Latest News
രാജി പ്രഖ്യാപിച്ച് കര്‍ണാടക മുഖ്യമന്ത്രി ബി.എസ്. യെദ്യൂരപ്പ
കൊടകര കുഴല്‍പ്പണക്കേസ്: പ്രതിക്ക് സുരേന്ദ്രനുമായി അടുത്ത ബന്ധമെന്ന് മുഖ്യമന്ത്രി നിയമസഭയില്‍
അമ്പെയ്ത്തില്‍ ഇന്ത്യന്‍ സംഘം പുറത്ത്; ബാഡ്മിന്റണിലും തോല്‍വി
മഴ: ആറ് ജില്ലകളില്‍ യെല്ലൊ അലര്‍ട്ട്; തീരദേശത്ത് ജാഗ്രതാ നിര്‍ദേശം
രാജ്യത്ത് 39,361 പേര്‍ക്ക് കോവിഡ്; 416 മരണം; ആശങ്കയായി കേരളം

വനിതാ മതിൽ; ജാതി സംഘടനകളുമായുളള നവോത്ഥാനം വൈരുദ്ധ്യമെന്ന് വിഎസ്

ശശിക്കൊപ്പം വേദി പങ്കിടുന്നവർക്ക് എതിരെ നടപടി വേണമെന്നും വിഎസ്

VS Achuthanandan

ന്യൂഡൽഹി: പുതുവർഷ ദിനത്തിൽ ഇടതുസർക്കാർ ജാതി സംഘടനകളുടെ സഹകരണത്തോടെ നടത്തുന്ന വനിതാ മതിലിനെതിരെ മുതിർന്ന സിപിഎം നേതാവ് വി.എസ്.അച്യുതാനന്ദൻ രംഗത്ത്. ജാതി സംഘടനകളുമായുളള നവോത്ഥാനത്തിൽ വൈരുദ്ധ്യമുണ്ടെന്ന് അദ്ദേഹം പാർട്ടിക്ക് നൽകിയ കത്തിൽ ചൂണ്ടിക്കാട്ടുന്നു.

കേന്ദ്രകമ്മിറ്റിക്കാണ് വിഎസ് കത്തയച്ചിരിക്കുന്നത്. ഇതിന് പുറമെ പി.കെ.ശശിക്കെതിരായ പരാതിയിലും വിഎസിന് അതൃപ്തിയുണ്ട്. ഇക്കാര്യവും കത്തിൽ ചൂണ്ടിക്കാട്ടിയതായാണ് വിവരം.

കേരളത്തിലെ ഹിന്ദുത്വവാദികളുടെ മുന്നേറ്റത്തെ രാഷ്ട്രീയമായും സംഘടനാപരമായും നിയമപരമായും ചെറുത്തുതോൽപ്പിക്കാൻ ഇടതുപക്ഷത്തിന് സാധിച്ചിട്ടുണ്ട്. ഈ പശ്ചാത്തലത്തിൽ ജാതി സംഘടനകളുമായി ചേർന്നുളള വനിതാ മതിൽ വൈരുദ്ധ്യ നിലപാടാണ്.  ആർഎസ്എസ്സിനെ എതിർക്കുകയും നായർ സമുദായത്തെ കൂടെ നിർത്താൻ ശ്രമിക്കുകയും ചെയ്യുന്ന രീതി ശരിയല്ല. ഇത് ആത്മഹത്യാപരമാണെന്നും വിഎസ് കത്തിൽ ചൂണ്ടിക്കാട്ടുന്നു.

ഡിവൈഎഫ്ഐ വനിതാ നേതാവിന്റെ പീഡന പരാതിയിൽ ഷൊർണൂർ എംഎൽഎ പി.കെ.ശശിക്ക് അനുകൂലമായ പാർട്ടി അന്വേഷണ കമ്മിഷൻ റിപ്പോർട്ടിനെതിരെയും വിഎസ് കത്തിൽ നിലപാട് എടുത്തു. ശശിക്കെതിരെ ശക്തമായ നടപടി വേണമെന്നും ശശിക്കെതിരെ നടപടിയെടുത്ത സാഹചര്യത്തിൽ അദ്ദേഹത്തിനൊപ്പം വേദി പങ്കിടുന്ന സിപിഎം നേതാക്കൾക്ക് എതിരെയും നടപടി വേണം.

ശശിയെ ജനമുന്നേറ്റ യാത്രയുടെ ക്യാപ്​റ്റനാക്കിയത്​ ശരിയായി​ല്ലെന്നാണ് വിഎസ് ചൂണ്ടിക്കാട്ടുന്നത്. പാർട്ടി സ്ത്രീപക്ഷത്തു നിന്നുകൊണ്ടുള്ള നിലപാട്​ സ്വീകരിക്കണമെന്നും വിഎസ്​ കത്തിൽ ആവശ്യപ്പെട്ടു. ശശിക്കെതിരെ പരാതിയുമായി പെൺകുട്ടി വീണ്ടും കേന്ദ്രകമ്മിറ്റിയെ സമീപിച്ചതിന് പിന്നാലെയാണ് വിഎസിന്റെ കത്ത്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Vs complains central committee against women wall stand

Next Story
ബിജെപിക്കുള്ളില്‍ ഭിന്നത; ഹര്‍ത്താലിനെ തള്ളി കണ്ണന്താനവും ന്യായീകരിച്ച് ശ്രീധരന്‍പിള്ളയുംBJP, ബിജെപി, Lok Sabha Election 2019, ലോക്സഭാ തിരഞ്ഞെടുപ്പ് 2019, Sreedharan Pillai, ശ്രീധരന്‍പിളള, ie malayalam, ഐഇ മലയാളം
The moderation of comments is automated and not cleared manually by malayalam.indianexpress.com
Best of Express