ചർമ്മ സംരക്ഷണത്തിന് അവക്കാഡോ എങ്ങനെ ഗുണം ചെയ്യും?

ധാരാളം ആൻ്റി ഓക്സിഡൻ്റ് സവിശേഷതകളാണ് അവക്കാഡോയ്ക്കുള്ളത്. ചർമ്മത്തിൻ്റെ ഇലാസ്തികത വർധിപ്പിക്കുന്നതു കൂടാതെ അകാല വാർധക്യത്തിൻ്റേതായ ലക്ഷണങ്ങൾ ഇല്ലാതാക്കാനും ഇത് ഗുണകരമാണ്.

അവക്കാഡോ ഓട്സ് മാസ്ക്

നന്നായി പഴുത്ത ഒരു അവക്കാഡോയുടെ പകുതി ഉടച്ചെടുക്കാം. അതിലേയ്ക്ക് ഓട്സും ഒരു ടീസ്പൂൺ തേനും ചേർത്തിളക്കി യോജിപ്പിക്കാം. ഈ മിശ്രിതം മുഖത്ത് പുരട്ടി മൃദുവായി മസാജ് ചെയ്യാം. 10 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.

അവക്കാഡോ പഴം

നന്നായി പഴുത്ത പഴവും അവക്കാഡോയും ഉടച്ചെടുക്കാം. ഇത് മുഖത്ത് പുരട്ടി 15 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.

അവക്കാഡോ കറ്റാർവാഴ

നന്നായി പഴുത്ത അവക്കാഡോയിലേയ്ക്ക് കറ്റാർവാഴയുടെ ജെൽ ചേർത്തിളക്കി യോജിപ്പിക്കാം. ഇതിലേയ്ക്ക് ഒരു വിറ്റാമിൻ ഇ ക്യാപ്സൂളും ചേർക്കാം. ഈ മിശ്രിതം മുഖത്ത് പുരട്ടി 15 മിനിറ്റിനു ശേഷം കഴുകി കളയാം.

അവക്കാഡോ വെള്ളരി

അവക്കാഡോ ഉടച്ചെടുത്തിലേയ്ക്ക് വെള്ളരി ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി 10 മിനിറ്റിനു ശേഷം തണുത്ത വെള്ളത്തിൽ കഴുകി കളയാം.