Latest News
മൊറേനൊ പെനാലിറ്റി പാഴാക്കി; സ്പെയിനിനെ സമനിലയില്‍ കുരുക്കി പോളണ്ട്
ഇന്ധനനിരക്ക് വര്‍ധിപ്പിച്ചു, പെട്രോളിന് 29 പൈസയും ഡീസലിന് 30 പൈസയുമാണ് കൂട്ടിയത്
സംസ്ഥാനത്ത് ഒറ്റപ്പെട്ട ശക്തമായ മഴ തുടരുന്നു; നാല് ജില്ലകളില്‍ യെല്ലോ അലര്‍ട്ട്
ഇന്നും സമ്പൂര്‍ണ ലോക്ക്ഡൗണ്‍; നാളെ മുതല്‍ ഇളവുകള്‍
രാജ്യത്ത് 58,419 പുതിയ കേസുകള്‍; 7.29 ലക്ഷം പേര്‍ ചികിത്സയില്‍
ഉത്പാദനം വര്‍ധിച്ചു; ജൂലൈയില്‍ 13.5 കോടി വാക്സിന്‍ ഡോസ് ലഭ്യമാകും

പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസ്; മുൻ ഇമാം കുറ്റസമ്മതം നടത്തി

വീട്ടില്‍ കൊണ്ടുവിടാമെന്ന് പറഞ്ഞാണ് പെണ്‍കുട്ടിയെ വാഹനത്തില്‍ കയറ്റിയത്

തിരുവനന്തപുരം: വിതുരയില്‍ പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ പിടിയിലായ തൊളിക്കോട് ജമാ അത്ത് മുന്‍ ഇമാം ഷെഫീഖ് അല്‍ ഖാസിമി കുറ്റസമ്മതം നടത്തി. വീട്ടില്‍ കൊണ്ടുവിടാമെന്ന് പറഞ്ഞാണ് പെണ്‍കുട്ടിയെ വാഹനത്തില്‍ കയറ്റിയത്. പെണ്‍കുട്ടിയുടെ കുടുംബവുമായിട്ടുള്ള പരിചയത്തിലാണ് കാറില്‍ കയറ്റിയതെന്നും നടന്ന കാര്യങ്ങളൊന്നും പുറത്തുപറയരുതെന്ന് പെണ്‍കുട്ടിയോട് പറഞ്ഞിരുന്നെന്നും ഖാസിമി കുറ്റസമ്മതത്തില്‍ വ്യക്തമാക്കി.

പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ മധുരയില്‍ നിന്ന് ഇന്നലെയാണ് ഷെഫീഖ് ഖാസിമിയെ പൊലീസ് പിടികൂടിയത്. ഖാസിമിയുടെ സഹായി ഫാസിലിനെയും പൊലീസ് പിടികൂടിയിരുന്നു. കുറ്റസമ്മതം നടത്തിയ പ്രതിയെ പെണ്‍കുട്ടിയെ തട്ടിക്കൊണ്ടുപോയ സ്ഥലത്ത് കൊണ്ടുപോയി ഇന്ന് തെളിവെടുപ്പ് നടത്തിയേക്കും. ചോദ്യം ചെയ്യലിനും തെളിവെടുപ്പിനും ശേഷം ഇന്ന് വൈകീട്ടോടെ കോടതിയില്‍ ഹാജരാക്കാനാണ് സാധ്യത.

കുറ്റകൃത്യത്തിന് ശേഷം ഒളിവില്‍ പോയ ഇമാം ആളെ തിരിച്ചറിയാതിരിക്കാന്‍ രൂപമാറ്റം വരുത്തിയിരുന്നു. ഡിവൈഎസ്പി അശോകന്റെ നേതൃത്വത്തിലുള്ള പൊലീസ് സംഘമാണ് ഇയാളെ കഴിഞ്ഞ ദിവസം പിടികൂടിയത്. ഷാഡോ പൊലീസിന്റെ സഹായത്തോടെയായിരുന്നു അറസ്റ്റ്. കോയമ്പത്തൂര്‍, ഊട്ടി, വിജയവാഡ എന്നിവിടങ്ങളിലാണ് ഇമാം ഖാസിമി ഒളിവില്‍ കഴിഞ്ഞിരുന്നത്. ഇമാമിന്റെ സഹോദരന്‍ പെരുമ്പാവൂര്‍ സ്വദേശിയായ നൗഷാദാണ് ഒളിവില്‍ കഴിയാന്‍ എല്ലാ സഹായങ്ങളും നല്‍കിയിരുന്നത്.

കഴിഞ്ഞ മാസം 12 നാണ് പ്രായപൂര്‍ത്തിയാകാത്ത പെണ്‍കുട്ടിയെ വാഹനത്തില്‍ തട്ടിക്കൊണ്ടുപോയി പീഡിപ്പിച്ചതിന് വിതുര പൊലീസ് ഖാസിമിക്കെതിരെ കേസെടുത്തത്. പ്രതിയുടെ മുന്‍കൂര്‍ ജാമ്യാപേക്ഷ കോടതി പരിഗണിക്കാനിരിക്കെയാണ് അറസ്റ്റ്.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Tholikodu rape case imam says he rape girl

Next Story
സി.പി.ജലീലിന്റെ ശരീരത്തില്‍ മൂന്നുതവണ വെടിയേറ്റു; ഇൻക്വസ്റ്റ് റിപ്പോര്‍ട്ട് പുറത്ത്Maoist Attack, CP Jaleel Murder, Maoist, മാവോയിസ്റ്റ് ആക്രമണം, സിപി ജലീൽ, വെെത്തിരി ഏറ്റുമുട്ടൽ, ഐഇ മലയാളം, IE Malayalam
The moderation of comments is automated and not cleared manually by malayalam.indianexpress.com