Latest News
സത്യപ്രതിജ്ഞ മാമാങ്കത്തില്‍ യുഡിഎഫ് പങ്കെടുക്കില്ല
മന്ത്രിമാർ ആരൊക്കെ? സിപിഎം, സിപിഐ നേതൃയോഗങ്ങൾ ഇന്ന്
മന്ത്രിസ്ഥാനം രണ്ടാമൂഴത്തിലായത് സഹോദരിയുടെ ആരോപണത്താലല്ലെന്ന് ഗണേഷ് കുമാർ
കാനറാ ബാങ്ക് തട്ടിപ്പ്: പണം എങ്ങോട്ടുപോയി? പൊലീസിനെ കുഴക്കി പ്രതി വിജീഷ് വർഗീസ്
കോവിഡ് ചികിത്സ: പ്ലാസ്മ തെറാപ്പി ഒഴിവാക്കി, ഫലപ്രദമല്ലെന്ന് ഐസിഎംആർ
ടൗട്ടെ ചുഴലിക്കാറ്റ് ഗുജറാത്ത് തീരം തൊട്ടു
കേരളത്തില്‍ അഞ്ച് ജില്ലകളില്‍ ശക്തമായ മഴയ്ക്ക് സാധ്യത
രാജ്യത്ത് കോവിഡ് മരണനിരക്ക് ഉയരുന്നു, 2.63 ലക്ഷം പുതിയ കേസുകള്‍

കെവിന്‍ വധക്കേസ്: മൂന്ന് പ്രതികള്‍ കൂടി പിടിയില്‍

പിടിയിലായ മൂന്ന് പേരും കൃത്യത്തില്‍ നേരിട്ട് പങ്കുളളവരാണ്.

Kevin Murder Case,കെവിന്‍ കൊലപാതക കേസ്, Kevin Case, കെവിന്‍ കേസ്,Kevin Case Witness,കെവിന്‍ കേസ് സാക്ഷി, ie malayalam, ഐഇ മലയാളം

പാലക്കാട്: കെവിന്‍ കൊലപാതക കേസില്‍ മൂന്ന് പ്രതികള്‍ കൂടി പിടിയില്‍. പാലക്കാട്ടു നിന്നുമാണ് ഇവരെ പിടികൂടിയത്. വിഷ്ണു, ഷാനു, ഷിനു എന്നിവരെയാണ് കൊല്ലം റൂറല്‍ പൊലീസ് സംഘം പിടികൂടിയത്. പിടിയിലായ മൂന്ന് പേരും കൃത്യത്തില്‍ നേരിട്ട് പങ്കുളളവരാണ്.

ഇതോടെ കേസിലെ 13 പ്രതികളില്‍ 12 പേരെയും പിടികൂടാന്‍ പൊലീസിന് കഴിഞ്ഞിട്ടുണ്ട്. കേസിലെ പ്രധാന പ്രതികളായ സാനു ചാക്കോ, പിതാവ് ചാക്കോ എന്നിവരെ കോടതിയില്‍ ഹാജരാക്കിയശേഷം പൊലീസ് കസ്റ്റഡിയില്‍ വാങ്ങിയിരുന്നു. അറസ്റ്റിലായ പ്രതികളുടെ സാന്നിധ്യത്തില്‍ വരും ദിവസങ്ങളില്‍ പൊലീസ് തെളിവെടുപ്പ് നടത്തും. സാനുവിന്റെ അമ്മ റഹ്‌നയ്ക്കായുള്ള തിരച്ചില്‍ പൊലീസ് തുടരുകയാണ്.

കെവിന്‍ പി.ജോസഫിനെ പ്രതികള്‍ തട്ടിക്കൊണ്ടു പോയത് കൊലപ്പെടുത്തുക എന്ന ഉദ്ദേശ്യത്തോടെയായിരുന്നു എന്ന് പൊലീസ് റിപ്പോര്‍ട്ട് പുറത്തു വന്നിരുന്നു. നീനുവിനെ കെവിന്‍ വിവാഹം കഴിക്കുന്നത് തടയാനാണ് തട്ടിക്കൊണ്ടുപോയത്.

കെവിനെ പുഴയില്‍ വീഴ്ത്തി കൊലപ്പെടുത്താനായിരുന്നു പ്രതികള്‍ ലക്ഷ്യമിട്ടതെന്ന് പൊലീസ് കോടതിയില്‍ നല്‍കിയ റിപ്പോര്‍ട്ടില്‍ വ്യക്തമാക്കിയിരുന്നു. നീനുവിന്റെ പിതാവ് ചാക്കോയാണ് തട്ടിക്കൊണ്ടു പോകലിന്റെ മുഖ്യ സൂത്രധാരനെന്നും പൊലീസ് റിപ്പോര്‍ട്ടിലുണ്ട്.

നീനുവിന്റെ സഹോദരന്‍ സാനു ചാക്കോയുടെ നേതൃത്വത്തിലുളള 13 അംഗ സംഘമാണ് കെവിനെ തട്ടിക്കൊണ്ടു പോയതെന്നാണ് അന്വേഷണ സംഘത്തിന്റെ കണ്ടെത്തല്‍. ഇതിന് നേതൃത്വം നല്‍കിയത് സാനുവാണെങ്കിലും മുഖ്യസൂത്രധാരന്‍ പിതാവ് ചാക്കോ ആയിരുന്നുവെന്നാണ് പൊലീസ് റിപ്പോര്‍ട്ടില്‍ പറയുന്നത്.

കെവിന്‍ തെന്മലയ്ക്കു സമീപം ചാലിയേക്കരയില്‍വച്ചു കാറില്‍നിന്നും രക്ഷപ്പെട്ടുവെന്നും അതിനടുത്ത് ചാലിയേക്കര തോടാണെന്ന് അറിയാമായിരുന്ന പ്രതികള്‍ കെവിനെ പുഴയില്‍ വീഴ്ത്തി കൊലപ്പെടുത്തുക എന്ന ലക്ഷ്യത്തോടെ പിന്തുടര്‍ന്നുവെന്നും പൊലീസ് റിപ്പോര്‍ട്ടിലുണ്ട്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Three more caught in kevin murder case

Next Story
നിപ്പ ബാധിച്ച് ഒരു മരണം കൂടി; ആരോഗ്യമന്ത്രിയുടെ നേതൃത്വത്തില്‍ ഇന്ന് യോഗം
The moderation of comments is automated and not cleared manually by malayalam.indianexpress.com
Best of Express