'തോ​മ​സ് ചാ​ണ്ടി സ്വ​യം പു​റ​ത്തു​പോ​കണം, ഇ​ല്ലെ​ങ്കി​ൽ പി​ടി​ച്ചി​റ​ക്കി വി​ടേ​ണ്ടി​വ​രും' വി.എസ്.അച്യുതാനന്ദന്‍

തിരുവനന്തപുരം: കായല്‍ കയ്യേറ്റ ആരോപണത്തില്‍ മന്ത്രി തോമസ് ചാണ്ടിയുടെ രാജി നീളുമ്പോള്‍ തുറന്ന വിമര്‍ശനവുമായി ഭരണപരിഷ്കാര കമ്മിഷന്‍ അധ്യക്ഷന്‍ വി.എസ്.അച്യുതാനന്ദന്‍. മന്ത്രി തോമസ് ചാണ്ടി സ്വയം പുറത്തുപോകണമെന്ന് വി.എസ്.അച്യുതാനന്ദന്‍ ആവശ്യപ്പെട്ടു. തോ​മ​സ് ചാ​ണ്ടി സ്വ​യം പു​റ​ത്തു​പോ​കു​ക​യാ​ണ് വേ​ണ്ട​ത്. ഇ​ല്ലെ​ങ്കി​ൽ പി​ടി​ച്ചി​റ​ക്കി വി​ടേ​ണ്ടി​വ​രു​മെ​ന്ന് വി.​എ​സ് പ​റ​ഞ്ഞു.

തോമസ് ചാണ്ടി കായല്‍ കൈയേറിയെന്ന ആരോപണം അന്വേഷിച്ച് അടിയന്തര നടപടി സ്വീകരിക്കണമെന്ന് മുമ്പ് വി.എസ് പരസ്യ നിലപാടെടുത്തിരുന്നു. കൈയേറ്റം അന്വേഷിക്കുന്നതിന് സര്‍ക്കാര്‍ സംവിധാനങ്ങള്‍ നിലവിലുണ്ടെന്നും അവര്‍ അക്കാര്യത്തില്‍ അന്വേഷണം നടത്തണമെന്നുമാണ് നേരത്തെ അദ്ദേഹം അഭിപ്രായപ്പെട്ടത്.