‘നെഞ്ചത്ത് കൂടി കയറ്റൂ’ എന്ന് വെല്ലുവിളി; പൊലീസ് വണ്ടിക്ക് മുൻപിൽ കുലുങ്ങാതെ ഷാഫിയും ശബരിനാഥനും

വർഗീയത പറഞ്ഞും രക്തത്തിൽ കുളിപ്പിച്ചും പ്രതിഷേധം അവസാനിപ്പിക്കാനാകില്ലെന്ന് ഷാഫി പറമ്പില്‍ പറഞ്ഞു

Shafi Parambil, Sabarinathan

തിരുവനന്തപുരം: പൊലീസ് ആസ്ഥാനത്ത് യൂത്ത് കോൺഗ്രസ് നടത്തിയ കുത്തിയിരിപ്പ് സമരത്തിൽ നാടകീയ രംഗങ്ങൾ. മന്ത്രി കെ.ടി.ജലീലിന്റെ രാജി ആവശ്യപ്പെട്ട് പ്രതിഷേധിച്ചവർക്കെതിരെ ക്രൂരമായ നടപടികളാണ് പൊലീസിന്റെ ഭാഗത്തുനിന്നുണ്ടായതെന്ന് ആരോപിച്ചായിരുന്നു കുത്തിയിരിപ്പ് സമരം. എംഎൽഎമാരായ ഷാഫി പറമ്പിൽ, കെ.എസ്.ശബരീനാഥൻ എന്നിവരാണ് സമരത്തിനു നേതൃത്വം നൽകിയത്.

ഷാഫിയും ശബരീനാഥനും മാധ്യമങ്ങളോട് സംസാരിക്കുന്നതിനിടെ പൊലീസ് വാഹനം സമീപത്തേക്ക് വന്നത് തർക്കത്തിനിടയായി. എംഎൽഎമാർക്കു സമീപം ചേർത്തുനിർത്തി പൊലീസ് വാഹനം ഹോൺ അടിക്കുകയായിരുന്നു. വാഹനം തങ്ങളുടെ നെഞ്ചത്ത് കൂടി കയറ്റൂ എന്ന് എംഎൽഎമാർ പറഞ്ഞു. തങ്ങൾ കുത്തിയിരിപ്പ് സമരത്തിൽ നിന്നു പിൻവാങ്ങില്ലെന്നും വേണമെങ്കിൽ പൊലീസ് വാഹനം റിവേഴ്‌സ് എടുത്ത് പോകട്ടെ എന്നും എംഎൽഎമാർ നിലപാടെടുത്തു.

വർഗീയത പറഞ്ഞും രക്തത്തിൽ കുളിപ്പിച്ചും പ്രതിഷേധം അവസാനിപ്പിക്കാനാകില്ലെന്ന് ഷാഫി പറമ്പില്‍ പറഞ്ഞു. എംഎൽഎമാർ അടക്കമുള്ള പ്രതിഷേധക്കാരെ പൊലീസ് ബലംപ്രയോഗിച്ച് അറസ്റ്റ് ചെയ്തുനീക്കി.

ലാത്തിച്ചാർജിൽ പരുക്കേറ്റ വി.ടി.ബൽറാം എംഎൽഎ അടക്കമുള്ളവരുടെ ചിത്രം ഉയർത്തിക്കാട്ടിയായിരുന്നു പ്രതിഷേധം.

പ്രതിഷേധങ്ങൾക്കെതിരെ കോടതി

കോവിഡ് മാർഗനിർദേശങ്ങൾ ലംഘിച്ചു സമരം നടത്തുന്നവർക്കെതിരെ കർശന നടപടിയെടുക്കണമെന്ന് ഹൈക്കോടതി. കോവിഡ് മാർഗനിർദേശങ്ങൾ ലംഘിച്ചുള്ള സമരങ്ങൾക്കെതിരെ ദുരന്തനിവാരണ നിയമപ്രകാരം നടപടി സ്വീകരിക്കേണ്ടത് സർക്കാരാണെന്നു ഹൈക്കോടതി വ്യക്തമാക്കി.

കോവിഡ് മാർഗനിർദേശങ്ങൾ ലംഘിച്ചുള്ള പ്രതിഷേധങ്ങൾക്കും സമരങ്ങൾക്കും വിലക്ക് ഏർപ്പെടുത്തിയ ഹൈക്കോടതി ഉത്തരവ് വകവയ്ക്കാതെ രാഷ്‌ട്രീയ പാർട്ടികൾ സമരം തുടരുകയാണന്ന് സർക്കാർ അറിയിച്ചപ്പോഴായിരുന്നു കോടതിയുടെ വാക്കാൽ പരാമർശം. കോടതി ഉത്തരവ് നടപ്പാക്കാൻ രണ്ടു മാസമായി സ്വീകരിച്ച നടപടികൾ അറിയിക്കാൻ ചീഫ് ജസ്റ്റിസ് അധ്യക്ഷനായ ബഞ്ച് സർക്കാരിന് നിർദേശം നൽകി. കോടതി ഉത്തരവ് ലംഘിച്ചവർക്കെതിരെ നടപടി ആവശ്യപ്പെട്ട് ഹർജിക്കാർ സമർപ്പിച്ച സത്യവാങ്‌മൂലമാണ് കോടതി പരിഗണിച്ചത്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Youth congress protest shafi parambil kt jaleel

Next Story
തുടർച്ചയായ രണ്ടാം ദിവസവും നാലായിരത്തിലധികം പുതിയ രോഗികൾ; സംസ്ഥാനത്ത് 4167 പേർക്കുകൂടി കോവിഡ്Coronavirus, കൊറോണ വൈറസ്, Covid-19, കോവിഡ്-19 coronavirus in india, കൊറോണ വൈറസ് ഇന്ത്യയിൽ, ppe, ventilator, പിപിഇ, വെന്റിലേറ്റർ, PM, Prime Minister, PM Modi, Modi, Narendra Modi, പ്രധാനമന്ത്രി, പ്രധാനമന്ത്രി മോഡി, മോഡി, നരേന്ദ്ര മോഡി. Thablighi, തബ്ലീഗ്, Jamaat, ജമാഅത്ത്, Nizamuddin,നിസാമുദ്ദീൻ, MOH, Health Ministry, ആരോഗ്യ മന്ത്രാലയം, coronavirus in kerala, coronavirus kerala, കൊറോണ വൈറസ് കേരളത്തിൽ, coronavirus news, കൊറോണ വൈറസ് വാർത്തകൾ, corona kerala live updates, covid 19 live updates, corona kerala live, coronavirus test, corona test, കൊറോണ വൈറസ് പരിശോധന, coronavirus symptoms, symptoms of corona,കൊറോണ വൈറസ് ലക്ഷണങ്ങള്‍,Covid Kasrgod, കാസർകോഡ് കോവിഡ്,coronavirus update,coronavirus latest, coronavirus latest news,കൊറോണ വൈറസ് ലേറ്റസ്റ്റ്, coronavirus malayalam, corona treatment,coronavirus treatment,കൊറോണ ചികിത്സ, coronavirus medicine, corona medicine, കൊറോണ വൈറസ് മരുന്ന്, iemalayalam, ഐഇ മലയാളം
The moderation of comments is automated and not cleared manually by malayalam.indianexpress.com