ലോക സുന്ദരി മത്സരം: മിസ് ഇന്ത്യ സിനി ഷെട്ടിയെക്കുറിച്ചുള്ള 5 കാര്യങ്ങൾ

ലോക സുന്ദരി മത്സരത്തിനായി കാത്തിരിക്കുകയാണ് ഇന്ത്യക്കാർ. 28 വര്‍ഷത്തെ ഇടവേളയ്ക്ക് ശേഷമാണ് ലോകസൗന്ദര്യ മത്സരം ഇന്ത്യയിൽ നടക്കുന്നത്. മാർച്ച് ഒൻപതിന് മുംബൈയിലെ ജിയോ വേൾഡ് കൺവെൻഷൻ സെന്ററിലാണ് ലോക സുന്ദരി മത്സരം നടക്കുക. ആദ്യം മത്സരങ്ങൾക്ക് സാക്ഷ്യം വഹിക്കാൻ യുഎഇയെയാണ് തിരഞ്ഞെടുത്തത്. പിന്നീട് തീരുമാനം മാറ്റുകയായിരുന്നു. ഇതോടെയാണ് ഇന്ത്യയ്ക്ക് അവസരം ലഭിച്ചത്. 

71-ാമത് ലോക സുന്ദരി മത്സരത്തിൽ ഇന്ത്യ ഉൾപ്പെടെ 115 രാജ്യങ്ങളിൽനിന്നുള്ള സുന്ദരികൾ പങ്കെടുക്കും. ഇന്ത്യയെ പ്രതിനിധീകരിക്കുന്നത് സിനി ഷെട്ടിയാണ്. മുന്‍ മിസ് കര്‍ണാടകയും ഭരതനാട്യം നര്‍ത്തകിയുമാണ് സിനി ഷെട്ടി. മിസ് ഇന്ത്യ സിനി ഷെട്ടിയെക്കുറിച്ചുള്ള 5 കാര്യങ്ങളാണ് ഇവിടെ പറയുന്നത്.

View this post on Instagram

A post shared by Sini Shetty (@sinishettyy)

1. സിനി ഷെട്ടി ജനിച്ചതും വളർന്നതും മുംബൈയിലാണ്. പക്ഷേ, അവളുടെ പൂർവ്വികർ തെക്കൻ സംസ്ഥാനമായ കർണാടകയിൽ നിന്നുള്ളവരാണ്. 2022ൽ മിസ് വേൾഡ് മത്സരത്തിൽ കർണാടകയെ പ്രതിനിധീകരിച്ച് പങ്കെടുത്തിട്ടുണ്ട്.
2. 2022ൽ മിസ് വേൾഡ് കിരീടം ചൂടി. അക്കൗണ്ടിങ്ങിലും ധനകാര്യത്തിലും ബിരുദാനന്തര ബിരുദമുണ്ട്. ചാർട്ടേഡ് ഫിനാൻഷ്യൽ അനലിസ്റ്റാണ്.
3. മോഡലായ സിനി ഷെട്ടി നിരവധി പരസ്യ ചിത്രങ്ങളിലും അഭിനയിച്ചിട്ടുണ്ട്.
4. 14-ാം വയസിൽ ഭരതനാട്യത്തിൽ അരങ്ങേറ്റം നടത്തി. പഠനത്തിൽ മിടുക്കിയായ സിനി കുട്ടിക്കാലം മുതൽ നൃത്തം അഭ്യസിക്കുന്നുണ്ട്. 
5. പ്രിയങ്ക ചോപ്രയിൽ നിന്ന് തനിക്ക് വലിയ പ്രചോദനം ലഭിച്ചതായി സിനി പറഞ്ഞിട്ടുണ്ട്. 

മാര്‍ച്ച് ഒമ്പതിന് രാത്രി 7.30ന് തുടങ്ങുന്ന ലോക സുന്ദരി മത്സരം 10.30-ഓടെ അവസാനിക്കും. ലോകസുന്ദരി കരോലിന ബിലാവ്സ്‌ക പുതിയ വിജയിയെ കിരീടം അണിയിക്കും.

Read More

• ഓർഗൻസ ലെഹങ്കയിൽ അതിസുന്ദരിയായി റായ് ലക്ഷ്മി, വില അറിയാമോ?
• മിലൻ ഫാഷൻ വീക്കിൽ ബ്ലാക്ക് ഔട്ട്ഫിറ്റിൽ രശ്മിക മന്ദാന
• നയൻതാര ധരിച്ച ലെമൺ യെല്ലോ സിൽക്ക് സാരിയുടെ വില അറിയാമോ?
• ദാദാസാഹിബ് ഫാൽക്കെ അവാർഡ് ദാന ചടങ്ങിൽ തിളങ്ങി കരീന കപൂർ