കൊച്ചി: സിറോ മലബാർ സഭയിലെ ഭൂമിയിടപാടുമായി ബന്ധപ്പെട്ട് തനിക്ക് തെറ്റുപറ്റിയെന്ന് കർദ്ദിനാൾ മാർ ജോർജ് ആലഞ്ചേരി. ഭൂമിയിടപാടുമായി ബന്ധപ്പെട്ട കുറ്റസമ്മത മൊഴി കർദ്ദിനാൾ, ഇത് സംബന്ധിച്ച് അന്വേഷണം നടത്തിയ കമ്മിഷന് എഴുതി നൽകി.

“ഇടനിലക്കാരൻ സാജുവിനെ പരിചയപ്പെടുത്തിയത് താനാണ്. ഭൂമിയിടപാടിൽ മനഃപ്പൂർവമല്ലാത്ത ചില ക്രമക്കേടുകൾ സംഭവിച്ചിട്ടുണ്ട്. സഭയുടെ നന്മ മാത്രമേ താൻ ആഗ്രഹിച്ചിട്ടുളളൂ”, കർദ്ദിനാൾ എഴുതി നൽകിയ മൊഴിയിൽ വ്യക്തമാക്കുന്നു.

വിവാദമായ ഭൂമിയിടപാടിൽ സിറോ മലബാർ സഭ വൈദികർ രണ്ടുതട്ടിലായിരുന്നു. എറണാകുളം – അങ്കമാലി അതിരൂപതയിലെ വൈദികരാണ് കർദ്ദിനാളിനെതിരെ ശക്തമായ നിലപാടെടുത്ത് രംഗത്ത് വന്നത്. വൈദികരും വിശ്വാസികളും ചേർന്ന് പ്രത്യേക സംഘടനയുണ്ടാക്കി ഭൂമിയിടപാട് വിഷയത്തിലെ നിലപാട് കടുപ്പിച്ചിരുന്നു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook

.