മലപ്പുറം: കശ്മീരിനും മണിപ്പൂരിനും സ്വാതന്ത്ര്യം അനുവദിക്കണമെന്ന് പറയുന്ന പോസ്റ്റര്‍ പതിപ്പിച്ച വിദ്യാര്‍ത്ഥികളെ അറസ്റ്റ് ചെയ്തു. മലപ്പുറം ഗവണ്‍മെന്റ് കോളേജിലെ രണ്ട് വിദ്യാര്‍ത്ഥികളെയാണ് അറസ്റ്റ് ചെയ്തത്. 124 എ പ്രകാരമാണ് കേസെടുത്തിരിക്കുന്നത്.

കഴിഞ്ഞ ദിവസം പോസ്റ്റര്‍ കണ്ട പ്രിന്‍സിപ്പാള്‍ പൊലീസില്‍ പരാതി നല്‍കുകയായിരുന്നു. രാജ്യത്തിന്റെ അഖണ്ഡതയും ഐക്യവും തകര്‍ത്തുന്ന തരത്തിലുള്ള പോസ്റ്റര്‍ പതിച്ചെന്നാണ് കേസ്.

എന്നാല്‍ കശ്മീരിലെ ജനങ്ങള്‍ക്ക് നേരായ അതിക്രമങ്ങള്‍ക്കെതിരെയാണ് തങ്ങളുടെ പോസ്റ്ററെന്ന് വിദ്യാര്‍ത്ഥികള്‍ വ്യക്തമാക്കി. സംഭവം പൊലീസ് അന്വേഷിച്ച് വരികയാണ്.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ