ട്രാക്കിലെ അറ്റകുറ്റ പണി: സംസ്ഥാനത്ത് ട്രെയിൻ ഗതാഗത നിയന്ത്രണം, ചില ട്രെയിനുകൾ റദ്ദാക്കി

തിരുവനന്തപുരം: ട്രാക്കിലെ അറ്റകുറ്റ പണികളെ തുടർന്ന് സംസ്ഥാനത്ത് വീണ്ടും ട്രെയിൻ ഗതാഗത നിയന്ത്രണം. മാവേലിക്കര ചെങ്ങന്നൂർ റെയിൽവേ സ്റ്റേഷനുകൾക്കിടയിലാണ് പണി നടക്കുന്നത്. ചില ട്രെയിനുകൾ റദ്ദാക്കുകയും ചിലതിന്റെ സമയത്തിൽ മാറ്റം വരുത്തുകയും ചെയ്തിട്ടുണ്ട്. ചില ട്രെയിനുകൾക്ക് നിയന്ത്രണവും ഏർപ്പെടുത്തിയിട്ടുണ്ട്.

റദ്ദാക്കിയ ട്രെയിനുകള്‍

• 21-ാം തീയതി കൊല്ലത്ത് നിന്ന് രാവിലെ 8നും 11നും പുറപ്പെടുന്ന കൊല്ലം എറണാകുളം മെമു റദ്ദാക്കി
• വൈകിട്ട് 3നും 8.10നും പുറപ്പെടുന്ന എറണാകുളം, കൊല്ലം മെമു എന്നിവ റദ്ദാക്കി
• 8.45ന് പുറപ്പെടുന്ന എറണാകുളം കായംകുളം മെമുവും 2.35ന് പുറപ്പെടുന്ന കൊല്ലം-കോട്ടയം ട്രെയിനും റദ്ദാക്കി
• 1.35ന് പുറപ്പെടുന്ന എറണാകുളം കൊല്ലം സ്പെഷ്യൽ മെമുവും 5.40 നുള്ള കോട്ടയം കൊല്ലം മെമു സർവീസും റദ്ദാക്കി
• 8.50 ന് പുറപ്പെടുന്ന കായംകുളം എറണാകുളം എക്സ്പ്രസ് റദ്ദാക്കി
• വൈകിട്ട് 4 മണിക്കുള്ള എറണാകുളം ആലപ്പുഴ മെമുവും, 6 മണിക്കുള്ള ആലപ്പുഴ എറണാകുളം എക്സ്പ്രസിന്‍റെയും സർവീസ് റദ്ദാക്കി

നിയന്ത്രണമേർപ്പെടുത്തിയ ട്രെയിനുകൾ

21ന് ഉച്ചയ്ക്ക് ഒരു മണിക്ക് പുറപ്പെടുന്ന നാഗർകോവിൽ കോട്ടയം എക്സ്പ്രസ് കൊല്ലം വരെയേ സർവീസ് നടത്തുകയുള്ളൂ. ഈ ട്രെയിൻ ആലപ്പുഴ വഴി തിരിച്ചു വിടും. ശബരി എക്സ്പ്രസ്, കേരള എക്സ്പ്രസ്, കന്യാകുമാരി ബെംഗളുരു എക്സ്പ്രസ്, തിരുവനന്തപുരം കണ്ണൂർ ജനശതാബ്ദി, തിരുവനന്തപുരം ചെനൈ മെയിൽ, നാഗർകോവിൽ ഷാലിമാർ എക്സ്പ്രസ്, തിരുവനന്തപുരം ചെന്നൈ സൂപ്പർഫാസ്റ്റ് എക്സ്പ്രസ്, വഞ്ചിനാട് എക്സ്പ്രസ്, പുനലൂർ ഗുരുവായൂർ എക്സ്പ്രസ് എന്നിവ ആലപ്പുഴ വഴിം തിരിച്ചു വിടും.