Latest News

വീരേന്ദ്ര കുമാറിന് തടസ്സമില്ല, കെ.എം.മാണിയുടെ കാര്യത്തിൽ തീരുമാനം പിന്നീട്; സിപിഎം

ഇക്കാര്യത്തിൽ വീരേന്ദ്ര കുമാറാണ് നിലപാട് വ്യക്തമാക്കേണ്ടത്

തിരുവനന്തപുരം: വീരേന്ദ്ര കുമാറിന് ഇടതുമുന്നണിയിലെത്താൻ തടസ്സമില്ലെന്ന് സിപിഎം സംസ്ഥാന സെക്രട്ടറിയേറ്റ്. ഇക്കാര്യത്തിൽ വീരേന്ദ്ര കുമാറാണ് നിലപാട് വ്യക്തമാക്കേണ്ടത്. കെ.എം.മാണിയുടെ കാര്യത്തിൽ പാർട്ടി പിന്നീട് തീരുമാനം എടുക്കുമെന്നും സിപിഎം സംസ്ഥാന സെക്രട്ടറിയേറ്റ് വ്യക്തമാക്കി.

വീരേന്ദ്രകുമാറിന്റെ ഇടതുമുന്നണി പ്രവേശനത്തെ സിപിഎം ദേശീയ നേതൃത്വം നേരത്തെ സ്വാഗതം ചെയ്തിരുന്നു. എന്നാൽ വീരേന്ദ്രകുമാറുമായി ചര്‍ച്ച നടന്നിട്ടില്ലെന്നും ജെഡിയു ഔദ്യോഗികമായി തീരുമാനിക്കട്ടെ എന്നിട്ട് പ്രതികരിക്കാമെന്നും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ പറഞ്ഞിരുന്നു.

ജനതാദള്‍ യുണൈറ്റഡ് യുഡിഎഫ് വിട്ട് ഇടതുമുന്നണിയില്‍ ചേരുന്നുവെന്ന് സൂചനകളുണ്ടായിരുന്നു. ഇതിനുപിന്നാലെ യുഡിഎഫ് വിടുന്ന കാര്യമോ എൽഡിഎഫിൽ ചേരുന്ന കാര്യമോ ഇപ്പോൾ ചർച്ച ചെയ്തിട്ടില്ലെന്ന് എം.പി.വീരേന്ദ്രകുമാർ എംപി വ്യക്തമാക്കി. അതേസമയം, നിതീഷ് കുമാറിന്റെ പാർട്ടിയുടെ എംപിയായി തുടരാൻ ആഗ്രഹിക്കുന്നില്ലെന്നും അദ്ദേഹം പറഞ്ഞു. കേരളത്തില്‍ പാർട്ടി ഇപ്പോൾ യുഡിഎഫിലാണ് നിൽക്കുന്നത്. എല്‍ഡിഎഫിലേക്ക് പോകണോ എന്ന കാര്യം പാര്‍ട്ടിയുടെ സംസ്ഥാനസമിതിയാണ് തീരുമാനിക്കേണ്ട്. അക്കാര്യം പാര്‍ട്ടി ചര്‍ച്ച ചെയ്ത് തീരുമാനിക്കും. എൽഡിഎഫ് നേതാക്കളുമായി ചർച്ച നടത്തിയിട്ടില്ല. ജെഡിയുവിൽ ലയിക്കേണ്ടിയിരുന്നില്ല. ദേശീയതലത്തിൽ ജനതാദൾ യു വലിയ പ്രതിസന്ധിയാണ് നേരിടുന്നത്. എസ്ജെഡിയായി നിന്നാല്‍ മതിയായിരുന്നുവെന്നും വേണ്ടി വന്നാല്‍ എസ്ജെഡി പുനരുജ്ജീവിപ്പിക്കുമെന്നും അദ്ദേഹം മാധ്യമപ്രവർത്തകരോട് പറഞ്ഞു.

അതേസമയം, യുഡിഎഫ് വിടുന്നുവെന്ന വാര്‍ത്ത നിഷേധിച്ച് ജെഡിയു ദേശീയ ജനറല്‍ സെക്രട്ടറി വര്‍ഗ്ഗീസ് ജോര്‍ജ് രംഗത്തെത്തി. പാര്‍ട്ടി ഇക്കാര്യം ചര്‍ച്ച ചെയ്തിട്ടില്ല. 5 മാസമായി പാര്‍ട്ടി കമ്മിറ്റി ചേര്‍ന്നിട്ടില്ലെന്നും അദ്ദേഹം പറഞ്ഞു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Veerendra kumar ldf entry cpm secretariat decision

Next Story
മലപ്പുറത്ത് കേന്ദ്ര സര്‍ക്കാരിന്റെ ഊര്‍ജ്ജിത വാക്‌സിനേഷന്‍ പദ്ധതി ജനുവരിയില്‍ തുടങ്ങും
The moderation of comments is automated and not cleared manually by malayalam.indianexpress.com