വടക്കാഞ്ചേരി: തൃശ്ശൂരിൽ വീടിന് തീപിടിച്ച് രണ്ടു കുട്ടികൾ മരിച്ചു. ആച്ചക്കോട്ടിൽ ഡാൻഡേഴ്സ് ജോയുടെ മക്കളായ ഡാൻഫിലീസ് (10), സലസ് മിയ (2 വയസ്സ്) എന്നിവരാണ് മരിച്ചത്. ഡാൻഡേഴ്സ് ജോ (46), ഭാര്യ ബിന്ദു (36) മൂത്തമകൾ സലസ് നിയ (12) എന്നിവർക്ക് ഗുരുതര പൊള്ളലേറ്റു. ഇവരെ തൃശ്ശൂർ ജൂബിലിമിഷൻ ആശുപത്രിയിൽ പ്രവേശിപ്പിച്ചു.

ഇന്നലെ രാത്രിയോടെയാണ് കുട്ടികൾ ഉറങ്ങിക്കിടന്നിരുന്ന മുറിയിൽ തീപിടിത്തമുണ്ടായത്. തീപിടിത്തത്തിന്റെ കാരണം വ്യക്തമല്ല. മുറിക്കുളളിലെ ഇൻവെർട്ടർ പൊട്ടിത്തെറിച്ചാവാം തീപിടിത്തമുണ്ടായതെന്നാണ് പ്രാഥമിക നിഗമനം. കുട്ടികളെ പുറത്തെത്തിക്കാൻ ശ്രമിക്കും മുൻപേ തീ പടർന്നു പിടിക്കുകയായിരുന്നു. പിന്നീട് ഫയർഫോഴ്സ് എത്തിയാണ് തീ അണച്ചത്.

Get Malayalam News and latest news update from India and around the world. Stay updated with today's latest Kerala news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ