ശരീരത്തിന്റെ ഫ്ലെക്സിബിലിറ്റി വർദ്ധിപ്പിക്കണോ? ഈ 6 വ്യായാമങ്ങൾ ശീലമാക്കൂ

ശരീരത്തിന്റെ ആരോഗ്യം നിലനിർത്തുന്നതിൽ ഫ്ലെക്സിബിലിറ്റി അഥവാ വഴക്കം വലിയ പങ്കുവഹിക്കുന്നു. പേശികളുടെ മുറുക്കം കുറയ്ക്കാനും പരിക്കുകൾ ഒഴിവാക്കാനും ഇത് സഹായിക്കും. ഏത് പ്രായക്കാർക്കും ചെയ്യാവുന്ന, വഴക്കം വർദ്ധിപ്പിക്കുന്ന 6 വ്യായാമങ്ങൾ പരിചയപ്പെടാം

Written byLifestyle Desk

ശരീരത്തിന്റെ ആരോഗ്യം നിലനിർത്തുന്നതിൽ ഫ്ലെക്സിബിലിറ്റി അഥവാ വഴക്കം വലിയ പങ്കുവഹിക്കുന്നു. പേശികളുടെ മുറുക്കം കുറയ്ക്കാനും പരിക്കുകൾ ഒഴിവാക്കാനും ഇത് സഹായിക്കും. ഏത് പ്രായക്കാർക്കും ചെയ്യാവുന്ന, വഴക്കം വർദ്ധിപ്പിക്കുന്ന 6 വ്യായാമങ്ങൾ പരിചയപ്പെടാം

Lifestyle Desk

09 Jan 2026 12:17 IST

New Update

Promote Better Flexibility FI — ശരീരത്തിൻ്റെ വഴക്കം വർദ്ധിപ്പിക്കുന്ന 6 വ്യായാമങ്ങൾ പരിചയപ്പെടാം | ചിത്രം: ഫ്രീപിക്

1/7

ഫോർവേഡ് ഫോൾഡ്

നിൽക്കുന്ന നിലയിൽ സാവധാനം മുന്നോട്ട് കുനിഞ്ഞ് കൈകൾ കൊണ്ട് തറയിലോ പാദങ്ങളിലോ സ്പർശിക്കാൻ ശ്രമിക്കുന്ന രീതിയാണിത്. ഇത് ഹാംസ്ട്രിംഗുകൾക്കും (തുടയുടെ പിൻഭാഗം) നട്ടെല്ലിനും നല്ലൊരു വലിച്ചിൽ നൽകുന്നു. പുറംവേദന കുറയ്ക്കാൻ ഇത് സഹായിക്കും.

2/7

ക്യാറ്റ്-കൗ സ്ട്രെച്ച്

കൈകളും മുട്ടുകളും നിലത്ത് കുത്തി നിൽക്കാം. ശ്വാസം എടുത്തുകൊണ്ട് നട്ടെല്ല് താഴേക്ക് വളയ്ക്കുകയും ശ്വാസം വിട്ടുകൊണ്ട് നട്ടെല്ല് മുകളിലേക്ക് ഉയർത്തുകയും ചെയ്യാം.നട്ടെല്ലിന്റെ വഴക്കം വർദ്ധിപ്പിക്കുന്നതിനും കഴുത്തിലെയും തോളിലെയും സമ്മർദ്ദം കുറയ്ക്കുന്നതിനും ഇത് മികച്ചതാണ്.

3/7

ചൈൽഡ്സ് പോസ്

മുട്ടുകുത്തി ഇരുന്ന ശേഷം മുന്നോട്ട് കുനിഞ്ഞ് നെറ്റി തറയിൽ മുട്ടിക്കുകയും കൈകൾ മുന്നിലേക്ക് നീട്ടി വെക്കുകയും ചെയ്യുന്ന രീതിയാണിത്. ഇടുപ്പ്, തുടകൾ, കണങ്കാൽ എന്നിവയ്ക്ക് അയവ് നൽകാൻ ഇത് സഹായിക്കുന്നു. മാനസിക സമ്മർദ്ദം കുറയ്ക്കാനും ശരീരം റിലാക്സ് ചെയ്യാനും ഇത് ഉത്തമമാണ്.

Advertisment

4/7

പിജിയൻ പോസ്

ഒരു കാൽ മുന്നിലേക്ക് മടക്കി വെച്ച് മറ്റേ കാൽ പിന്നിലേക്ക് നീട്ടി വെക്കുന്ന യോഗാസനമാണിത്. ഇടുപ്പ് ഭാഗത്തെ പേശികളെ തുറക്കാനും അവിടുത്തെ കാഠിന്യം കുറയ്ക്കാനും ഇത് സഹായിക്കുന്നു. ദീർഘനേരം ഇരുന്നു ജോലി ചെയ്യുന്നവർക്ക് ഇത് വളരെ ഫലപ്രദമാണ്.

5/7

കോബ്ര സ്ട്രെച്ച്

കമിഴ്ന്നു കിടന്ന ശേഷം കൈകൾ നെഞ്ചിന് ഇരുവശവും കുത്തി ശരീരത്തിന്റെ മുൻഭാഗം മാത്രം മുകളിലേക്ക് ഉയർത്താം. നെഞ്ചിലെ പേശികളെ വികസിപ്പിക്കാനും നട്ടെല്ലിന്റെ ബലം വർദ്ധിപ്പിക്കാനും ഇത് സഹായിക്കുന്നു. ഇത് ശ്വസനപ്രക്രിയ സുഗമമാക്കാനും നല്ലതാണ്.

6/7

ക്വാഡ്രിസെപ്‌സ് സ്ട്രെച്ച്

ഒരു കൈകൊണ്ട് ചുവരിലോ മറ്റോ ചാരി നിന്ന് ഒരു കാൽ പിന്നിലേക്ക് മടക്കി കൈകൊണ്ട് പാദത്തിൽ പിടിക്കാം. തുടയുടെ മുൻഭാഗത്തെ പേശികൾക്ക് നല്ലൊരു വ്യായാമം നൽകുന്നു. കാൽമുട്ടുകളുടെ ആരോഗ്യം നിലനിർത്താനും നടത്തം സുഗമമാക്കാനും ഇത് സഹായിക്കും.

7/7

ഇക്കാര്യങ്ങൾ ശ്രദ്ധിക്കാം

വ്യായാമങ്ങൾ ചെയ്യുമ്പോൾ അമിതമായി ആയാസപ്പെടാതിരിക്കാൻ ശ്രദ്ധിക്കാം. ശ്വസനക്രമം കൃത്യമായി പാലിക്കാം. നിങ്ങൾക്ക് ആരോഗ്യപ്രശ്നങ്ങളുണ്ടെങ്കിൽ ഒരു വിദഗ്ദ്ധന്റെ ഉപദേശം തേടിയ ശേഷം മാത്രം ഇവ പരിശീലിക്കാം.

Health

Stay updated with the latest news headlines and all the latest Lifestyle news. Download Indian Express Malayalam App - Android or iOS.