കൊച്ചി: എറണാകുളം, കോട്ടയം റെയിൽവേ സ്റ്റേഷനുകൾക്കിടയിൽ ഇന്ന് മുതൽ ട്രെയിൻ ഗതാഗതത്തിന് നിയന്ത്രണം ഏർപ്പെടുത്തി. കോട്ടയം- ഏറ്റുമാനൂർ ഭാഗത്തു പാളത്തിന്റെ അറ്റകുറ്റപ്പണികൾ നടക്കുന്നതിനാലാണ് ഇത്. ഈ മാസം 14 വരെ ഈ ഗതാഗത നിയന്ത്രണം തുടരുമെന്ന് തിരുവനന്തപുരം ഡിവിഷണൽ റെയിൽവേ വക്താവ് അറിയിച്ചു.
ഉച്ചയ്‌ക്കു 12ന് എറണാകുളം സൗത്തിൽ നിന്നു പുറപ്പെടേണ്ട എറണാകുളം-കായംകുളം പാസഞ്ചർ 45 മിനിറ്റ് വൈകിയാണു പുറപ്പെടുക. ഹൈദരാബാദ്-തിരുവനന്തപുരം ശബരി എക്സ്പ്രസും മംഗളൂരു-നാഗർകോവിൽ പരശുറാം എക്സ്പ്രസും, കുറുപ്പന്തറ-വൈക്കം റോഡ് ഭാഗത്ത് 20 മുതൽ 25 മിനിറ്റുവരെ പിടിച്ചിടും. കൊല്ലം ജങ്ഷനിൽനിന്ന് രാവിലെ 11.10നു പുറപ്പെടേണ്ട കൊല്ലം-എറണാകുളം മെമു ഒരു മണിക്കൂറും 25 മിനിറ്റും വൈകും.
കോർബ-തിരുവനന്തപുരം ദ്വൈവാര എക്സ്പ്രസ് ഏറ്റുമാനൂരിൽ ഇന്ന് 20 മിനിറ്റ് പിടിച്ചിടും. 6,9,13 തീയതികളിലും നിയന്ത്രണം തുടരും. ഡെറാഡൂൺ-കൊച്ചുവേളി പ്രതിവാര സൂപ്പർഫാസ്റ്റ് ട്രെയിൻ ജൂലൈ നാലിനും 11നും ഏറ്റുമാനൂരിൽ 20 മിനിറ്റ് പിടിച്ചിടും.
Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook
.
