനിംഗ്, ചർമ്മ അലർജി എന്നിവ പോലും അനുഭവപ്പെട്ടേക്കാം. അതുപോലെ, ഈ ചുട്ടുപൊള്ളുന്ന മാസങ്ങളിൽ ചർമ്മത്തിന് പ്രത്യേക പരിചരണം നൽകേണ്ടത് പ്രധാനമാണ്. അതിനാൽ, വേനൽക്കാലത്ത് അനാവശ്യമായ ചർമ്മപ്രശ്നങ്ങൾ ഒഴിവാക്കാൻ നിങ്ങളുടെ ചർമ്മസംരക്ഷണ ദിനചര്യ നവീകരിക്കണം.
വേനൽക്കാലത്ത് ഒഴിവാക്കേണ്ട അഞ്ച് ചർമ്മസംരക്ഷണ തെറ്റുകൾ ഇതാ:
സൺസ്ക്രീൻ ധരിക്കുന്നില്ല
അൾട്രാവയലറ്റ് വികിരണം ചർമ്മ കാൻസറിനും അകാല വാർദ്ധക്യത്തിന്റെ ലക്ഷണങ്ങൾക്കും കാരണമാകുമെന്നതിനാൽ ചർമ്മ സംരക്ഷണം പ്രധാനമാണ്. അതിനാൽ, സൺസ്ക്രീൻ എല്ലാ ദിവസവും, ധരിക്കേണ്ടതാണ്. മാത്രമല്ല, എസ്പിഎഫ് (സൺ പ്രൊട്ടക്ഷൻ ഫാക്ടർ) ഉള്ള വിശാലമായ സ്പെക്‌ട്രം സൺസ്ക്രീൻ ധരിക്കുന്നതിന് മുൻഗണന നൽകണം.
“കൂടാതെ, സൺസ്‌ക്രീനിന്റെ പ്രഭാവം കുറയാൻ തുടങ്ങുന്നതിനാൽ ഓരോ 2-3 മണിക്കൂറിലും സൺസ്ക്രീൻ വീണ്ടും ഉപയോഗിക്കണം,” ഗ്ലോബൽ ഡെർമറ്റോളജി വിദഗ്ധയും റാ സ്കിൻ ആൻഡ് ഏസ്തറ്റിക്കിന്റെ സ്ഥാപകയുമായ ഡോ. രശ്മി ഷെട്ടി പറഞ്ഞു.
മോയ്സ്ചറൈസർ ഉപയോഗിക്കുന്നില്ല
വായുവിൽ ഈർപ്പം ഉള്ളതുകൊണ്ട് മോയ്സ്ചറൈസർ ഒഴിവാക്കാം എന്നല്ല. അൽപം എണ്ണമയം തോന്നിയാലും വേനൽക്കാലത്ത് ചർമ്മത്തിൽ ജലാംശം നിലനിർത്തുന്നത് ഉറപ്പാക്കുക. ഈർപ്പത്തിന്റെ അഭാവം അമിതമായ സെബം ഉൽപാദനത്തിനും മുഖക്കുരു പൊട്ടിപ്പുറപ്പെടുന്നതിനും ഇടയാക്കും.
അതിനാൽ ആദ്യം ചർമ്മത്തെ ശുദ്ധീകരിക്കുന്നത് നല്ലതാണ്, തുടർന്ന് ഹൈലൂറോണിക് ആസിഡ്, നിയാസിനാമൈഡ് തുടങ്ങിയ ചേരുവകൾ അടങ്ങിയ ഹൈഡ്രേറ്റിംഗ് മോയ്‌സ്ചുറൈസർ ഉപയോഗിക്കുന്നത് ചർമ്മത്തിലെ ജലാംശം നഷ്ടപ്പെടുന്നതിൽനിന്നു തടയുന്നു.
ആന്റിഓക്‌സിഡന്റുകളും കൊണ്ട് ശക്തിപ്പെടുത്തിയ സൺസ്‌ക്രീനുകൾ വിപണിയിൽ ലഭ്യമാണ്. അതിനാൽ, പകൽ സമയത്ത് മോയ്സ്ചറൈസർ ഉപയോഗിക്കുന്നതിന് പകരം നിങ്ങളുടെ സൺസ്ക്രീൻ പുരട്ടുന്നത് മതിയാകും.
എക്സ്ഫോളിയേഷൻ ഇല്ല
ചർമ്മത്തിന്റെ ഉപരിതലത്തിൽ നിന്ന് മൃതകോശങ്ങളും കെട്ടിക്കിടക്കുന്ന അഴുക്കും നീക്കം ചെയ്യുന്ന പ്രക്രിയയാണ് എക്സ്ഫോളിയേഷൻ. ഇത് പുതിയ കോശങ്ങളെ കണ്ടെത്താനും മൊത്തത്തിലുള്ള നിറം മെച്ചപ്പെടുത്താനും സഹായിക്കുന്നു. ചർമ്മത്തിലെ മൃതകോശങ്ങൾ നീക്കം ചെയ്യേണ്ടതുണ്ട്, അല്ലാത്തപക്ഷം അവ അടഞ്ഞ സുഷിരങ്ങളിലേക്ക് നയിച്ചേക്കാം.
പകൽ സമയത്ത് നിങ്ങളുടെ ചർമ്മം സെൻസിറ്റീവ് ആയിരിക്കാം. സാലിസിലിക് ആസിഡ്, ഗ്ലൈക്കോളിക് ആസിഡ് അല്ലെങ്കിൽ മാൻഡലിക് ആസിഡ് പോലുള്ള ഏതെങ്കിലും എക്സ്ഫോളിയേറ്റിംഗ് ചേരുവകൾ ഉപയോഗിക്കുന്നതിന് മുൻപ് ഒരു ഡെർമറ്റോളജിസ്റ്റിനെ സമീപിക്കുക.
കനത്ത മേക്കപ്പ്
നിങ്ങൾ പുറത്തേക്ക് പോകുകയാണെങ്കിൽ, സൂര്യനിൽനിന്നു സംരക്ഷിക്കുന്ന തരത്തിൽ കനത്ത മേക്കപ്പ് ധരിക്കുന്നത് അനുയോജ്യമല്ല. ഫൗണ്ടേഷൻ, കൺസീലർ, ബ്ലഷ് എന്നിവയുടെ ഒന്നിലധികം പാളികൾ ഉപയോഗിക്കുന്നത് വാസ്തവത്തിൽ സുഷിരങ്ങൾ അടയുന്നതിന് കാരണമാകുന്നു. വിദഗ്ധർ ടിന്റഡ് സൺസ്ക്രീൻ ഉപയോഗിക്കാൻ ശുപാർശ ചെയ്യുന്നു. ഇത് ദോഷകരമായ വികിരണങ്ങളിൽ നിന്ന് മുഖത്തെ സംരക്ഷിക്കുകയും ചെയ്യുന്നു.ബിബി ക്രീമും ഉപയോഗിക്കാം. അത് ഭാരം കുറഞ്ഞതും നിങ്ങൾക്ക് സ്വാഭാവിക ഫിനിഷും നൽകുന്നു.
ആവശ്യത്തിന് വെള്ളം കുടിക്കുന്നില്ല
ആരോഗ്യമുള്ള ചർമ്മത്തിന് ജലാംശം അത്യാവശ്യമാണ്. 8 ഗ്ലാസ് വെള്ളം കുടിക്കുക, സീസണൽ പഴങ്ങൾ കഴിക്കുക എന്നിവ നിങ്ങളെ ജലാംശം നിലനിർത്തുന്നതിനുള്ള ഒരു സ്വാഭാവിക മാർഗമാണ്. കൂടാതെ, മദ്യം, ചായ, കാപ്പി, കാർബണേറ്റഡ് ശീതളപാനീയങ്ങൾ തുടങ്ങിയ നിർജ്ജലീകരണ പാനീയങ്ങൾ കഴിക്കുന്നത് ഒഴിവാക്കുക. പകരം ഇലക്‌ട്രോലൈറ്റുകളാൽ സമ്പുഷ്ടമായ ദ്രാവകങ്ങൾ തേങ്ങ, നാരങ്ങ വെള്ളം എന്നിവ തിരഞ്ഞെടുക്കുക.
പക്ഷേ, ജലാംശം അമിതമാകരുത്. കാരണം ഇത് “ധാതുക്കൾ, വിറ്റാമിനുകൾ, മറ്റ് മൈക്രോ ന്യൂട്രിയന്റുകൾ എന്നിവയുടെ നഷ്ടത്തിലേക്ക്” നയിക്കും,ഡോ. രശ്മി പറഞ്ഞു.
