അഹാന ധരിച്ച ഈ ഗ്രീൻ അനാർക്കലിയുടെ വിലയറിയാമോ?

നാലു വർഷങ്ങൾക്ക് ശേഷം അഹാന കൃഷ്ണ ബിഗ് സ്ക്രീനിലേക്ക് തിരിച്ചെത്തുകയാണ്. ദുൽഖർ സൽമാൻ നിർമിക്കുന്ന 'അടി' എന്ന ചിത്രത്തിലാണ് അഹാന അഭിനയിക്കുന്നത്. ഷൈൻ ടോം ചാക്കോയും പ്രധാന വേഷത്തിലെത്തുന്ന ചിത്രം ഏപ്രിൽ 14ന് റിലീസിനെത്തും. ചിത്രത്തിന്റെ പ്രമോഷൻ ഭാഗമായി അഹാന പങ്കുവച്ച ചിത്രങ്ങളാണ് ഇപ്പോൾ ശ്രദ്ധ നേടുന്നത്.

ഗ്രീൻ നിറത്തിലുള്ള അനാർക്കലി സ്യൂട്ട് ആണ് അഹാന അണിഞ്ഞത്. അഹാനയുടെ ഡ്രെസ്സിങ്ങ് സ്റ്റൈലിനു വലിയ ആരാധകവൃന്ദം തന്നെയുണ്ട്. എത്നിക്ക് ലുക്കിലെത്തിയ താരത്തിന്റെ ചിത്രങ്ങൾ ആരാധകർ ഏറ്റെടുത്തു കഴിഞ്ഞു. ദൃസ്യ എന്ന സൈറ്റിൽ നിന്നാണ് അഹാന വസ്ത്രം തിരഞ്ഞെടുത്തിരിക്കുന്നത്. പച്ച നിറത്തിലുള്ള പ്ലെയിൻ അനാർക്കലിയ്‌ക്കൊപ്പം അതേ നിറത്തിലുള്ള പലാസോയാണ് സ്റ്റൈൽ ചെയ്തിരിക്കുന്നത്. ഫ്ളോറൽ വർക്കുകൾ നിറഞ്ഞ ദുപ്പട്ട ലുക്ക് കൂടുതൽ മനോഹരമാക്കി. 21300 രൂപയാണ് അനാർക്കലിയുടെ വില.

പ്യുവർ അല്യൂറിന്റെ കമ്മലാണ് അഹാന സ്റ്റേറ്റ്‌മെന്റ് പീസായി അണിഞ്ഞിരിക്കുന്നത്. മേക്കപ്പ് ഫെമി ആന്റണി ചെയ്‌തപ്പോൾ സ്റ്റൈലിങ്ങ് ചെയ്‌തത് അഫ്‌‍ഷീൻ ഷാജഹാൻ ആണ്. ചിത്രങ്ങൾ പകർത്തിയത് എസ് കെ അഭിജിത്ത്.

ഫാഷൻ ട്രെൻഡ് നല്ലവണ്ണം പിന്തുടരുന്ന മലയാള സിനിമയിലെ താരങ്ങളിൽ മുൻനിരയിൽ തന്നെയുണ്ടാകും അഹാന കൃഷ്ണ. വളരെ വെറൈറ്റിയും യുണീക്കുമായ വസ്ത്രങ്ങളാണ് അഹാനയുടെ ശേഖരത്തിലുള്ളത്. സിമ്പിൾ ലുക്കിൽ ഇൻസ്റ്റഗ്രാം സ്റ്റോറികളിലും മറ്റും പ്രത്യക്ഷപ്പെടാറുള്ള അഹാന ഇടയ്ക്ക് ഡിസൈനർ വസ്ത്രങ്ങളിലുള്ള ഫൊട്ടൊഷൂട്ടുകളും ചെയ്യാറുണ്ട്.