വിഷു-ഈസ്റ്റർ; എറണാകുളത്തു നിന്ന് ഡൽഹിയിലേക്ക് സ്പെഷൽ ട്രെയിൻ

കൊച്ചി: ഉത്സവകാലത്തെ യാത്രാതിരക്ക് പരിഗണിച്ച് എറണാകുളത്തു നിന്നും ഡൽഹി ഹസ്രത് നിസാമുദ്ദീനിലേക്ക് പ്രത്യേക ട്രെയിൻ അനുവദിച്ച് റെയിൽവേ. എറണാകുളം ജങ്ഷൻ - ഹസ്രത് നിസാമുദ്ദീൻ സൂപ്പർ ഫാസ്റ്റ് സ്പെഷൽ ട്രെയിനാണ് അനുവദിച്ചത്.

എറണാകുളം ജങ്ഷൻ സ്റ്റേഷനിൽ നിന്ന് ബുധനാഴ്ച ( ഏപ്രിൽ 16) വൈകീട്ട് 6.05 ന് ട്രെയിൻ പുറപ്പെടും. ഏപ്രിൽ 18 ന് രാത്രി 8.35 ന് ട്രെയിൻ ഹസ്രത് നിസാമുദ്ദീനിൽ എത്തിച്ചേരും.20 സെക്കൻഡ് ക്ലാസ് സ്ലീപ്പർ കോച്ചുകൾ, രണ്ട് സെക്കൻഡ് ക്ലാസ് ജനറൽ കോച്ചുകൾ എന്നിവയാണ് ഉണ്ടാവുക. റിസർവേഷൻ തിങ്കളാഴ്ച വൈകീട്ട് ആരംഭിച്ചു.

ആലുവ, തൃശൂർ, പാലക്കാട്, പോത്തനൂർ, തിരുപ്പൂർ, ഈറോഡ്, സേലം, ജോലാർപേട്ട, കാട്പാഡി, റെനിഗുണ്ട, ഗുഡൂർ, ഓൻഗോലെ, വിജയവാഡ, വാറങ്കൽ, ബൽഹർഷ, നാഗ്പുർ, ഇറ്റാർസി, ഭോപ്പാൽ, ബിന, ജാൻസി, ഗ്വാളിയോർ, ആഗ്ര, മഥുര എന്നിവിടങ്ങളിൽ സ്റ്റോപ്പുണ്ടാകും.