scorecardresearch

Latest News

വിദ്വേഷ പ്രസംഗ കേസിൽ പി.സി.ജ‍ോ‍ർജിന് വീണ്ടും നോട്ടീസ്

തിരുവനന്തപുരം വിദ്വേഷ പ്രസംഗക്കേസിൽ റിമാൻഡിലായ പി.സി ജോർജിന് ഹൈക്കോടതി കർശന ഉപാധികളോടെയാണ് ജാമ്യം അനുവദിച്ചത്

PC George, hate Speech
Photo: Facebook/PC George

കോട്ടയം: വിദ്വേഷ പ്രസംഗ കേസില്‍ ജനപക്ഷം നേതാവും മുന്‍ എംഎല്‍എയുമായ വീണ്ടും പൊലീസ് നോട്ടീസ് അയച്ചു. തിങ്കളാഴ്ച രാവിലെ 11 മണിക്ക് തിരുവനന്തപുരം ഫോർട്ട് അസിസ്റ്റന്റ് കമ്മീഷണർ ഓഫീസിൽ എത്താനാണ് നിർദേശം. തൃക്കാക്കര ഉപതിരഞ്ഞെടുപ്പിനിടെ പി.സി.ജോർജിനോട് ഹാ‍ജരാകാൻ ആവശ്യപ്പെട്ട് നോട്ടീസ് നൽകിയത് വിവാദമായിരുന്നു. ആരോഗ്യപ്രശ്നങ്ങളും തൃക്കാക്കര ഉപതിരഞ്ഞെടുപ്പ് പ്രചാരണത്തിൽ പങ്കെടുക്കാനുള്ളതും ചൂണ്ടിക്കാട്ടി ഹാജരാകാനാകില്ലെന്ന് പി.സി.ജോർജ് മറുപടി നൽകിയിരുന്നു. തുടർന്നാണ് ഇന്നലെ നോട്ടീസ് നൽകിയത്.

കഴിഞ്ഞ ഞായറാഴ്ച രാവിലെ 11 മണിക്ക് ഫോര്‍ട്ട് അസിസ്റ്റന്റ് കമ്മീഷണറുടെ മുന്‍പാകെ ഹാജരാകണമെന്ന് കാണിച്ചാണ് പി.സി.ജോർജിന് നോട്ടീസ് നൽകിയത്. തൃക്കാക്കരയിൽ പ്രചാരണത്തിന് എത്തുമെന്നും തന്നെ ജയിലിലേക്ക് അയച്ച മുഖ്യമന്ത്രി പിണറായി വിജയന് മറുപടി നൽകുമെന്നും പി.സി.ജോർജ് പറഞ്ഞിരുന്നു. അതിനു പിന്നാലെയാണ് ഹാജരാകാൻ അസി.കമ്മിഷണർ എസ്.ഷാജി നോട്ടിസ് അയച്ചത്.

തിരുവനന്തപുരം വിദ്വേഷ പ്രസംഗക്കേസിൽ റിമാൻഡിലായ പി.സി ജോർജിന് ഹൈക്കോടതി കർശന ഉപാധികളോടെയാണ് ജാമ്യം അനുവദിച്ചത്. പ്രായവും ആരോഗ്യനിലയും പരിഗണിച്ചാണ് ജോർജിനു ഹൈക്കോടതി ജാമ്യം അനുവദിച്ചത്. സമാനമായ കുറ്റം ആവർത്തിക്കരുത്, ശാസ്ത്രീയ പരിശോധനകളിൽ ഉൾപ്പെടെ അന്വേഷണവുമായി പൂർണമായി സഹകരിക്കണം, ഉദ്യോഗസ്ഥർ ആവശ്യപ്പെടുമ്പോൾ ഹാജരാവണം തുടങ്ങിയ ഉപാധികളോടെയാണു ജസ്റ്റിസ് പി.ഗോപിനാഥൻ ജാമ്യം അനുവദിച്ചത്.

Read More: തൃക്കാക്കരയിലെ തോൽവി പരിശോധിക്കാൻ സിപിഎം നീക്കം

Stay updated with the latest news headlines and all the latest Kerala news download Indian Express Malayalam App.

Web Title: Thiruvananthapuram fort police again issues notice to p c george