ബെംഗളൂരു-മൈസൂരു ദേശിയപാതയില്‍ ബൈക്ക് അപകടം; രണ്ട് മലയാളി വിദ്യാര്‍ഥികള്‍ മരിച്ചു

ബെംഗളൂരു: ബെംഗളൂരു-മൈസൂരു ദേശിയപാതയിലുണ്ടായ അപകടത്തില്‍ രണ്ട് മലയാളി വിദ്യര്‍ഥികള്‍ മരിച്ചു. ബൈക്ക് ലോറിയില്‍ ഇടിച്ചായിരുന്നു അപകടം. നിലമ്പൂര്‍ ഉപ്പട ആനയ്ക്കക്കല്‍ സ്വദേശി നിഥിൻ, തിരുവനന്തപുരം നെടുമങ്ങാട് സ്വദേശി ഷഹിൻ ഷാജഹാന്‍ എന്നിവരാണ് മരിച്ചത്. ഇരുവര്‍ക്കും 21 വയസാണ് പ്രായം.

മൈസൂരു ഫിഷ് ലാന്‍ഡിന് സമീപത്ത് വച്ച് ഇന്ന് രാവിലെ എട്ട് മണിയോടെയാണ് അപകടം നടന്നത്. അപകടസ്ഥലത്ത് വച്ച് തന്നെ ഇരുവരും മരിച്ചിരുന്നു. മൃതദേഹങ്ങൾ മൈസൂരു കെആർ മെഡിക്കൽ കോളജിലേക്ക് മാറ്റി. പോസ്റ്റ്മോർട്ടത്തിനു ശേഷം ബന്ധുക്കൾക്ക് കൈമാറുമെന്നാണ് വിവരം. മൈസൂരു കാവേരി കോളജിലെ മൂന്നാം വർഷ മെഡിക്കൽ വിദ്യാർഥികളാണ് ഇരുവരും.