Latest News
മരം മുറി കേസില്‍ അന്വേഷണം ശരിയായ ദിശയിലല്ല; സര്‍ക്കാരിന് ഹൈക്കോടതിയുടെ വിമര്‍ശനം

ജന്‍മഭൂമിയുടെ വേദിയില്‍ സെന്‍കുമാര്‍; ‘നെ​റ്റി​ ചു​ളി​ച്ച​വ​രു​ടെ നെ​റ്റി ചു​ളി​ഞ്ഞു​ത​ന്നെ ഇ​രി​ക്ക​ട്ടെ​’ എന്ന് പ്രതികരണം

ഹൈക്കോടതി തന്നെ രണ്ട് ലൗ ജിഹാദ് സംബന്ധിച്ച കേസുകള്‍ തന്നെ ഏല്‍പ്പിച്ചിരുന്നുവെന്നും സെന്‍കുമാര്‍

tp senkumar, dgp

തിരുവനന്തപുരം: കേരളത്തിൽ ലൗ ജിഹാദ് ഉണ്ടായിരുന്നെന്ന് മുൻ പൊലീസ് മേധാവി ടിപി സെൻകുമാർ. ബി​ജെ​പി മു​ഖ​പ​ത്ര​മാ​യ ജ​ൻ​മ​ഭൂ​മി​യു​ടെ പ​രി​പാ​ടി​യി​ൽ പ​ങ്കെ​ടു​ത്ത​തി​ന് ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം. ഇന്ത്യ ഭരിക്കുന്ന രാഷ്ട്രീയപാട്ടിയുടെ ഔദ്യോഗിക പത്രത്തിന്റെ പരിപാടിയിൽ പങ്കെടുക്കുന്നതിൽ തെറ്റെന്താണെന്നും നെ​റ്റി​ചു​ളി​ച്ച​വ​രു​ടെ നെ​റ്റി ചു​ളി​ഞ്ഞു​ത​ന്നെ ഇ​രി​ക്ക​ട്ടെ​യെ​ന്നും അദ്ദേഹം പറഞ്ഞു.

“അ​പ്രി​യ സ​ത്യം പ​റ​യു​ന്ന​ത് പ​ല​ർ​ക്കും ഇ​ഷ്ട​മ​ല്ല. സ​ത്യം പ​റ​യു​ന്ന​ത് പ​ല​ർ​ക്കും ഭ​യ​പ്പാ​ടു​ണ്ടാ​ക്കു​ന്നു. ഐഎസിന്റെ പ്രവര്‍ത്തനത്തെ കുറിച്ചാണ് താന്‍ പറഞ്ഞതെന്നും അദ്ദേഹം പറഞ്ഞു. കേരളത്തില്‍ മുസ്ലിം ജനനനിരക്ക് കൂടുകയാണെന്ന പരാമര്‍ശത്തിന് സര്‍ക്കാരിന്റെ തന്നെ ജനന മരണ നിരക്ക് സംബന്ധിച്ച കാര്യങ്ങളാണ് പറഞ്ഞതെന്നും അദ്ദേഹം മറുപടി പറഞ്ഞു.

ലൗ ജിഹാദ് സംബന്ധിച്ച പരാമര്‍ശത്തെ കുറിച്ച് ചോദിച്ചപ്പോള്‍ നേരത്തേ ഹൈക്കോടതി രണ്ട് ലൗ ജിഹാദ് സംബന്ധിച്ച കേസുകള്‍ തന്നെ ഏല്‍പ്പിച്ചിരുന്നുവെന്നും അദ്ദേഹം പ്രതികരിച്ചു. അത് ഇല്ല എന്ന് പൂര്‍ണമായും പറയുന്നത് ശരിയല്ലെന്നും അദ്ദേഹം കൂട്ടിച്ചേര്‍ത്തു.

ആ​ർ​എ​സ്എ​സ് ദേ​ശീ​യ കാ​ഴ്ച​പ്പാ​ടു​ള്ള സം​ഘ​ട​ന​യാ​ണെ​ന്ന സെ​ൻ​കു​മാ​റി​ന്‍റെ പ​രാ​മ​ർ​ശം വി​വാ​ദ​മായിരുന്നു. തീ​വ്ര​വാ​ദ​ത്തി​ന്‍റെ കാ​ര്യം പ​റ​യു​ന്പോ​ൾ ആ​ർ​എ​സ്എ​സി​നെ പ​രാ​മ​ർ​ശി​ക്കു​ന്ന​തു ശ​രി​യ​ല്ലെ​ന്നും മു​സ്ലീം തീ​വ്ര​വാ​ദ​വും ആ​ർ​എ​സ്എ​സും ത​മ്മി​ൽ യാ​തൊ​രു താ​ര​ത​മ്യ​വു​മി​ല്ലെ​ന്നും സെ​ൻ​കു​മാ​ർ കഴിഞ്ഞ ദിവസം പറഞ്ഞു.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Tp senkumar respond on controversial remarks

Next Story
മലയാളികൾ ശുദ്ധഹൃദയർ, വിശ്വസിക്കാവുന്നവർ; ഒരു അമേരിക്കൻ സഞ്ചാരിയുടെ സാക്ഷ്യപത്രംUber Taxi, യൂബർ ടാക്സി, Uber driver returns lost purse, നഷ്ടപ്പെട്ട പഴ്സ്, യൂബർ ഡ്രൈവർ മടക്കി, American Tourist, അമേരിക്കൻ വിനോദസഞ്ചാരി, Fortkochi Police station, ഫോർട്ട്കൊച്ചി പൊലീസ് സ്റ്റേഷൻ, Uber driver Manu, യൂബർ ഡ്രൈവർ മനു, American Tourist David, അമേരിക്കൻ ടൂറിസ്റ്റ് ഡേവിഡ്
The moderation of comments is automated and not cleared manually by malayalam.indianexpress.com
Best of Express