Latest News
ക്രൂയിസ് കപ്പല്‍ ലഹരിമരുന്ന് കേസ്: ആര്യന്‍ ഖാന് ജാമ്യം

സീറോ മലബാര്‍ സഭയുടെ അടിയന്തര സിനഡ് നാളെ

കര്‍ദിനാള്‍ മാര്‍ ജോര്‍ജ് ആലഞ്ചേരിയുടെ നേതൃത്വത്തിലാണ് യോഗം ചേരുക

cardinal george mar alenchery

കൊച്ചി: സീറോ മലബാര്‍ സഭയില്‍ ആഭ്യന്തര കലാപം ആളിക്കത്തി നില്‍ക്കെ അടിയന്തര സിനഡ് നാളെ (വെള്ളിയാഴ്ച) ചേരും. കര്‍ദിനാളിനെതിരെ എറണാകുളം-അങ്കമാലി അതിരൂപതയിലെ വിമത വൈദികര്‍ രംഗത്തെത്തിയ സാഹചര്യത്തില്‍ ഏറെ പ്രാധാന്യമുള്ള സിനഡ് യോഗമാണ് നാളെ നടക്കാന്‍ പോകുന്നത്. കര്‍ദിനാളിനെതിരെ പരസ്യമായി രംഗത്തുവന്ന വൈദികര്‍ക്കെതിരെ നടപടി സ്വീകരിക്കുമോ എന്നെല്ലാം സിനഡില്‍ ചര്‍ച്ചയായേക്കും. കര്‍ദിനാള്‍ മാര്‍ ജോര്‍ജ് ആലഞ്ചേരിയുടെ നേതൃത്വത്തിലാണ് യോഗം ചേരുക. വൈദികര്‍ പരസ്യ പ്രതിഷേധം നടത്തിയ സംഭവമായിരിക്കും സിനഡിലെ മുഖ്യ ചര്‍ച്ചാ വിഷയം.

Read Also: എറണാകുളം-അങ്കമാലി അതിരൂപതയില്‍ പൊട്ടിത്തെറി; ആലഞ്ചേരിക്കെതിരെ പടയൊരുക്കം

റോമിലുള്ള ബിഷപ് മാര്‍ ജേക്കബ് മനത്തോടത്ത് സിനഡില്‍ പങ്കെടുക്കില്ല. എറണാകുളം-അങ്കമാലി അതിരൂപതയിലെ സഹായ മെത്രാന്‍മാരെ നീക്കിയ നടപടിയിലും ചര്‍ച്ച നടക്കും. വത്തിക്കാന്റെ തീരുമാനത്തിനെതിരെ പ്രതിഷേധമറിയിച്ച് യോഗം ചേര്‍ന്ന വൈദികര്‍ക്കെതിരെ നടപടി വേണമെന്ന് കര്‍ദിനാള്‍ പക്ഷത്തുള്ള വൈദികരും ആവശ്യപ്പെട്ടിട്ടുണ്ട്.

സഹായ മെത്രാൻമാരെ പുറത്താക്കിയ നടപടിയിൽ പ്രതിഷേധിച്ചായിരുന്നു വിമത വൈദികർ പ്രാർഥനാ യോഗം ചേർന്നത്. 250 ഓളം വൈദികർ യോഗത്തിൽ പങ്കെടുത്തു.  ഭൂമി കച്ചവടവുമായി ബന്ധപ്പെട്ട റിപ്പോര്‍ട്ട് പരസ്യപ്പെടുത്താത്തതില്‍ വിമത വൈദികര്‍ പ്രതിഷേധം അറിയിച്ചു.

Read Also: ‘കരുത്തനാകാന്‍ ആലഞ്ചേരി’; എറണാകുളം-അങ്കമാലി അതിരൂപത സഹായമെത്രാന്മാരെ മാറ്റി

എറണാകുളം-അങ്കമാലി അതിരൂപതയുടെ സഹായ മെത്രാന്‍മാരെ മാറ്റിയത് ജോര്‍ജ് ആലഞ്ചേരിയുടെ പ്രതികാര നടപടിയാണെന്ന് വിമത വൈദികര്‍ ആരോപിച്ചു. എറണാകുളം-അങ്കമാലി അതിരൂപതയ്ക്ക് മാത്രമായി ബിഷപ്പിനെ വേണമെന്നാണ് വിമത വൈദികര്‍ ആവശ്യപ്പെടുന്നത്. അതിരൂപതയ്ക്ക് ആലഞ്ചേരിയുടെ നേതൃത്വത്തില്‍ മുന്നോട്ട് പോകാന്‍ സാധിക്കില്ല. പ്രതിഷേധ സംഗമത്തിന് ശേഷമായിരുന്നു വിമത വൈദികര്‍ പരസ്യമായി രംഗത്തുവന്നത്.

സഹായ മെത്രാന്‍മാരെ നീക്കിയത് അവരെ കാരണം അറിയിക്കാതെയാണ്. ഇത് പ്രതികാര നടപടിയാണ്. ആലഞ്ചേരിയുടെ നേതൃത്വത്തില്‍ രൂപതയ്ക്ക് മുന്നോട്ട് പോകാന്‍ സാധിക്കില്ല. കാനോനിക നിയമം അടക്കം ആലഞ്ചേരി ലംഘിച്ചു. ഭൂമി വിൽപന സിനഡില്‍ ചര്‍ച്ച ചെയ്തില്ല. നിയമം പാലിച്ചിരുന്നെങ്കില്‍ ഇപ്പോള്‍ ഉണ്ടായ പ്രശ്‌നങ്ങള്‍ സംഭവിക്കില്ലായിരുന്നു എന്നും വിമത വൈദികര്‍ ആരോപിച്ചു. സഹായ മെത്രാന്‍മാരെ ഇറക്കി വിട്ടത് ഒരു വിശദീകരണവും ചോദിക്കാതെയാണെന്നും വൈദികര്‍ കുറ്റപ്പെടുത്തി. സത്യത്തിനായി ഒരുമിച്ച് കൂടണമെന്നാണ് വത്തിക്കാന്‍ പ്രമാണം. തങ്ങളുടെ കടമയാണ് ഇപ്പോള്‍ ചെയ്യുന്നതെന്നും വൈദികര്‍ പറഞ്ഞു.

സഹായ മെത്രാൻമാരായിരുന്ന മാര്‍ സെബാസ്റ്റ്യന്‍ എടയന്ത്രത്ത്, മാര്‍ ജോസ് പുത്തന്‍വീട്ടില്‍ എന്നിവരെയാണ് കഴിഞ്ഞ ആഴ്ച സസ്പെൻഡ് ചെയ്തത്. വത്തിക്കാന്‍ ഇടപെട്ട് ഇരുവരെയും ചുമതലകളില്‍ നിന്ന് നീക്കിയതായി അതിരൂപതയില്‍ നിന്നുള്ള അറിയിപ്പുണ്ടായിരുന്നു. എറണാകുളം-അങ്കമാലി അതിരൂപതയുടെ പൂര്‍ണ ഭരണ ചുമതല കര്‍ദിനാള്‍ മാര്‍ ജോര്‍ജ് ആലഞ്ചേരിക്ക് മാത്രമായിരിക്കും എന്നും വത്തിക്കാനില്‍ നിന്നുള്ള അറിയിപ്പില്‍ പറയുന്നു. സഹായ മെത്രാന്‍ സ്ഥാനത്തു നിന്ന് മാറ്റിയ മാര്‍ സെബാസ്റ്റ്യന്‍ എടയന്ത്രത്ത്, ജോസ് പുത്തന്‍വീട്ടില്‍ എന്നിവരുടെ പുതിയ ചുമതലയെ കുറിച്ച് അടുത്ത സിനഡ് തീരുമാനിക്കും.

Get the latest Malayalam news and Kerala news here. You can also read all the Kerala news by following us on Twitter, Facebook and Telegram.

Web Title: Syro malabar church dispute synod on friday

Next Story
‘എല്ലാ ദിവസവും ആളെ കൊല്ലുന്നതാണോ ഒറ്റപ്പെട്ട സംഭവം’; മുഖ്യമന്ത്രിക്കെതിരെ ഷാഫിPinarayi Vijayan and Shafi Parambil
The moderation of comments is automated and not cleared manually by malayalam.indianexpress.com
X