scorecardresearch
Latest News

കല്യോട്ട് എത്തിയ സിപിഎം നേതാക്കളെ യൂത്ത് കോണ്‍ഗ്രസ് പ്രവര്‍ത്തകര്‍ തടഞ്ഞു

കരുണാകരന്‍ എംപി, കെ.കുഞ്ഞിരാമന്‍ എംഎല്‍എ, മുന്‍ എംഎല്‍എ കെ.വി.കുഞ്ഞിരാമന്‍ എന്നിവരടങ്ങിയ സംഘത്തെയാണ് കല്യോട്ട് വച്ച് യൂത്ത് കോണ്‍ഗ്രസ് പ്രവര്‍ത്തകര്‍ തടഞ്ഞത്

കല്യോട്ട് എത്തിയ സിപിഎം നേതാക്കളെ യൂത്ത് കോണ്‍ഗ്രസ് പ്രവര്‍ത്തകര്‍ തടഞ്ഞു

കാസര്‍ഗോഡ്: പെരിയയില്‍ തകര്‍ക്കപ്പെട്ട സിപിഎം പ്രവര്‍ത്തകരുടെ വീടുകളും സ്ഥാപനങ്ങളും സന്ദര്‍ശിക്കാനെത്തിയ നേതാക്കളെ യൂത്ത് കോണ്‍ഗ്രസ് പ്രവര്‍ത്തകര്‍ തടഞ്ഞു. കരുണാകരന്‍ എംപി, കെ.കുഞ്ഞിരാമന്‍ എംഎല്‍എ, മുന്‍ എംഎല്‍എ കെ.വി.കുഞ്ഞിരാമന്‍ എന്നിവരടങ്ങിയ സംഘത്തെയാണ് കല്യോട്ട് വച്ച് യൂത്ത് കോണ്‍ഗ്രസ് പ്രവര്‍ത്തകര്‍ തടഞ്ഞത്.

രാവിലെ ഒമ്പത് മണിയോടെയാണ് സിപിഎം നേതാക്കള്‍ സ്ഥലത്തെത്തുന്നത്. അപ്പോഴേക്കും യൂത്ത് കോണ്‍ഗ്രസ് പ്രവര്‍ത്തകര്‍ പ്രതിഷേധവുമായി രംഗത്തെത്തുകയായിരുന്നു. സിപിഎം നേതാക്കള്‍ കല്യോട്ട് ജംങ്ഷനിലെത്തിയതോടെ കുപിതരായ കോണ്‍ഗ്രസ് പ്രവര്‍ത്തകര്‍ ആരും ഇങ്ങോട്ട് വരേണ്ടെന്ന് പറഞ്ഞാണ് പ്രതിഷേധിച്ചത്. പൊലീസ് ഇടപെട്ട് പ്രതിഷേധക്കാരെ മാറ്റി.

റോഡിന് കുറുകെ കിടന്നും യൂത്ത് കോണ്‍ഗ്രസ് പ്രവര്‍ത്തകര്‍ പ്രതിഷേധിച്ചു. പൊലീസിന്റെ സംയമനത്തോടെയുള്ള ഇടപെടലാണ് സംഘര്‍ഷം ഒഴിവാക്കിയത്. കോണ്‍ഗ്രസിന് സ്വാധീനമുള്ള മേഖലയാണിത്. സിപിഎം നേതാക്കളെത്തിയ സ്ഥലത്തു നിന്നും അരകിലോമീറ്റര്‍ മാത്രം അകലെയാണ് കൊല്ലപ്പെട്ട കൃപേഷിന്റെ വീട്.

നേരത്തെ കല്യോട്ടുള്ള സിപിഎം പ്രവര്‍ത്തകരുടെ വീടുകള്‍ക്കും സ്ഥാപനങ്ങള്‍ക്കും നേരെ ആക്രമണമുണ്ടായിരുന്നു. ഇവിടം സന്ദര്‍ശിക്കാനായിരുന്നു സിപിഎം നേതാക്കളെത്തിയത്.

Stay updated with the latest news headlines and all the latest Kerala news download Indian Express Malayalam App.

Web Title: Youth congress protest against cpm leader in kallyot