Latest News

ബിനോയ് കോടിയേരിക്കെതിരായ ആരോപണം ഗുരുതരമെന്ന് സിപിഎം ജനറൽ സെക്രട്ടറി യെച്ചൂരി

കോടിയേരിക്കെതിരെ യെച്ചൂരി പക്ഷം നേതാക്കൾ കടുത്ത വിമർശനങ്ങൾ ഉയർത്തിയേക്കും

sitaram yechury,, cpi(m), cpm,, rss, bjp, political violence,

ന്യൂ​ഡ​ൽ​ഹി: ബിനോയ് കോടിയേരിക്കെതിരെ ഉയർന്ന സാമ്പത്തിക തട്ടിപ്പ് ആരോപണം ഗുരുതരമാണെന്ന വിലയിരുത്തലുമായി സിപിഎം ജനറൽ സെക്രട്ടറി സീതാറാം യെച്ചൂരി. വേഗത്തിൽ പരിഹാരം കാണണമെന്ന് പാർട്ടി നേതൃത്വം കോടിയേരിയോട് ആവശ്യപ്പെട്ടിട്ടുണ്ട്.

ഇക്കാര്യം സീതാറാം യെച്ചൂരി തന്നെയാണ് വ്യക്തമാക്കിയത്. “വളരെ ഗൗരവമുള്ള ആരോപണമാണ് ബിനോയ് കോടിയേരിക്കെതിരെ ഉയർന്നിരിക്കുന്നത്. പ്രശ്നം എത്രയും വേഗം പരിഹരിക്കണമെന്ന് ആവശ്യപ്പെട്ടിട്ടുണ്ട്”, യെച്ചൂരി പറഞ്ഞു.

ജാസ് ടൂറിസം കമ്പനിയാണ് ബിനോയ്ക്കെതിരെ കോടികളുടെ സാമ്പത്തിക തട്ടിപ്പ് ആരോപണവുമായി രംഗത്ത് വന്നത്. 13 കോടി രൂപയുടെ തട്ടിപ്പ് സംബന്ധിച്ച് ബിനോയ്‌യെ പി​ടി​കൂ​ടാ​ൻ യു​എ​ഇ സ​ർ​ക്കാ​ർ ഇ​ന്‍റ​ർ​പോ​ളി​ന്‍റെ സ​ഹാ​യം തേ​ടു​മെ​ന്ന് റിപ്പോർട്ടുണ്ട്. ഈ സാഹചര്യത്തിലാണ് പാർട്ടിയുടെ നീക്കം.

കമ്പനി അധികൃതർ സിപിഎം പൊളിറ്റ് ബ്യൂറോയ്ക്ക് പരാതി നൽകിയതായാണ് വിവരം. പൊതുമധ്യത്തിൽ പാർട്ടിക്ക് ആരോപണം ഏറെ അവമതിപ്പുണ്ടാക്കിയെന്ന വിലയിരുത്തലാണ് കേന്ദ്ര നേതൃത്വത്തിനുളളത്. ഈ സാഹചര്യത്തിൽ കാരാട്ട് പക്ഷത്തിനെതിരെ യെച്ചൂരി പക്ഷം ഈ ആരോപണവും പാർട്ടി കേന്ദ്രകമ്മിറ്റി യോഗത്തിൽ ആയുധമാക്കിയേക്കും.

ഒ​രു ഔ​ഡി കാ​ർ വാ​ങ്ങു​ന്ന​തി​ന് 3,13,200 ദി​ർ​ഹം (53.61 ല​ക്ഷം രൂ​പ) ഈ​ടു​വാ​യ്പ​യും ഇ​ന്ത്യ, യു​എ​ഇ, സൗ​ദി അ​റേ​ബ്യ, നേ​പ്പാ​ൾ എ​ന്നി​വി​ട​ങ്ങ​ളി​ലെ വ്യ​വ​സാ​യ ആ​വ​ശ്യ​ങ്ങ​ൾ​ക്ക് 45 ല​ക്ഷം ദി​ർ​ഹ​വും (7.7 കോ​ടി രൂ​പ) ബി​നോ​യ്ക്ക് ത​ങ്ങൾ നൽകിയെന്നാണ് ജാസ് ടൂറിസം കമ്പനി പറഞ്ഞിരിക്കുന്നത്. 2016 ജൂണിന് മുൻപ് പണം തിരിച്ചടക്കുമെന്ന് പറഞ്ഞെങ്കിലും ഇതുണ്ടായില്ല.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Yechuri on binoy kodiyeri controversy kodiyeri balakrishnan cpim

The moderation of comments is automated and not cleared manually by malayalam.indianexpress.com