മക്കളുടെ മുന്നിലിട്ട് യുവതിയെ കൊലപ്പെടുത്തി; ഭർത്താവ് അറസ്റ്റിൽ

വാഴക്കാട്: മലപ്പുറം ജില്ലയിലെ വാഴക്കാട്ട് യുവതിയെ കൊലപ്പെടുത്തിയ കേസിൽ ഭർത്താവ് അറസ്റ്റിൽ. കോഴിക്കോട് മുക്കം സ്വദേശിയായ മുഹമ്മദ് ഷമീറാണ് പിടിയിലായത്. വെള്ളിയാഴ്ച പുലര്‍ച്ച ഷമീറിന്റെ ഭാര്യ ഷക്കീറയെ (27) മരിച്ച നിലയിൽ കണ്ടെത്തുകയായിരുന്നു.

എട്ടും ആറും വയസുള്ള മക്കളുടെ മുന്നിൽ വച്ച് ഷമീർ ഷക്കീറയെ കൊലപ്പെടുത്തുകയായിരുന്നെന്ന് പൊലീസ് പറഞ്ഞു. വഴക്കിനിടെ കഴുത്തില്‍ കയര്‍ മുറുക്കിയാണ് കൊലപാതകമെന്നാണ് പൊലീസിൽ നിന്നുള്ള വിവരം.

കൊല നടത്തിയ ശേഷം വീടുവിട്ടിറങ്ങിയ ഷമീറിനെ കോഴിക്കോട് മാവൂരിൽ നിന്നാണ് പിടികൂടിയതെന്നും പൊലീസ് പറഞ്ഞു. മൊബൈല്‍ ഫോണ്‍ ടവര്‍ കേന്ദ്രീകരിച്ച് നടത്തിയ അന്വേഷണത്തിലാണ് ഇയാളെ കണ്ടെത്താനായത്. ആത്യമഹത്യക്ക് ശ്രമിക്കുകയായിരുന്നു ഇയാളെന്നും പൊലീസ് പറഞ്ഞു.

Also Read: കൊലപാതകത്തിന് ദൃക്സാക്ഷികള്‍ ഇല്ലെന്നു പ്രിൻസിപ്പൽ; രക്ഷപ്പെടാന്‍ ശ്രമിക്കാതെ പ്രതി