കൊല്ലം: കൊല്ലത്ത് നിന്ന് തിരുവനന്തപുരത്തേക്കുള്ള പാസഞ്ചർ ട്രെയിനിന്റെ എൻജിൻ പാളം തെറ്റി. കൊല്ലം – തിരുവനന്തപുരം (56307) പാസഞ്ചറിന്റെ എൻജിനാണു മൂന്നാം നമ്പർ പ്ലാറ്റ്ഫോമിനു സമീപത്തെ ട്രാക്കിൽ പാളം തെറ്റിയത്. ഇതേതുടർന്ന് ട്രെയിൻ റദ്ദാക്കി. പ്ലാറ്റ്ഫോമിനു സമീപത്തെ ട്രാക്കിൽനിന്ന് 10 മീറ്റർ നീങ്ങിയ ഉടനാണ് സംഭവം. ആളപായമില്ല.

അപകടത്തെ തുടർന്ന് പാസഞ്ചറിന് പിന്നാലെ സർവീസ് നടത്തുന്ന മലബാർ എക്സ്പ്രസിന് കൊല്ലം മുതൽ തിരുവനന്തപുരം വരെ എല്ലായിടത്തും സ്റ്റോപ്പ് അനുവദിച്ചു. കൊല്ലം-തിരുവനന്തപുരം പാസഞ്ചറിൽ ടിക്കറ്റ് എടുത്ത യാത്രക്കാർക്ക് മലബാറിൽ യാത്ര ചെയ്യാമെന്ന് റെയിൽവേ അറിയിച്ചു. മറ്റു ട്രെയിനുകളുടെ സർവീസിനെ ബാധിച്ചിട്ടില്ല.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.