എറണാകുളം-തൃശ്ശൂർ റൂട്ടിൽ ട്രെയിൻ ഗതാഗതം തടസ്സപ്പെട്ടു

എറണാകുളം: തൃശ്ശൂർ-എറണാകുളം റെയിൽവേ പാതയിൽ വൈദ്യുതി ലൈൻ പൊട്ടി വീണതിനാൽ ട്രെയിൻ ഗതാഗതം ഭാഗികമായി തടസ്സപ്പെട്ടു. അങ്കമാലിക്കടുത്താണ് വൈദ്യുതി ലൈൻ പൊട്ടി വീണത്. ഇരു ദിശകളിലേക്കുമുള്ള ട്രെയിനുകൾ വൈകിയോടുന്നതായി അധികൃതർ അറിയിച്ചു. ഒരു മണിക്കൂർ വൈകിയാണ് ട്രെയിനുകൾ ഓടുന്നത്.

വൈദ്യുതിബന്ധം പുനഃസ്ഥാപിക്കാനുള്ള നടപടികള്‍ പുരോഗമിക്കുകയാണ്. പല ട്രെയിനുകളും വിവിധ സ്റ്റേഷനുകളിൽ പിടിച്ചിട്ടിരിക്കുകയാണ്.