Thrissur Pooram 2019 Highlights: വർണ്ണ വിസ്മയമൊരുക്കി തൃശൂര്‍ പൂരം; പകല്‍പൂരത്തോടെ ഇന്ന് കൊടിയിറക്കം

ദേശീയ ബോധത്തെ ഉണർത്തി ജവാന്മാരെ സ്മരിച്ച് ഇന്ത്യൻ ദേശീയ പതാക വാനിൽ ഉയർത്തി പാറമേക്കാവിന്റെ കുട

കുടമാറ്റത്തിൽ അയ്യപ്പനെ അവതരിപ്പിച്ച് തിരുവമ്പാടിയും പാറമേക്കാവും

ഓലക്കുടയിലൂടെ തിരുവമ്പാടിക്ക് മറുപടി നൽകി പാറമേക്കാവ്. തെയ്യം തിറ രൂപത്തോട് കൂടിയാണ് പാറമേക്കാവ് ഓലക്കുട അവതരിപ്പിച്ചത്.

മൂന്ന് തട്ടുകളുള്ള പട്ട് കുടകൾ അവതരിപ്പിച്ച് പാറമേക്കാവിന് തിരുവമ്പാടിയുടെ മറുപടി. 

മയിലുകളുടെ രൂപത്തിൽ കുടകളുമായി പാറമേക്കാവ്. പട്ടുകുടകൾ മാറി സർപ്രൈസ് കുടകളിലേക്ക് ചുവട് മാറുകയാണ് കുടമാറ്റം

നിരവധി വർണ്ണങ്ങളോട് കൂടിയ സാമ്പ്രദായിക കുടകൾ അവതരിപ്പിച്ച് പാറമേക്കാവ്. പഞ്ചവർണ്ണങ്ങളോട് കൂടിയതാണ് ഇത്തരം കുടകൾ.

തൃശഊർ പൂരത്തിന്റെ പ്രധാൻ ആകർഷണമായ കുടമാറ്റത്തിന് ഉപയോഗിക്കുന്നത് 5000 മുതൽ 50000 രൂപ വരെ വില വരുന്ന കുടകളാണ്. ഏകദേശം മൂന്ന് മാസത്തോളം സമയമെടുത്താണ് കുടകൾ ഒരുക്കുന്നത്. 51 സെറ്റ് കുടകളാണ് ഒരു ഭാഗം മാറ്റി അവതരിപ്പിക്കുന്നത്

ഇരു വിഭാഗങ്ങളിലുമായി ആകെ 30 ആനകളാണ് കുടമാറ്റത്തിന് വേദിയൊരുക്കുന്നത്

ദേശീയ പതകയും ജവാന്മാരെയും അവതരിപ്പിച്ച് കുടമാറ്റം

വർണ്ണ കാഴ്ചയൊരുക്കി തിരുവമ്പാടിയും പാറമേക്കാവ്

തൃശൂർ പൂരത്തിലെ വർണവിസ്മയമായ കുടമാറ്റത്തിന് തുടക്കമായി. തെക്കേഗോപുരനടയിലാണ് കുടമാറ്റം നടക്കുന്നത്

കുടമാറ്റത്തിനായി തെക്കേഗോപുരനടയിൽ നെറ്റിപ്പട്ടം കെട്ടിയ ഗജവീരന്മാർ അണിനിരക്കുകയാണ്. കുടമാറ്റം കാണാനായി ആകാംക്ഷയോടെ കാത്തിരിക്കുകയാണ് പൂരപ്രേമികൾ

തൃശൂർ പൂരത്തിൽ ഇനി വർണക്കാഴ്ചയുടെ സമയമാണ്. പൂരത്തിലെ ഏറ്റവും ആകർഷണങ്ങളിലൊന്നായ കുടമാറ്റം അൽപസമയത്തിനകം നടക്കും. വർണങ്ങളുടെ വിസ്മയം കാണാൻ പതിനായിരങ്ങളാണ് പൂരനഗരിയിൽ തടിച്ചുകൂടിയിട്ടുളളത്

ശ്രീമൂലസ്ഥാനത്തു കിഴക്കൂട്ട് അനിയൻമാരുടെ പ്രമാണത്തിൽ തിരുവമ്പാടിയുടെ പാണ്ടിമേളം അരങ്ങേറുകയാണ്. പാണ്ടിമേളം കഴിഞ്ഞാലുടൻ കുടമാറ്റം നടക്കും.

പെരുവനം കുട്ടൻമാരാർ നേതൃത്വം നൽകിയ ലോകപ്രശസ്തമായ ഇലഞ്ഞിത്തറ മേളം അവസാനിച്ചു. പൂരപ്രേമികളെ ആവേശത്തിലാക്കിയാണ് രണ്ടര മണിക്കൂറോളം മേളം നീണ്ടുനിന്നത്.

ഇന്നു രാവിലെ ദേഹാസ്വാസ്ഥ്യത്തെത്തുടർന്ന് പെരുവനം കുട്ടൻ മാരാരെ ആശുപത്രിയിൽ പ്രവേശിച്ചിരുന്നു. പക്ഷേ ഇലഞ്ഞിത്തറ മേളത്തിന് നേതൃത്വം കൊടുക്കാൻ അദ്ദേഹം ഉച്ചയോടെ പൂരനഗരിയിലെത്തി

Peruvanam Kuttan Marar arriving for Ilanjitharamelam despite an uneasiness he caused during the beginning of pooram. #thrissurpooram2019#ThrissurPoorampic.twitter.com/Eswz6WTKHv

— gopikavarrier (@gopikavarrier1) May 13, 2019

ആവേശലഹരിയിൽ തൃശൂർ പൂരം #ThrissurPoorampic.twitter.com/466BYoBdzd

— IE Malayalam (@IeMalayalam) May 13, 2019

പൂരപ്രേമികളെ ആവേശത്തിലാക്കി ഇലഞ്ഞിത്തറ മേളം കൊട്ടിക്കയറുകയാണ്.  ജനലക്ഷങ്ങളാണ് പൂരനഗരിയിൽ മേളപ്പെരുക്കം ആസ്വദിക്കാനായി എത്തിയിട്ടുളളത്

തൃശൂർ പൂരത്തിലെ ലോക പ്രശസ്തമായ ഇലഞ്ഞിത്തറ മേളം തുടങ്ങി. പെരുവനം കുട്ടൻമാരാരുടെ നേതൃത്വത്തിൽ 300 പേരാണ് അണിനിരക്കുന്നത്

കുട്ടൻമാരാരുടെ നേതൃത്വത്തിലുളള ചെമ്പടമേളം പൂർത്തിയായി. ലോകപ്രശസ്തമായ ഇലഞ്ഞിത്തറമേളം അൽപസമയത്തിനകം തുടങ്ങും

മഠത്തിൽ വരവ് കാണാൻ ജനത്തിരക്ക്#ThrissurPooram pic.twitter.com/mQgL0XyqfF

— IE Malayalam (@IeMalayalam) May 13, 2019

കുട്ടൻമാരാരുടെ മേളവിസ്മയമായ ചെമ്പടമേളം തുടരുകയാണ്. ഉച്ചയ്ക്ക് രണ്ടിനാണ് പ്രശസ്തമായ ഇലഞ്ഞിത്തറ മേളം. പെരുവനം കുട്ടൻമാരാരുടെ നേതൃത്വത്തിൽ 300 പേരാണ് അണിനിരക്കുക

പാറമേക്കാവ് ഭഗവതിയെ പുറത്തേക്ക് എഴുന്നളളിക്കുന്നു#ThrissurPooram pic.twitter.com/5AESu3Pr6P

— IE Malayalam (@IeMalayalam) May 13, 2019

പാറമേക്കാവ് ഭഗവതിയെ പുറത്തേക്ക് എഴുന്നളളിക്കുന്നു. 15 ആനകളുടെയും കതിനകളുടെയും അകമ്പടിയോടെയാണ് പാറമേക്കാവ് ഭഗവതിയെ പുറത്തേക്ക് എഴുന്നളളിക്കുന്നത്. പെരുവനം കുട്ടൻമാരാരുടെ നേതൃത്വത്തിലുളള ചെമ്പടമേളം തുടങ്ങി.

തൃശൂർ പൂരം കാണാൻ വിദേശികളും#ThrissurPooram pic.twitter.com/sGZEt1V31m

— IE Malayalam (@IeMalayalam) May 13, 2019

തിരുവമ്പാടിയുടെ മഠത്തിലേക്കുളള വരവ് തുടങ്ങി. തിരുവമ്പാടി ഭഗവതിയുടെ തിടമ്പ് ബ്രഹ്മസ്വം മഠത്തിൽനിന്ന് വടക്കുംനാഥ ക്ഷേത്രത്തിലേക്ക് എഴുന്നളളിക്കുന്ന ചടങ്ങാണിത്

കനത്ത ചൂടിനെ തുടർന്ന് എഴുന്നള്ളിപ്പിനുള്ള ആനകൾക്ക് തേക്കിൻകാട് മൈതാനിയിൽ തന്നെ കുളിക്കാനുള്ള സൗകര്യം ഒരുക്കിയിട്ടുണ്ട് #ThrissurPoorampic.twitter.com/zXQgSrAdVw

— IE Malayalam (@IeMalayalam) May 13, 2019

കോങ്ങാട് മധു പ്രമാണിയായ മഠത്തിൽ വരവ് പഞ്ചവാദ്യം പൂരപ്രേമികളെ ആവേശത്തിലാക്കി കൊട്ടിക്കയറുകയാണ്. അരമണിക്കൂറിലധികമായി മഠത്തിൽ വരവ് പഞ്ചവാദ്യം തുടങ്ങിയിട്ട്.

പൂരാവേശത്തിൽ തൃശൂർ#ThrissurPooram pic.twitter.com/qMcmFqteyB

— IE Malayalam (@IeMalayalam) May 13, 2019

കോങ്ങാട് മധുവിന്റെ പ്രമാണത്തിൽ പഴയ നടക്കാവിൽ മഠത്തിൽ വരവ് പഞ്ചവാദ്യത്തിന് തുടക്കമായി. ചെറു പൂരങ്ങളാണ് പൂരനഗരിയിലേക്ക് ഇപ്പോൾ എത്തിക്കൊണ്ടിരിക്കുന്നത്.  ആറു ഘടകപൂരങ്ങൾ വടക്കുന്നാഥനെ വണങ്ങിയശേഷം മടങ്ങിപ്പോയി. ഇനി രണ്ടു ഘടകപൂരങ്ങളാണ് എത്താനുളളത്. ഇപ്പോൾ ചൂരക്കോട്ടുകാവ് ഭഗവതിയാണ് വന്നുകൊണ്ടിരിക്കുന്നത്. 

കനത്ത സുരക്ഷയിലാണ് ഇത്തവണ തൃശൂർ പൂരം നടക്കുന്നത്. ബാഗുകളും കവറുകളും പരിശോധിച്ച ശേഷമാണ് ക്ഷേത്രത്തിനകത്തേക്ക് ആളുകളെ പ്രവേശിപ്പിക്കുന്നത്തൃശൂർ പൂര നഗരിയിൽ കനത്ത സുരക്ഷയാണ് പൊലീസ് ഒരുക്കിയിട്ടുളളത് 

തൃശൂർ പൂര നഗരിയിൽ കനത്ത സുരക്ഷയാണ് പൊലീസ് ഒരുക്കിയിട്ടുളളത് #ThrissurPoorampic.twitter.com/J1xCU32qYX

— IE Malayalam (@IeMalayalam) May 13, 2019

കോങ്ങാട് മധുവിന്റെ പ്രമാണിത്വത്തിൽ പഴയ നടക്കാവിൽ മഠത്തിൽ വരവ് പഞ്ചവാദ്യം അൽപസമയത്തിനകം തുടങ്ങും. പതുക്കെ കൊട്ടിക്കയറി ആവേശത്തിന്റെ നെറുകയിൽ എത്തുന്നതാണ് മഠത്തിൽ വരവ് പഞ്ചവാദ്യം

തൃശൂർ പൂരനഗരിയിൽനിന്നുളള കാഴ്ച #ThrissurPooram pic.twitter.com/3lWDM8y9ch— IE Malayalam (@IeMalayalam) May 13, 2019

നാലു ഘടകപൂരങ്ങൾ തൃശൂർ പൂര നഗരയിലെത്തി.  ആദ്യം എത്തിയത് കണിമംഗലം ശാസ്താവാണ്. പിന്നാലെ പനമുക്കംപിളളി, ചെമ്പുക്കാവ്, കാരമുക്ക് ലാലൂർ ഭഗവതിയും എത്തി.  അയ്യന്തോൾ ഭഗവതി വടക്കുന്നാഥനെ വണങ്ങിയശേഷം ഇപ്പോൾ പൂരനഗരിയിലേക്ക് വരികയാണ്

തൃശൂർ പൂരത്തിലെ ആകർഷണങ്ങളിലൊന്നായ തെക്കേഗോപുരനടയിലെ വിശ്വപ്രസിദ്ധമായ കുടമാറ്റം വൈകിട്ട് 5.30 നാണ്. പുലർച്ചെ മൂന്നിനാണു പൂരവെടിക്കെട്ട്

11 മണിക്ക് പഴയ നടക്കാവിൽ മഠത്തിൽ വരവ് പഞ്ചവാദ്യത്തിനു കോങ്ങാട് മധു പ്രമാണിയാകും. 12.30 നാണ് കുട്ടൻ മാരാരുടെ ചെമ്പടമേളം. 2 മണിക്ക് പടിഞ്ഞാറേനടയിലെ ഇലഞ്ഞിത്തറയിൽ ലോകപ്രശസ്തമായ ഇലഞ്ഞിത്തറമേളം. 2.45 ന് ശ്രീമൂലസ്ഥാനത്തു കിഴക്കൂട്ട് അനിയൻമാരുടെ പ്രമാണത്തിൽ തിരുവമ്പാടിയുടെ പാണ്ടിമേളം

തൃശൂർ പൂരനഗരിയിലേക്ക് ഘടകപൂരങ്ങളെത്തി തുടങ്ങി. കണിമംഗലം ശാസ്താവിന്റെ വരവോടെയാണ് ഘടകപൂരങ്ങൾ എത്തിത്തുടങ്ങിയത്.