വരാപ്പുഴ: വരാപ്പുഴ കസ്റ്റഡി മരണ കേസിൽ മൂന്ന് പൊലീസുകാരെ പ്രത്യേക അന്വേഷണ സംഘം പിടികൂടി. എറണാകുളം റൂറൽ പൊലീസ് സൂപ്രണ്ടിന് കീഴിലെ റൂറൽ ടാസ്‌ക് ഫോഴ്സിലെ മൂന്ന് പേരാണ് കസ്റ്റഡിയിലായത്. മഫ്തിയിലെത്തിയ പൊലീസുകാരാണ് ശ്രീജിത്തിനെ കസ്റ്റഡിയിലെടുത്തത്.

സന്തോഷ്, സുമേഷ്, ജിതിൻ എന്നീ ഉദ്യോഗസ്ഥരാണ് പിടിയിലായത്. കസ്റ്റഡിയിൽ എടുത്തപ്പോൾ തന്നെ ശ്രീജിത്തിന് മർദനമേറ്റിരുന്നുവെന്നാണ് മൊഴിയുളളത്. ഇത് പരിഗണിച്ചാണ് മൂന്ന് പേരെ പ്രത്യേക അന്വേഷണ സംഘം കസ്റ്റഡിയിലെടുത്തത്. സംഭവത്തിൽ ശ്രീജിത്തിന് പൊലീസ് സ്റ്റേഷനിൽ വച്ച് മർദനമേറ്റിരുന്നില്ലെന്ന വിലയിരുത്തലാണ് ഇപ്പോഴുളളത്.

സംഭവത്തിൽ സിഐയും എസ്ഐയും അടക്കമുളളവർക്ക് സസ്‌പെൻഷൻ നൽകിയിട്ടുണ്ട്. അതേസമയം ആർടിഎഫ് ഉദ്യോഗസ്ഥർ ശ്രീജിത്തിനെ മർദിച്ചെന്ന വാദം തളളി. മിനിറ്റുകൾ മാത്രമാണ് ഇയാൾ തങ്ങളുടെ കസ്റ്റഡിയിലുണ്ടായിരുന്നത്. പിടികൂടിയ ഉടൻ ഇയാളെ വരാപ്പുഴ പൊലീസിന് കൈമാറിയിരുന്നുവെന്ന് വ്യക്തമാക്കുന്ന ശബ്ദരേഖ പുറത്തുവന്നു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook