'രംഗണ്ണൻ വൈബ്'; ക്ലാസിക് ചിക് ലുക്കിൽ അപർണ ബാലമുരളി

അഭിനയ രംഗത്തും ബിസിനസ് മേഖലയിലും തിളങ്ങി നിൽക്കുന്ന താരമാണ് അപർണ ബാലമുരളി. വളരെ സ്വാഭാവികമായ അഭിനയംകൊണ്ട് മലയാളത്തിലും തമിഴിലും ആരാധക ഹൃദയം കീഴടക്കിക്കൊണ്ടിരിക്കുന്ന അപർണയുടെ പുതിയ ലുക്കിലുള്ള ചിത്രങ്ങളാണ് ഇപ്പോൾ ആരാധകർ ഏറ്റെടുത്തിരിക്കുന്നത്.

രംഗണ്ണൻ വൈബിലുള്ള ചിക്ക് ലുക്കിലാണ് താരം ചിത്രത്തിൽ പ്രത്യക്ഷപ്പെട്ടിരിക്കുന്നത്.

ആവേശം കിക്കിലുള്ള അപർണയുടെ ഈ​ ചിത്രങ്ങൾ പകർത്തിയിരിക്കുന്നത് അനിതകാമരാജാണ്.

കൈത്തറി സാരിയും മാച്ചിങ് ബ്ലൗസുമാണ് അപർണ ധരിച്ചിരിക്കുന്നത്. ഷിമോണ സ്റ്റാലിനാണ് അപർണയുടെ ഈ ലുക്കിനു പിന്നിൽ.

സ്നേഹ എം എൻ ജെയാണ് അപർണയുടെ മേക്കപ്പ് ചെയ്തിരിക്കുന്നത്. സിംപിൾ ലുക്കിൽ ഡാർക്ക് ലിപ് ഷെയ്ഡും കട്ടി പുരികങ്ങളും ആണ് രംഗണ്ണൻ ലുക്കിൻ്റെ ഹൈലൈറ്റ്. ചിക്ക് ലുക്ക് കംപ്ളീറ്റ് ആക്കുന്നതിനായി സൺഗ്ലാസും തിരഞ്ഞെടുത്തിട്ടുണ്ട്. തേൻ മൊഴി ഡിസൈൻസിൻ്റെ സാരി സെറ്റാണിത്. ബോസ് ലേഡി, ചിക്ക് എന്നിങ്ങനെ ആരാധകരും സിനിമാതാരങ്ങളും ചിത്രത്തിനു താഴെ കമൻ്റ് ചെയ്തിട്ടുണ്ട്.