'അംബാനിക്കല്യാണ'ത്തിൽ പരമ്പരാഗത ഔട്ട്ഫിറ്റിൽ മനം കവർന്ന് ബോളിവുഡ് താരങ്ങൾ

മുകേഷ് അംബാനിയുടെ മകൻ അനന്ത് അംബാനിയുടെയും രാധിക മെർച്ചന്റിന്റെയും പ്രീ വെഡ്ഡിങ് ആഘോഷങ്ങൾ 'ഹസ്താക്ഷർ' ആഘോഷത്തോടെയാണ് സമാപിച്ചത്. ഗുജറാത്തിലെ ജാംനഗറിൽ മൂന്നു ദിവസമാണ് ആഘോഷങ്ങൾ നീണ്ടുനിന്നത്.

ആഘോഷങ്ങളിൽ പങ്കെടുക്കാൻ നിരവധി ബോളിവുഡ് താരദമ്പതികളും എത്തിയിരുന്നു. രൺവീർ സിങ്-ദീപിക പദുക്കോൺ, രൺബീർ കപൂർ-ആലിയ ഭട്ട്, വിക്കി കൗശൽ-കത്രീന കെയ്ഫ്, സെയ്ഫ് അലിഖാൻ-കരീന കപൂർ തുടങ്ങിയവരെല്ലാം തന്നെ ജാംനഗറിൽ എത്തിയിരുന്നു, ബോളിവുഡിന്റെ കിങ് ഖാൻ ഷാരൂഖ് ഖാനും കുടുംബ സമേതമാണ് ആഘോഷങ്ങളിൽ പങ്കെടുക്കാൻ എത്തിയത്.

പ്രീ വെഡ്ഡിങ് ആഘോഷങ്ങളിൽ പങ്കെടുക്കാനെത്തിയ താര ദമ്പതികളുടെ ഔട്ട്ഫിറ്റുകളും ഫാഷൻ പ്രേമികൾക്കിടയിൽ ശ്രദ്ധ നേടിയിട്ടുണ്ട്. അവസാന ദിവസത്തെ ആഘോഷത്തിന് ഇന്ത്യൻ പരമ്പരാഗത വസ്ത്രങ്ങളാണ് താരങ്ങൾ തിരഞ്ഞെടുത്തത്. 

മാർക്ക് സക്കർബർഗും ബിൽഗേറ്റ്സുമടക്കം ആയിരത്തിൽ പരം അതിഥികളാണ് പ്രീ വെഡ്ഡിങ് ആഘോഷത്തിൽ പങ്കെടുത്തത്. സിനിമാ കായിക രംഗത്തെ പ്രമുഖരും പരിപാടിക്കെത്തി. ജൂലൈയിലാണ് അനന്ത് അംബാനിയുടെയും രാധിക മെർച്ചന്റിന്റെയും വിവാഹം.

Read More

• സീക്വിൻ സാരി മുതൽ പിങ്ക് കോർസെറ്റ് സ്കർട്ട് വരെ; സ്റ്റണ്ണിങ് ലുക്കിൽ ജാൻവി കപൂർ
• അനന്ത് അംബാനി-രാധിക മെർച്ചന്റ് വിവാഹം; സ്റ്റൈലിഷ് ലുക്കിലെത്തി ബോളിവുഡ് താരങ്ങൾ
• ആരാണ് ആനന്ദ് അംബാനിയുടെ പ്രതിശ്രുത വധു, രാധിക മെർച്ചന്റ്?
• 3000 ഏക്കറിൽ വനം, ആനകൾക്കായി പ്രത്യേകം ആശുപത്രി: വൻതാരയുമായി അനന്ത് അംബാനി