scorecardresearch

മൂന്നു മാസം കൊണ്ട് കുറച്ചത് 16 കിലോ? ആലിയ ഭട്ടിനെക്കുറിച്ച് ഈ 7 കാര്യങ്ങൾ അറിയാമോ?

ആലിയ ഭട്ടിന്റെ പിറന്നാൾ ദിനത്തിൽ അധികമാർക്കും അറിയാത്ത 7 കാര്യങ്ങൾ എന്തൊക്കെയെന്ന് നോക്കാം

alia bhatt, bollywood, ie malayalam

മികവാർന്ന അഭിനയത്തിലൂടെ ബോളിവുഡിൽ മുൻനിര നായികയായി മാറിയ താരമാണ് ആലിയ ഭട്ട്. ആലിയയുടെ പിറന്നാളാണ് ഇന്ന്. 29-ാം ജന്മദിനം കുടുംബത്തിനൊപ്പമാണ് ആലിയ ആഘോഷിച്ചത്. അഭിനയത്തിനുപുറമേ പാട്ടിലും പെയിന്റിങ്ങിലും ആലിയ കഴിവ് തെളിയിച്ചിട്ടുണ്ട്. താരത്തിന്റെ പിറന്നാൾ ദിനത്തിൽ അധികമാർക്കും അറിയാത്ത 7 കാര്യങ്ങൾ എന്തൊക്കെയെന്ന് നോക്കാം.

  1. ഫാറ്റിൽനിന്നും ഫിറ്റിലേക്ക്

‘സ്റ്റുഡന്റ് ഓഫ് ദി ഇയർ’ എന്ന തന്റെ ആദ്യ ചിത്രത്തിലെ റോളിന് ചേർന്ന ശരീര ഘടനയായിരുന്നില്ല ആലിയയ്ക്ക് ഉണ്ടായിരുന്നത്. കഥാപാത്രത്തിനായി കഠിനമായി വർക്ക്ഔട്ട് ചെയ്ത ആലിയ മൂന്നു മാസം കൊണ്ട് കുറച്ചത് 16 കിലോയാണ്.

  1. നല്ലൊരു പെയിന്ററാണ്

ആലിയ പെയിന്റിങ് ചെയ്യുമെന്നത് ആരാധകരിൽ പലർക്കും അറിയാത്ത കാര്യമാണ്. മനോഹരമായ ചാർക്കോൾ പെയിന്റിങ് ആലിയ ചെയ്യാറുണ്ട്.

alia bhatt, bollywood, ie malayalam
  1. പാട്ടുകാരിയാണ്

നല്ലൊരു ഗായിക കൂടിയാണ് ആലിയ. ‘ഹൈവേ’ സിനിമയിലാണ് ആലിയയിലെ ഗായികയെ എല്ലാവരും തിരിച്ചറിഞ്ഞത്. ‘ഹംപ്റ്റി ശർമ്മ കി ദുൽഹനിയ’ സിനിമയിലും ആലിയ പാടിയിട്ടുണ്ട്.

  1. ഇമ്രാൻ ഹാഷ്മിയും ആലിയയും കസിൻസ് ആണ്

പലർക്കും ഇതൊരു അതിശയമാണെങ്കിലും ഇത് സത്യമാണ്. ഇമ്രാന്റെ അച്ഛനും മഹേഷ് ഭട്ടും സഹോദരങ്ങളാണ്.

  1. നടിയായിരുന്നില്ലെങ്കിൽ താരം ആകുമായിരുന്നത്

ഓർഗനൈസേഷനിൽ ബിരുദം നേടുമായിരുന്നുവെന്നാണ് വോഗ് ഇന്ത്യയ്ക്ക് നൽകിയ അഭിമുഖത്തിൽ ആലിയ പറഞ്ഞത്. പ്ലാനുകൾ തയ്യാറാക്കാൻ തനിക്ക് ഇഷ്ടമാണെന്നും ആലിയ പറഞ്ഞിരുന്നു.

  1. അവസാനത്തെ ഭക്ഷണം

മരിക്കുന്നതിനു മുൻപ് തന്റെ അവസാനത്തെ ഭക്ഷണമായി ഒരു ബർഗറും പിസ്സയും ഒരു വലിയ ചോക്ലേറ്റ് ഡെസർട്ടും വീണ്ടും കുറച്ചധികം ചോക്ലേറ്റും കഴിക്കുമെന്നായിരുന്നു താരം ഒരിക്കൽ പറഞ്ഞത്.

alia bhatt, bollywood, ie malayalam
  1. ആലിയയ്ക്ക് ഇഷ്ടം പുരുഷന്മാരുടെ പെർഫ്യൂം

2019 ൽ നൽകിയ അഭിമുഖത്തിലാണ് പുരുഷന്മാരുടെ പെർഫ്യൂം തനിക്ക് ഇഷ്ടമാണെന്നും ഉപയോഗിക്കാറുണ്ടെന്നും ആലിയ വെളിപ്പെടുത്തിയത്.

Read More: ഈ ബന്ധത്തിൽ എനിക്ക് വിശ്വാസമുണ്ട്; പ്രണയത്തെ കുറിച്ച് ആലിയ

Stay updated with the latest news headlines and all the latest Lifestyle news download Indian Express Malayalam App.

Web Title: 7 unknown facts about alia bhatt that only her die hard fans know