മണിയുടെ സംസാരം സമനില വിട്ട ആളെപ്പോലെയെന്ന് സുധീരൻ; മണിയുടെ മാനസികനില പരിശോധിക്കണമെന്ന് ചെന്നിത്തല

തിരുവനന്തപുരം: സമനില വിട്ട ഒരാളെ പോലെയാണ് മന്ത്രി എം.എം.മണി സംസാരിക്കുന്നതെന്ന് മുൻ കെപിസിസി അധ്യക്ഷൻ വി.എം.സുധീരൻ. "മന്ത്രി മണിയുടെ അഭിപ്രായ പ്രകടനം പരിശോധിക്കുമ്പോൾ സമനില വിട്ട രീതിയിലാണ് സംസാരിക്കുന്നത്. ഭ്രാന്തൻ അഭിപ്രായങ്ങളാണ് അദ്ദേഹം പറഞ്ഞ് കൊണ്ടിരിക്കുന്നത്. ഈ സംസ്ഥാനത്ത് ഇതുപോലെ ഒരു മന്ത്രി സംസാരിക്കുന്നത് തന്നെ ആദ്യമായിട്ടാണ്. മന്ത്രിയായി തുടരാനുളള അർഹതയാണ് മണി നഷ്‌ടപ്പെടുത്തിയിരിക്കുന്നത്. സിപിഎം നേതൃത്വം മന്ത്രിസഭയിൽ നിന്ന് മണിയെ മാറ്റണമെന്ന്'' സുധീരൻ പറഞ്ഞു. സ്ത്രീത്വത്തെ അപമാനിച്ചതിന് അദ്ദേഹത്തിന്റെ പേരിൽ നടപടി സ്വീകരിക്കണമെന്നും സുധീരൻ ആവശ്യപ്പെട്ടു.

എം.എം.മണിയെ പുറത്താക്കണമെന്ന് പ്രതിപക്ഷനേതാവ് രമേശ് ചെന്നിത്തല പറഞ്ഞു. മണിയുടെ മാനസികനില പരിശോധിക്കണം. സ്ത്രീത്വത്തെ അപമാനിച്ച മണിക്കെതിരെ കേസെടുക്കണമെന്നും രമേശ് ചെന്നിത്തല വ്യക്തമാക്കി.